والله اني صبور واصبر من الجمل
اظهر الضحك واخفي في ضميري جروح
لاتكالب زماني ارتكي للحمل
مثل ضلع طويل شامخ له سفوح
الهبايب تلوفه ما يكل ويمل
ثابت في مكانه والجبل ما يبوح
الرجال الظواري مثل هاك الجبل
عزوة اللي تعزوا من جروحه ينوح
طيبين السجايا ماضيين الفعل
بالصبر والعزيمة كم بنوا من صروح
ارفع الراس دايم لو حصل ماحصل
لا تزعزع كيانك خلي عنك طموح
والله اني صبور واصبر من الجمل
اظهر الضحك واخفي في ضميري جروح
لاتكالب زماني ارتكي للحمل
مثل ضلع طويل شامخ له سفوح
اتبع اللي يعزك واترك اللي يذل
رافق اللي يودك بالمشوره نصوح
من حكالك حكابك مثل قول المثل
من ضحكلك ضحكبك لوتشوفه مزوح
المكر والخيانة من صفات الثعل
والحرارة الأصيلة للثريا تلوح
لو صفالك زمانك مايدوم العسل
الله اللي يدوم وغير وجه يروح
يالله اغفر ذنوبي عن جميع الزلل
الخطايا كثيرة والله اللي سموح
يالله اغفر ذنوبي عن جميع الزلل
الخطايا كثيرة والله اللي سموح
والله اني صبور واصبر من الجمل
اظهر الضحك واخفي في ضميري جروح
لاتكالب زماني ارتكي للحمل
مثل ضلع طويل شامخ له سفوح
