دعوة للنقاش:الي كل من لديه خبره بالشهادات العلميه ارجو الدخول

السلام عليكم ورحمة الله وبركاته أيها الكرام..

أحتاج لمن يأخذني بيدي الى بر الأمان!

اانا حابب ان اعمل بمجال سكيورتي تستر إلا أني لا أملك الخبره الكافية لكوني لسه سامع جديد عن مجال امن المعلومات عمتاً

ولا اعرف ايه المطلوب مني من شهادات لكي اعمل بمجال السيكيورتي

مع العلم اني لسه ف 3ثانوي ،

فقررت بعون الله أن أستشيركم.

اهلاً بيك يا اخ Amr Mostafa :)
اولاً اول شىء انك تركز فى امتحاناتك كويس لان دى اخر سنه ليك فى الثانويه وربنا يوفقك يا رب
ثانياً مجال آمن وحمايه المعلومات خلينا نبقى متفقين انه من اصعب المجالات الا انه من احسن المجالات التى ستشعر فيها بالمتعه
ولاتقان هذا المجال يجب عليك ان تمر بعده مراحل اولاً قبل ان تفكر فى الدخول الى هذا المجال
ستسمع من الكثيرين ان يقولو لك عليك بشهاده ال CEH اوك انا معاهم بس دى تبقى بعد عدة مراحل لان مجال السيكيورتى كما زكرت لك هو مجال صعب ومتفرع وله اكثر من طريق واكثر من شهاده
فيمكنك ان تكون سيكيورتى على اجهزة سيسكو او ان يمكنك ان تكون سيكيورتى على انظمه ويندوز او لينكس
لذا اذا اردت ان تدخل هذا المجال فيجب ان تبدأ بأساسيات الشبكات ومن ثم انظمة التشغيل ويندوز ولينكس وبعدها يمكنك ان تبدأ فى طريق شهادات السيكيورتى المتخصصه فى هذا المجال
يبقى بدايه الطريق هكذا طبعاً انت غير ملزم ان تتبع هذا الكلام ولكنى اتحدث من منظورى الشخصى ليس الا
+Network
+Linux
MCITP
CCNA

بالنسبه للنتورك بلس واللينكس بلس ليس من الضرورى ان تأخذهم كشهاده ولكن المهم ان تكون ملم بالمنهج الخاص بهما واهم شىء فعلاً هى النتورك بلس
فهى تبدأ معك من الصفر وتؤسسك فى مجال الشبكات وتعطيك الدفعه الاولى والتى يمكن لك ان تكمل من بعدها

ولكن عليك بالتركيز فى دراستك اولاً هناك اشياء مهمة وهناك اشياء اهم
يجب عليك فهم هذا

وان شاء الله موفق فى دراستك وفى حياتك العمليه وتقدر تبقى احسن سيكيورتى ادمن

أهلا بك أخي الكريم
في البداية الباشمهندس جمال مش خلي للواحد اي حاجة باقية يقولها :D
بس انا عايزك تفهم حاجة مهمة جدا ، انت في سن رائع و ممكن تنجز كتير اوي لو خططت صح من دلوقتي. انا بارجوك انك تقرأ الموضوع ده كذا مرة من فضلك كبداية
https://arabhardware.net/forum/showthread.php?t=283970

كمان عايزك تفهم ان اللغة الانجليزية اساسية بالنسبة لك ، هتذاكر انجليزي كتير و لازم تحترف اللغة و تحبها و تتكلم بيها كتير كمان. اغلب المراجع في المجال ده باللغة الانجليزية طبعا.
هتبدأ بانك تذاكر مباديء الشبكات و مباديء الويندوز و اللينكس زي ما باشمهندس جمال قالك بالظبط. بعد كدا ممكن تدخل في مجال امن الشبكات بس اهم حاجة تحدد انت هتتخص في ايه بالظبط. حماية انظمة الويندوز او سيسكو او مواقع الانترنت و هكذا.
الطريق طويل و صعب بس لو عندك اصرار و بتحب الموضوع و انت مش من النوع المش بيقول "لا دي صعبة اوي" هتنجح ان شاء الله
بالتوفيق

ربنا يخليكو ويذيدكم من علمه
انا مكنتش متوقع ان يكون الرد سريع كده :)
باش مهندس G.Mohammad
انا للأسف مدرستي مش ثانوي عام انا ف مدرسه عسكريه وظروف مدرستي تجعلني غير مهتم بالدراسه اكثر ماهتم بالشغل العملي
ملحوظه (انا مش فلول) :D
حضرتك فيدتني كتير وان شاء الله هبدء بدراسة الشهادات ديه بعد الانتهاء من كورس الانجليزي :)

الف شكر ياستاذ Michael Youssef
وبالفعل انا دخلت كورس انجليزي ف مكتب ممتاز وهو notcourses
ان شاء الله عندي اصرار وهكمل واللي هيدفعني لكده حبي للمجال باذن الله
اشكركم جدا لاعطائي النصيحه فانا بقالي اكثر من اسبوع ببحث ف النت عن طريق البدايه ومش لاقي للآسف وبالتوفيق ليكم يارب

معلش سؤال مهم نسيت ان اطرحه :هل بعد ماحصل علي شهادات معينه اقدر التقدم الي جامعه للحصول علي مؤهل جامعي ؟
في تخصصي ان شاء الله

هو انت مش ناوي تكمل كلية اصلا؟ يعني انت عايز تذاكر الحاجات دي بعد الثانوي من غير كلية؟

لا طبعاً ان شاء الله هكمل بس اقصد لو تخصصت ف مجالي اللي هو السيكيورتي هل اقدر احصل علي مؤهل جامعي ليه ؟
بحيث ان دراستي حالياُ عن محركات المصانع والالات المختلفه وانا بصراحه مش حاببها :(

معتقدش لسا في في مصر مؤهل من هذا القبيل ، بس لما تاخد مؤهل في علوم الحاسب او نظم المعلومات هيبقي كويس جدا طبعا :)
انت هتحتاج تاخد شهادات في امن الشبكات بعدين وفي شهادات كتير متقلقش

تمام جداً ,ممكن ايميلك ياباشا ؟

تحت امرك في اي حاجة ، ابعتلي علي الخاص.