أريد شراء هارد واحد تيرا ... كاش 64 فبما تنصحونى ... أرجو الرد للأهمية
السلام عليكم
أنوى شراء هارد واحد تيرا جديد كاش 64 كى أستخدمه كهارد أساسى و عندما سألت فى الأسواق المصرية منذ يومين لم أجد هارد WD Black Caviar ولا حتى ال Blue Caviar فبما تنصحونى لأن للأسف لا يوجد فى السوق غير الويسترن الأخضر و هذا من أسوأ الهاردات كما تعلمون فأود منكم أن ترشحولى نوع محترم 1 تيرا غير الويسترن .... و لى طلب أخر
هل الهارد Samsung SpinPoint F3 1TB هارد جيد و يصلح للإستخدام الأساسى أم لا .. ؟؟ لأن هذا الهارد هو المتاح أمامى الأن
و لكم جزيل الشكر مقدماً
>>>>>>
رد: أريد شراء هارد واحد تيرا ... كاش 64 فبما تنصحونى ... أرجو الرد للأهمية
لا هوة فى مشكلة فى الهردات الوسترن والتجار استغلوها وشالوا الهردات علشان تخلص فى السوق وهما ينزلوها باسعار نار بعد كدة علشان المصنع بيقولو ا غرق او ادمر
رد: أريد شراء هارد واحد تيرا ... كاش 64 فبما تنصحونى ... أرجو الرد للأهمية
اقتباس:
المشاركة الأصلية كتبت بواسطة RED~MOON
لا هوة فى مشكلة فى الهردات الوسترن والتجار استغلوها وشالوا الهردات علشان تخلص فى السوق وهما ينزلوها باسعار نار بعد كدة علشان المصنع بيقولو ا غرق او ادمر
للأسف الشديد ده اللى كل الشركات بتقوله .. مش عارف أعمل ايه .. و مفيش أمامى غير الهادر Samsung SpinPoint F3 1TB
و عاوز حد يقوللى رأيه فيه .. أنا هستخدم الهارد كنظام و تخزين .. يا ريت أحد الأعضاء الكرام يرد عليا لأنى فى خلال 48 ساعة هكون اشتريت
رد: أريد شراء هارد واحد تيرا ... كاش 64 فبما تنصحونى ... أرجو الرد للأهمية
هل أنت متأكد أن القرص هو Samsung Spinpoint F3 HD103SJ 1TB اذا كان كذلك فهو ممتاز.
رد: أريد شراء هارد واحد تيرا ... كاش 64 فبما تنصحونى ... أرجو الرد للأهمية
اقتباس:
المشاركة الأصلية كتبت بواسطة tarekforall
هل أنت متأكد أن القرص هو Samsung Spinpoint F3 HD103SJ 1TB اذا كان كذلك فهو ممتاز.
مش متأكد و الله يا أستاذ طارق ... أنا واقع فى حيرة كبيرة جداً يا ريت تساعدنى .. لو لم أجد نوع الهارد كذلك لأن الشركة قالتلى سامسونج واحد تيرا بس ... أنا تعبت و بجد الموضوع ده مسببلى ألم نفسى لأن للأسف زى ما قولت فى التوبيك كل الهاردات الويسترن التيرا اللى فى السوق جرين .. و ده من أسوأ الهاردات .. و أنا عاوز هارد تيرا يكون نضيف علشان هستخدمه كنظام و تخزين فحضرتك تقترح عليا إيه لأنى محتااااااااااار .. و للأسف فى السوق المصرى اللى عرفته كمان انك صعب تلاقى ماركة نضيفة للسامسونج ..
فياريت حضرتك تقترح عليا أعمل ايه ؟؟ و لو تعرف أى شركة بتبيع الواحد تيرا أزرق أو أسود تدلنى عليها الله يكرمك .. أنا تعبت من كتر اللف على الشركات فى الغربية و الدقهلية ...... منتظر رد حضرتك
رد: أريد شراء هارد واحد تيرا ... كاش 64 فبما تنصحونى ... أرجو الرد للأهمية
السلام عليكم ورحمة الله وبركاته ............
اخى اذا كان الهارد هو Samsung Spinpoint F3 HD103SJ 1TB كما قال الاخ طارق ، فهذا افضل هارد 1 تيرا ، لكن لا اظنك ستجده فى مصر لكن الموجود فى الاسواق تقريبا هو ده بس Samsung SpinPoint F3 EcoGreen 1TB HD105SI 1TB ..
انا افضل الهارد السامسونج اذا كان هذا الاختيار الوحيد امامك لانى جربته هو والويسترن الجرين فكان السامسونج افضل ، وبامكانك تشوف مراجعة ليه هنا .