شرح ال Wighting ل GLBP Protocol

السلام عليكم....
ازيكم.....عاملييين اييييه.....؟
يارب الكل يكون بخير وفى أحسن حال....يارب.
أولاً أنا بعتذر وبشدة عن التأخير اللى حصل فى الموضوع اللى فات وكنت قلت هشرح موضوع ال Wight من GLBP Protocol .....بس اللى حصل فى الفترة اللى فاتت دى كان خارج عن ارادتى وكنت فى انشغال شدييييد....
ياريت الناس تعذرنى.......ونبدأ على طول الشرح.
معايزك بقى تركز معايا دلوقتى عشان هنراجع على كام معلومة كده من ال HSRP وتخليهم فى دماغك كده...ولما هحتاجهم هقولك.
أولاً نجيب ال Topology اللى هنشرح عليها....عشان تبقى متفاهلة كده ومش تنام مننا...
https://www14.0zz0.com/2011/04/15/08/275738559.jpg

دلوقتى بقى هنفتكر ال HSRP Track ....
دلوقتى عندنا ال MLS 0 اللى هوا على الشمال هو اللى Active دلوقتى وهوا اللى بيرد على كل الناس اللى عايزه G.W وعايزه مثلاً تروح انترنت....
طيب فرضاً ودا وارد جداً ان يحصل ان ال Line-1 دا تبقى Down اللى هيا من ال 0 Mls وال IP بتاعها 192.168.1.1 .....ايه اللى هيحصل دلوقتى....؟
هيفضل ال MLS 0 واخد ال Active Role وهيرد على الناس برده بس عملية ال Routing To Outside Network بقت Down والناس مش هتروح انترنت...مع ان فى Backup-Link بس من ال Path التانى اللى هوا من خلال ال Mls-1 وال IP- 172.16.1.1 صح كده....
بس خد بالك ان ال MLS-1 فى ال Stand-By State يعنى مش هيرد على حد الا لما ال MLs-0 يبقى Down ودا محصلش...
والحل هنا ان انت تشغل Feature اسمها Tracking لل Interface.....:confused:
ال Tracking دا أنا هعمله على ال MLS سواء ال 0 أو 1 بحيث ان أنا أقول لل MLS أول ما ال Interface اللى الموصل لل Distribution يبقى Down State يقوم يقلل من ال Priority قيمة ما أنا اللى هظبطها برده بحيث ان القيمة دى لما تقل أول ما ال Interface بيقى Down تقوم ال Priority تقل عن ال MLS التانى وبالتالى يفقد ال Active Role وال Standby يتحول ل Active لأن ال Priority بتاعته أصبحت أعلى من الأول....
دا كده عن ال HSRP Tracking.....
===================================
لكن تعالى دلوقتى لل GLBP Protocol وعملية ال Weighting ....:confused:
ايه اللى انت بتقول عليه دا ياعم.....!!!! مش فاهم حاجة.
دلوقتى ال Pc 0 عايز يروح انترنت...ليييه....؟؟ وأنا مالى...!!!
ودلوقتى ال MLS-0 شغال AVF ....يعنى ايه AVF ....لااااااااااااا.....تروح تراجع على البروتوكول دا فى الشرح اللى فات وتيجى تانى تتابع هنا....
دلوقتى ال Pc 0 هيبعت Request عادى وال MLS-0 هيرد عليه وهيديله ال V.Mac Address والراجل يروح انترنت من خلال ال Line-1 اللى هوا ال 192.168.1.1 ودا عادى جداً.....
دلوقتى ال MLS-0 دا حصلت فيه مشكلة فى ال Line-1 دا....ايه نوع المشكلة دا....كتيييير جداً وهقولك على أهمهم بس كمان شوية.
دلوقتى ال PC 0 هيرسل ال Req عادى وال MLS-0 هيرد عليه برده عادى لأنه مازال AVF بس المشكلة دلوقتى بعد ما ال MLS-0 يرسل ال Mac وال Pc0 دا يبدأ يرسل ال Traffic ل MLS وال هيوصل عادى بس ال MLS هيبدأ يعمل Route لل Traffic هيلاقى ان ال Line-1 أصلاً Down.....
هنا قالك...أوك.
احنا هنشغل خاصية ال Weighting دى هيا اللى هنجدنا من الوقعة السودا دى....ازاااااااااااااااى.....؟
هنا هنظبط ال AVF اللى هوا ال MLS-0 بحيث ان أول ما يبقى فى مشكلة فى ال Line-1 يقوم يفقد ال AVF Role ويسيبها لل MLS-1 اللى هوا أخوه..
هتقولى وايه الجديد فى كده...ما ال HSRP بيعمل كده برده....اصبر شوية.
دلوقتى مش وارد جداً ان ال Interface Fa 0/0 اللى هوا فى ال MLs-0 واللى واصل با ال Router يبقى UP بس فى مشكلة فى ال Routing أو ال IP addressing يعنى مش بقى down فى ال Physical وانما فى ال Line State...
ووارد جدا ان ال Interface يبقى UP/UP بس المشكلة فى ال Interface اللى فى الراوتر....صح...؟
هنا لو أنا شغال فى ال HSRP...ال MLS-0 مش هيفقد ال Active Role بتاعته لأن ال Interface مازال شغال بس المشكلة فى عملية ال Routing ....
لكن هنا بقى ال GLBP الموضوع مختلف....
هنظبط على ال MLS-0...شوية Options كده بحيث ان فى حالة ان ال Route بس وقع أو دخل فى ال Hold-Down مثلا أفقد ال AFV وأديها لأخويا التانى...
ازاااااااااااااااااااااااااى......؟
هنروح على ال MLS-0 نعمل ال Command دا....
MLS-0(config)# track 1 interface FastEthernet 0/0 line-protocol
ايه اللى أنا عملته دا....؟
أنا دلوقتى عملت Track وكتبت رقم 1 ...والرقم دا مجرد تعريف لل Track ..
وبعد كده هقوله انت هتراقب ميين.....؟؟؟ طبعاً تتابع Interface Fa 0/0
طيب...وهراقب ايه فى ال Interface دا...طبعاً هراقب ال Line-State لأنها مهمة جداً...أو ممكن أراقب ال IP Routing ود ال Command
MLS-0#(config)# track 1 interface FastEthernet 0/0 IP Routing
ولازم تلاحظ ان أنا مازلت فى ال Config Mode ....
بعد كده نقول لل MLS-0 ال 2 قيمة بتوع ال Weighting....زى ال HSRP ما كنا بنقوله القيمة اللى بيطرحها من ال Priority .....بس هنا هنعمل حاجة أجمل منها...
احنا هنعمل Max Value وكمان Lower Value .....يمعنى ان أنا هقول لل MLS-0 لو القيمة قلت عن كذا يفقد ال AVF ولما تعلى وتوصل لل Max تبقى AVF فى حالة تفعيل ال Preempt...ونعمل الكلام دا عن طريق ال Command
MLS-0(config)#interface fastEthernet 0/0
MLS-0(config-if)#glbp 1 weighting 1 100
وهنا طبعاً ال Lower هيا ال 1 وال Upper هيا ال 100 ...وتقدر تحدد ال Values دى من 1 ل 254 .....
أما ال 1 اللى فى الأول اللى بعد glbp ف دا ال Group اللى انت بتعملها فى ال Glbp عادى خالص...
باقى حاجة أخيرة على ال MLS-0 ...وأن أنا أقوله لما فعلاً ت Detect أى IP Routing Fails أو Line-State Fail تنقص من ال Wight قد ايه....
Router(config-if)#glbp 1 weighting Track 1 30
هنا أنا قلت لل MLS-0 أول ما ت Detect ال Fail دا تنقص 30 على طول...
وطبعاً الموضوع دا بيكون مفيييد جداً فى حالة ال Static-Route من ال Distribution لل Core لشبكة معينة انت عاملها Static وبتعاملها معاملة غير باقى ال Routes ......

