ما هي أحسن الشركات من حيث الضمان بعد البيع
السلام عليكم ورحمة الله وبركاتة
لو سمحت أريد أن أعرف أحسن الشركات من حيث الضمان لما بعد البيع لأن لي وقفة أو وقعة مع شركة ما حيث اشتريت هارد وبعد اسبوع من شرائه وقف الهارد ولم يشتغل فرجعت للشركة وفي النهاية قالوا لي أنه عيب استخدام وليس عيب تصنيع وراح الضمان عليا واشتريت هارد تاني جديد وكان هذا من ثلاث سنوات تقريباً
فأرجو من يعرف شركة لها باع طويل في الضمان لما بعد البيع فأرجو ا ذكرها .
والسلام عليكم ورحمة الله وبركاته.
رد: ما هي أحسن الشركات من حيث الضمان بعد البيع
ليش ما في حد رد على سؤالي ؟
رد: ما هي أحسن الشركات من حيث الضمان بعد البيع
دولتك ايه اصل كلامك عااام
يعنى عايز شركه فين مصر سوريا هكذااا
قول والناس تفيد
والتجميعه اللى عايزها بكام لان لو تجميعه عاديه ممكن اى محل متوسط يظبطك فيها بسهوله
رد: ما هي أحسن الشركات من حيث الضمان بعد البيع
بص أنا من سنة جمعت جهاز من شركة أسمها كرمينا
وبعد أسبوع لقيت الجهاز بيجيب شاشة زرقاء
عملت فحص ببرامج الوندوز طلع العيب من الرام
أتصلت بيهم قالولي هات الرامة قلتلهم أجيب الكبسة علشان تصدقوا قالوا طالما أنت متأكد هات الرامة بس
رحت ونا فاكر أنهم هيبعتوها الضمن و أستني أسبوعين فوجئت أنهم أدوني وحدة بدلها جديدة وعملوا لها فاتورة بالسيريل الجديد
بصراحة كانت مفاجئة
رد: ما هي أحسن الشركات من حيث الضمان بعد البيع
جزاك الله خير أخي جعان بس حضرتك ما قلت لي فين شركة كرمينا دي أنا من مصر حضرتك منين
رد: ما هي أحسن الشركات من حيث الضمان بعد البيع
جزاك الله أخي wasooo أنا من مصر أخي الفاضل وكنت محتاج الكيسة للجيرافيك والأخوة دلوني على كيسة كويس وكل حاجة بس محتار اشتري من أنهي شركة عشان الضمان جزاك الله خير
رد: ما هي أحسن الشركات من حيث الضمان بعد البيع
هذه الشركات تعاملت معهم شخصياً و هما ممتازين و لهم سُمعه جيده فى المنتدى و خارجه :
1- هاى إند
2- ماكسيموم هاردوير
هتجد كل ما تريد هناك إن شاء الله
رد: ما هي أحسن الشركات من حيث الضمان بعد البيع
جزاك الله خير اخي الفاضل MARIACHY ولكن أخي هذه الشركات اللي حضرتك قلت لي عليهم اسعارهم مبارغ فيها شوية هذا بصراحة ولكن فيه شركة اخرى اسمها كمبيونيل اسعار معقولة ولكن مجربتهمش في الضمان
رد: ما هي أحسن الشركات من حيث الضمان بعد البيع
اقتباس:
المشاركة الأصلية كتبت بواسطة ledaha
جزاك الله خير اخي الفاضل MARIACHY ولكن أخي هذه الشركات اللي حضرتك قلت لي عليهم اسعارهم مبارغ فيها شوية هذا بصراحة ولكن فيه شركة اخرى اسمها كمبيونيل اسعار معقولة ولكن مجربتهمش في الضمان
ياراجل أسعارهم مُبالغ فيها !!
أنا حبيت أنقل لك تجربتى ، و تجربه الكثير و الكثير من الأعضاء
على العموم شركه كمبيونيل معروفه بسمعتها الجيده و لكنى لم أتعامل مع شخصياً .
انا كان نفسى أساعدك أكثر
رد: ما هي أحسن الشركات من حيث الضمان بعد البيع
شركة كرمينا في المول اللي قريب من قسم الشرطة في منطقة السخاوي (مش عارف أسم المول)
هي في الدور الثاني
رد: ما هي أحسن الشركات من حيث الضمان بعد البيع
1- هاى إند
2- ماكسيموم هاردوير
وكمبيونيل وشركات كتير موجوده فمنتدى العروض المقدمة للشركات
وبالنسبه للضمان الشركات دى كبيره ومش هتعمل معاك الحركه بتاع الضمان والكلام الفاضى
وفى موضوع لكل شركه بالقسم تقدر تشوف تفاعل الاعضاء مع كل شركه وتقارن وتختار
ارجوو من الله ان اكون وفقت فالرد