استفسار عن تحديث الاندرويد في مصر ؟

السلام عليكم و رحمة الله

انا كنت سألت كتير في المواضيع الخاصة في قسم الاندرويد و لكن للأسف لم اجد اجابة , فقررت عمل موضوع
منفصل و ارجو ان يساعدني الاخوة الكرام .

انا ان شاء الله نويت اشتري xperia x8 , هو بيأتي بنظام اندرويد 1.6 و لكن مكتوب انة يقبل التحديث ل 2.1 ,

انا عايز اتأكد اني لو اشتريتة ممكن اعملة تحديث عادي ( يعني التحديث متوفر للمستخدمين في الشرق الاوسط و مصر ) ولا هيقولي ان التحديث غير متوفر في منطقتك الان !!!

تاني حاجة , هل الاندرويد ماركت هيكون متوفر و شغال في مصر ؟؟ علشان خسارة اني اجيب الموبايل و مستخدمش الماركت !!

ياريت يا جماعة لو حد عندة اي معلومة يفدني بيها علشان انا محتار جدا و النت للاسف مش لاقي فية المعلومات بالنسبة لمصر .

و معلش كمان عاير اعرف مين توكيل سوني اريكسون في مصر ؟ و عنوانة و وسيلة اتصال ؟ هل هناك مكان مفضل لشراء الموبايل ( محل موثوق منة ) ؟

شكرا .

"هذه المشاركة بواسطة الهاتف الجوال"

اشتريت الموبايل الحمد لله من يومين , هو يقبل التحديث ل 2.1 بكل سهولة ,

للاسف غير متوفر بة الاندرويد ماركت , توجد محاولات مع الوكيل لحل هذة المشكلة ( لسة موصلتش لحل حتي زمن كتابة هذة المشاركة)

انا قلت اني ارد علي الموضوع علشان لو حد عندة نفس الاسألة و محدش رد علية , يجد الرد هنا .

هحاول اني اكتب اخر التطورات عن موضوع الاندرويد ماركت هنا , لو عرفت اجيبة هشرح الطريقة ليستفيد منها الجميع.

الف مبروك علي الجهاز وشكرا علي الافادة
ممكن اعرف حضرتك اشتريته منين من القاهرة ؟وبكام؟
وهل يوجد معاه ضمان؟
وهل الكاميرا ومشغل الموسيقي كفائتهم معقوله؟
تحياتي

أخي يمكنك حل مشكلة الماركت من خلال استخدام برامج لفك حماية الماركت... مثلا هذا البرنامج جيد:
https://code.google.com/p/market-enabler

جربه

بخصوص التحديث: أغلب هواتف أندرويد قابلة للتحديث، بعضها تحديث رسمي من الشركة، وبعضها رومات متوافقة مع الجهاز تنزلها بنفسك.

اقتباس:

---

الف مبروك علي الجهاز وشكرا علي الافادة
ممكن اعرف حضرتك اشتريته منين من القاهرة ؟وبكام؟
وهل يوجد معاه ضمان؟
وهل الكاميرا ومشغل الموسيقي كفائتهم معقوله؟

---

اشتريتة من موبايل شوب ب 1500 جنية و بتاخد معاة فلاشة 2GB هدية
الضمان عام من شركة دلتا
مشغل الموسيقي بالنسبة لي ممتاز و فية كل احتياجاتي و كذلك الكاميرا ( فقط جبت برنامج يفعل خاصية ال zoom )

حتي لو مشغل الموسيقي و الكاميرة مش عاجبينك في برامج كتييييييييييييييييير جدا ممكن تحملها و تغيير الي انت عايزة , يعني تجيب مشغل موسيقي اخر ( فية منة كتييييير علي النت )

اقتباس:

---

أخي يمكنك حل مشكلة الماركت من خلال استخدام برامج لفك حماية الماركت... مثلا هذا البرنامج جيد:
https://code.google.com/p/market-enabler

جربه

---

شكرا اخي علي مرورك و علي البرنامج:) ,
ولكن للاسف الجهار لازم يكون rooted علشان يشتغل البرنامج , و انا بصراحة لسة جديد في الاندرويد و مش فاهم اوي حكاية الروت و الروم و الكلام دة , ومعرف دة لة تأثير علي الضمان ولا لأ .:(

لو سمحت لو في موقع او صفحة تشرح الكلام دة ببساطة ارجو ارشادي لها .

