مشكلة في تسطيب راماتDDR2 في لوحة GA-EP41-UD3L ؟؟ ارجو الإفادة !!

دلوقتي انا عندي لوحة GA-EP41-UD3L وفي الريفيو بتاعها بيقول انها تقدر تشغل 8 جيجا رامات...!!
واشتريت 3X 2G رامات ( اتنين كينجستون وواحده هينيكس ) و بيشتغلو والجهاز بيعرفهم علي انهم 6 جيجا ..
ولكن لما اشغل الويندوز مايستخدمش الا 4 جيجا بس ( ده في ويندوز 7-X64 )... اما في XP يقراهم 3.5 جيجا ..؟؟؟؟؟؟؟؟؟
بس في تنبيه في صفحة جيجابايت https://arabic.english.gigabyte.com/...px?pid=3065#sp
بيقول الآتي..؟؟!
Because of Intel chipset limitation, please use single-side memory module if four memory modules are to be installed

ما هذا وما الحل إذاً....؟؟؟؟؟
ارجو الإفادة...

انا عرفت ان لازم اغير في الفولت الخاص بالرامات من البيوس..بس انا معرفش القيم اللي مفروض اقللها...
ياريت لو حد يعرف يقولي ولكم جزيل الشكر...

هل الوندز تبعك 32 بت أو 64 بت ...
على حد علمي 32 بس ما يقدر يقرأ أو يشغل الا 4 جيجا رام ( حتى ولو كان عندك 16 جيجا ) ..

على حسب معلوماتي القليلة في هذا الموضوع

في نوعين من الرامات : single side and double side

والاثنين دول لا يعملوا مع بعض

طيب ازاي نعرفهم من بعض

يقال ان single side تحتوي عل 8 chip في جانب واحد

اما double sided فتحتوي على 16 chips في الجانبين ( معلومة غير متأكد منها )

فانظر هل يختلف شكل الهاينكس عن الكينج ستون في شئ ؟؟

النصيحة الذهبية في هذا الموضوع انك تستخدم نفس النوع من الرامات بالظبط عند الترقية ( كلهم زي بعض في كل حاجة )

حل أخير ... اذا كانت خاصية dual channel تعمل فجرب ان تضع رام أخرى 2 جيجا بحيث يصبح المجموع 8 جيجا

أأمل أن أكون قد أفدتك أخي الكريم مع رجاء تصحيح معلوماتي ان كان بها خطأ من الأخوة الأعضاء

السلام عليكم

المشكلة في نسخة الوندوز التي قمت بتنزيلها , فنسخ 86x تتعرف على الرام بحد اقصى 3.5gb أو gb 3.75 "لا اتذكر بالضبط " لكن اذا قمت بتنزيل نسخة 64x ستتعرف على كامل الذاكرة التي لديك فهي تدعم من 4GB-128GB , ومعظم نسخ XP هي 32بت فاذا وجدت منه نسخة 64بت ستنحل المشكلة باذن الله .

انا جربت انزل ويندوز 7 - X64 واتعرفت 4 جيجا بس ومش بتعلي اكتر من كده.. وحاولت اغير في الفولتاج بتاع الرامات الدنيا كانت هاتخرب معايا..
بس الحمد لله رجعت كل حاجة زي ماكانت ورضيت بالامر الواقع...هي شكلها المشكلة كلها في المازربورد مش بتاخد اكتر من 4 جيجا في حالة اكتر من رامة...
ان شاء الله هاغيرها قريب وهابقي اتأكد من مشكلة الرامات دي انها ماتتكررش تاني ...
انا بشكركم كلكم علي اهتمامكم وجزاكم الله خيرا...بالتوفيق ان شاء الله.. وكل سنة وانتم بخير..

Because of Intel chipset limitation, please use single-side memory module if four memory modules are to be installed

ده معناه انك تستخدم رامات احادية الجانب لو انت هتركب رامات فى الاربع شقوق
و الرامات الاحادية الجانب او ال SINGLE SIDE MODULE
هى الرامات بيكون الاى سى فى جانب واحد
و ديه صورة ليها
https://www.pangolin.com/images/LD20...uler_large.jpg


اما ال DOUBLE SIDED MODULE
فهى رامات بيكون ال اى سى فى الجانبين

و بخصوص مشكلتك
يجب استخدام عدد زوجى من الرامت وليس فردى
يعنى عدد 2 رام كل رامة 2 جيجا وليس عدد 3 رام
او استخدام عدد 4 جيجا رام كل رام 2 جيجا
و لكن فى حالة استخدام 4 رامات يراعى ان يكونو احادى الجانب
فأنصحك باستخدام رامتين فقط من ما تملك
لان 4 جيجا كافى جدا لاى جهاز خلا الفترة الحالية

و هذا اجتهاد شخصى
و انتظر ردباقى الاعضاء والاخوة المشرفين

تمااام الكلام ده يا استاذ احمد ... فعلا انا الرامات اللي عندي الثنائية الجانب... بس النوع الاحادي ده بيبقي موجود في الاسواق لما افكر اشتري رامات بعد كده ؟؟
وهل الكلام ده شغال في الرامات DDR3 ؟؟
انا دلوقتي مركب رامتين بس والتالتة شايلها...والحمد لله شغال تمام..بس انت عارف بقي التكنولوجيا مش بتقف عند حد معين..الواحد يتطلع للاسرع :)
جزاك الله خيرا علي مجهودك معي وموفق دايما ان شاء الله...

الرامات 4 جيجا اللى انت شغال بيها حاليا كافية جدا لجهازك
و لو عاوز تزود و يبقى عندك 8 جيجا رامات
يبقى تجيب رامتين كل رامة 4 جيجا
و ديه موجودة حاليا واسعار الرامات حاليا منخفضة