طريقة تحميل خرائط مصر لبرنامج google maps
مساء الخير على الشباب ، كان عندى سؤال عن طريقة تحميل خريطة مصر لبرنامج Google Maps لتصفحها فى عدم وجود إنترنت ، أو لو فى برنامج أفضل و يعمل بدون مشاكل على الـ Nexus S
و يا ريت كمان لو فى طريقة أو أى شئ لإختبار جودة و عمل الـ GPS لأن دائماً بيبقى ظاهر Searching for GPS و مش بتروح :( ، و بحس إنه بيجيب مكانى و انا فى البيت مثلاً من آخر مرة كنت فاتح الـ WIFI + هو مش بيجيبها بالضبط فى فرق شارع ده عادى ^^
آسف على الإطالة و شكراً لكم
رد: طريقة تحميل خرائط مصر لبرنامج google maps
انا بحمل برنامج copilot لما يخلص هقولك اخباره
رد: طريقة تحميل خرائط مصر لبرنامج google maps
بالنسبه لبرنامج يساعدك على تحميل خرائط مصر فى كذا واحد وهاقولك وصف سريع لهم
- Locus البرنامج ده بيتيح لك تنزل الخرائط اللى انت عايزه بكذا طريقه .. بلد ... الشاشه اللى انت فاتحها ... طريق تحدده على الخريطه... مكان تحدده على الخريطه
الميزه فيه ان فى كذا مصدر للخرائطه ومنها خرائط جوجل وخرائط نوكيا وكتير تانى
العيوب ان المساحه بتكتبر جدا لان مع كل مستوى فى مساحه يعنى فى مستوى التقريب 5 ومستوى التقريب 12 وكل مايزيد الرقم كل مازاد التقريب وزاد الحجم تقريبا 3 اضعاف وشويه عن المستوى اللى قبله لحد ماتوصل للمستوى 18 او 19 فبتلاقى ارقام بالجيجا
العيب التانى ان لك حد اقصى من تنزيل الصور (الخرائط بتنزل كصور) وهو 10000 صوره يوميا يعنى لو هتنزل خريطه القاهره على المستوى 18 هتاخد منك تقريبا 4 ايام... كل يوم تنزل لحد ماتخلص المسموح لك
فى برامج تانيه جربتها برضو زى
ndrive وتنزل له خريطه مصر مساحتها 8-12 ميجا تقريبا يعنى كلام بسيط اوى .... بس هو فيه عربى وفيه بحث بالعربى وان كان عقيم ومتقدرش تبحث عن كل حاجه موجوده فيه الا انه جيد ودائما معايا على الموبايل من حوالى سنه واكتر
copilot له شهره كبيره ولكن لما جربته مرتحتلوش اوى وان كان فى ناس كتير بتحبه وتقدر تنزل خرائط اوفلاين برضو
Sygic برنامج مشهور جدا اخر حاجه له كان دعم العربى
شوف اللى يناسبك وجرب اللى يريحك استمر معاه
رد: طريقة تحميل خرائط مصر لبرنامج google maps