اقتباس:

---

المشاركة الأصلية كتبت بواسطة sikimiky

اشتريتة من موبايل شوب ب 1500 جنية و بتاخد معاة فلاشة 2GB هدية
الضمان عام من شركة دلتا
مشغل الموسيقي بالنسبة لي ممتاز و فية كل احتياجاتي و كذلك الكاميرا ( فقط جبت برنامج يفعل خاصية ال zoom )

حتي لو مشغل الموسيقي و الكاميرة مش عاجبينك في برامج كتييييييييييييييييير جدا ممكن تحملها و تغيير الي انت عايزة , يعني تجيب مشغل موسيقي اخر ( فية منة كتييييير علي النت )

---

شكرا يااخي الكريم وجزاك الله كل خير

تحياتي

الجهاز بيدعم تشغيل برنامج Skype و ال MSn

تم تنصيب ال skype و اختبارة واشتغل علي ال 3G , وتم عمل محادثة صوتية بنجاح والحمد لله ,

و بذلك ال X8 يدعم استخدام ال skype ( تاكيد لا يقبل الشك لاني مجلربة بنفسي )

لو في اخبار اخري هكتبها لكم .

اقتباس:

---

المشاركة الأصلية كتبت بواسطة sikimiky

الجهاز بيدعم تشغيل برنامج Skype و ال MSn

تم تنصيب ال skype و اختبارة واشتغل علي ال 3G , وتم عمل محادثة صوتية بنجاح والحمد لله ,

و بذلك ال X8 يدعم استخدام ال skype ( تاكيد لا يقبل الشك لاني مجلربة بنفسي )

لو في اخبار اخري هكتبها لكم .

---

خبر هايل انا كنت سمعت انا شركات المحمول التلاته مانعين الاتصال الصوتي في السكايب
بس طالما حضرتك جربت بنفسك يبقي الخبر غير صحيح

الف شكر
تحياتي

اقتباس:

---

خبر هايل انا كنت سمعت انا شركات المحمول التلاته مانعين الاتصال الصوتي في السكايب
بس طالما حضرتك جربت بنفسك يبقي الخبر غير صحيح

---

انا ايضا كنت فاكر انة ممنوع في مصر , بس نزلت البرنامج علي الموبايل و عملت شات مع احد اصدقائي و اشتغل ,
و بعدين عاملت مكالمة معة ايضا و اشتغلت ( صوت بس مش صوت و صورة ) مع العلم اني كنت شغال علي ال 3G مش داخل من Wi-Fi .

الف الف مبرووووك يا sikimiky :)
بالنسبه للماركيت

حل مشكله عدم وجودANDROID MARKET بدون انترنت وبدون كمبيوتر

اخر الاخبار للمهتمين بهذا الموبايل

تم عمل تحديث اليوم لنظام التشغيل و تغير الاتي:

1- الجهاز اصبح يدعم اللغة العربية دعما كاملا :D

2-تم فتح ال Android Market :D

وبذلك يصبح الجهاز افضل بكثييييير جدا جدا جدا , حيث انة تغلب علي اهم عيوبة .

لو احد عندة استفسار انا موجود :)

- ألف مبروك. :D

- أذكر الخطوات بالضبط ليستفيد غيرك منها.

اقتباس:

---

المشاركة الأصلية كتبت بواسطة Coolman4now

- ألف مبروك. :D

- أذكر الخطوات بالضبط ليستفيد غيرك منها.

---

الله يبارك فيك يا اخي :)

هي العملية لا يوجد بها خطوات معقدة , فقط وصل الموبايل بالجهاز و افتح الPc campanion و هو اتوماتيك هيخبرك بأنة يوجد تحديث جديد و يمشي معك خطوة خطوة لتثبيت التحديث الجديد , العملية سهلة جدا و هي نفس خطوات الترقية من اصدار 1.6 الي اصدار 2.1