مشكلة مزمنة في لابتوب Dell N5110 - بيفصل وهو شغال علي الشاحن ؟ - تم الحـل
السلام عليكم ورحمة الله انا اشتريت لابتوب Dell N5110 من شهرين تقريبا وكان فيه مشكلة وهي : لما بشغله علي الشاحن فقط بدون بطارية يفصل باور بدون اي سبب ... وكذا مرة المشكلة دي ورجعته للضمان وعملت استبدال بمكنة جديدة .... وطلع فيها نفس العيب... بس المكنة الجديدة بتفصل بعد حوالي 5 ساعات شغل متواصل هل ده يبقي عيب صناعة ولا هو موديل اللابتوب كده.... هو شغال معايا بالبطارية كويس ومفهوش اي مشكلة الحمد لله ... بس لما بشيل البطارية بيظهر العيب ده ارجو الرد علي في اسرع وقت عشان لو كان ده عيب صناعة الحق ارجعه لضمان وشكراً جزيلاً
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
36 مشاهدة ومفيش رد واحد عالاقل....
فين خبراء اللابتوب هنا في المنتدي ..... ده عيب صناعة ولا ده عادي بالنسبة للموديل ده من اللابتوب ؟؟؟
رد واحد عالاقل يكفي
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
تاكد من الشاحن سليم
لو سليم يبقى عيب من البوردة نفسها (رجعه فوراااا)
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
طيب انا اعرف ازاي الشاحن سليم ولا لأ ؟؟؟
وهل الاعضاء اللي هنا في المنتدي اللي اشتروا نفس النوع عندهم نفس المشكلة ولا لا ؟؟؟
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
أخي الكريم
في ضوء متابعتي للمشاكل في المنتدى رأيت أن هناك العديد من مستخدمي هذا الموديل يشكون من ضعف البطاريه فيه
ولكن مبدأ التعميم خاطئ ... لذا مبدئياً انصحك بإختباره مجدداً ولكن تأكد من وضع اللاب على سطح املس وليس على قماش او ما شابه.
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
اخي علاء ... المشكلة عندي مش في البطارية.... وإنما في تشغيل الجهاز علي الشاحن فقط بدون تركيب البطارية....
ويعتبر الشاحن مصدر ثابت للطاقة ومع ذلك يفصل الجهاز بدون اي سبب واضح...
وده كده تاني جهاز ابدله ويطلع فيه نفس المشكلة
انا سؤالي هنا ... هل تشغيل اللابتوب علي الشاحن فقط هو في حد ذاته خطأ ويترتب عليه الفصل ده
ولا تشغيله عادي .. والفصل ده عيب صناعة...؟؟
ارجو الإفادة في هذا .. وشكراً
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
ارجع للضمان تاني متسيبهمش انا معايا نفس الجهاز n5110 تقريبا مشغله علي طول علي الشاحن بحط
البطارية مره كل شهر اشحنها واعينها تاني وكل الشغل علي الشاحن ومفيش مشاكل
وربنا يوفقك
رد: مشكلة مزمنة في لابتوب Dell N5110 - بيفصل وهو شغال علي الشاحن ؟!!
تمام.... إن شاء الله هو ده الي هايحصل....
شكراً لإهتمامكم جميعاً وبالتوفيق دائما ان شاء الله