ارجو الافاده في شراء لابتوب من الاتي
السلام عليكم و رحمه الله و بركاته
اولا انا عايز اقول ان المنتدي ده من اجمل و اكبر و افيد المنتديات اللي انا اتعاملت فيها في حياتي
و بجد ربنا يجازي كل واحد في الموقع ده خير عن العلم اللي بيقدمه للناس علشان ينفعهم بيه
بجد انا فخور بيكم و الله
و نفسي اوصل زيكم لمرحله اني اكون فاهم كويس في حاجه بالدرجه اللي تخليني افيد اي حد يطلب مساعدتي في اي مجال
اسف للاطاله بس كلمتين كانو محشورين في ظوري من كتيييييييير من اول مرة اتعاملت فيها مع المنتدي
ـــــــــــــــ
دلوقتي يا شباب انا طالب مساعدتكم لاني بجد فااااااااض بيا الكيل و تعبت و يا رب الاقي ضالتي عندكم
باختصار شديد انا محتار ما بين الابات التاليه
1 _ HP Pavilion DV6 6166
2 _ https://www.compume.com/index.php?target=products&product_id=33713
3 _ لو اي حد عنده نوعيه من ال سوني الفايو سعرها لا يتعدي 6100 جنيه مصري ماكسيمم يقدر يخليها رقم 3 و يقولي علي مواصفاتها و اذا كانت تتفوق بجدارة تستحق التفريط في الامكانيات العاليه اللي موجوده في الابين اللي فوقها علشان اشتريها
علما باني محتاج اللاب علشان شغل جرافكس و برمجه ...
ارجوا المساعده وفقكم الله الي الخير
شكرا ,,,
رد: ارجو الافاده في شراء لابتوب من الاتي
لو سمحتم يا جماعه
لو حد فاهم و اتعامل قبل كده مع الباكارد بيل ده يا ريت يقولي مميزاته و عيوبه لو يعرفها يعني
بجد انا عايز اشتريه بس مقلق جدااااا لان البراند دي مش منتشرة اوي في مصر
و شكرا مرة تانيه
رد: ارجو الافاده في شراء لابتوب من الاتي
شركه باكارد بيل شركه امريكيه متفرعه من شركه ايسر
بالنسبه للاب توب اهم حاجه الدعم الفنى لما تشترى الجهاز من تعرفيات وصيانه وتحديثات وضمان دة المهم تانى حاجه احتياجاتك ايلى بتحدد عليها الموصفات
رد: ارجو الافاده في شراء لابتوب من الاتي
اشكرك شكرا جزيلا
انا عموما اشتريته خلاص
اللي هو الباكارد بيل
و كنت عايز اعرف اراء الناس فيه
لو سمحتم يا جماعه قولولي اراءكم
و ده اللينك بتاعه
https://www.compume.com/index.php?ta...oduct_id=33713
رد: ارجو الافاده في شراء لابتوب من الاتي
امكانيات قوية جداً شبيهه بإمكانيات اللاب الذي املكه ..
الله يكرمك فيه ..
وطبعاً اقوى من الـDV6-6166 لأن الـ540M اقوى من الـ6490M الي فى الـHP بمرآحل ..
قولنا رأيك فيه انت بقى ..
رد: ارجو الافاده في شراء لابتوب من الاتي
الحقيقه ان انا اشتريت الباكارد بيل و رجعته تاني يوم و جبت ال اتش بي :D:D
و ده بسبب حاجه واحده فقط و دي شهاده لله و الله
السبب ده ان الباكارد بيل مراكز الصيانه بتاعته في مصر قليله جدا
يعني خدمه ما بعد البيع ضعيفه و هي دي نقطه القصور الوحيده اللي لقيتها في اللاب و الله بجد
انا فعلا ندمان اني رجعته لانه بصراحه و بعد ما اشتريت الاتش بي لقيت ان الباكارد بيل بجد احسن بكتيييييييييييييييييييييير
الاتش بي بيسخن جدا
الباكارد بيل انا كنت حاطه علي بطني و نايم و كنت بلعب عليه و محستش باي سخونه
انما الاتش بي ................. :D
بجد اللي عايز يجيب باكارد بيل يجيبه و يكون مطمن جدا ... لكن يحافظ عليه مش اكتر
و ربنا يوفق الجميع