====================================
يارب أكون قدرت أوضح المعلومة كويس....ويبقى الموضوع سهل ومفهوم ان شاء الله....
لو فى أى استفسار أنا موجود.....
وأعتذر مرة أخرى عن التأخييير اللى حصل...وخاصة ان أنا كنت قلت هشرح الموضوع دا الأسبوع اللى فاا بس الظروف كانت أقوى من ذلك...
وبالتوفيق ان شاء الله....
يارب.,,,

جزاك الله كل خير على شرحك الاكثر من رائع

دائما سباق

جزاك الله خيرا

اقتباس:

---

المشاركة الأصلية كتبت بواسطة محمد19900

جزاك الله كل خير على شرحك الاكثر من رائع

---

========================================
انت تأمر,,,,,وفى أى وقت.
بس أنا أسف جداً على التأخير اللى حصل.....

اقتباس:

---

المشاركة الأصلية كتبت بواسطة سعيد يوسف

دائما سباق

جزاك الله خيرا

---

================================================== ===
جزاك الله كل خير.....
ازيك يا بشمهندس / سعيد...؟؟؟؟
أخبارك ايه.....؟
يارب تكون بخير....

الحمد لله

بجد انت مجتهد جدا

ربنا يوفقك

جزاك الله كل خير

السلام عليكم ورحمة الله وبركاته
بسم الله الرحمن الرحيم
اخبار حضرتك يا بشمهندس :-))

موضوع سهل جدا وممتع لانه من قلمك
ووضحلنا حاجات كتير
فربنا يباركلك :-)

كان عندي سؤال :-)
حضرتك عملت monitor ل interface f 0/0
وده على ما اعتقد المتوصل بين ال راوتر وال MLS

طيب لما نكتب ال weight
هنكتبها برضو على ال interface fa 0/0 الهو مفروض يتراقب؟؟
وله هنكتبها بين ال MLSs

وحاجه تانيه كمان :-))
MLS-0(config-if)#glbp 1 weighting 1 100
ان اقل قيمه 1 واعلى قيمه 100
دي مفهمتهاش :-((
والسببب
لو اقل من 100 وقع ال GVF
ايه لازمة الواحد المكتوب :-)
ما هو لو 90 هيقع كمان :-))
وهيبقى نفس الامر ده
glbp 1 weighting 100

شكرا جدا يا بشمهندس ومعلش مغلبك معايه :-))
بس منك بستفيد والحاجه بدل ما تخلص في ايام
معاكم بتخلص في ساعات :-))
واسفين على استغلال كرمك :-)