إشتريت لاب dell 5110 i7 8G-750G-(1GB)NIVINA وكل حاجه تمام بس المشكله الحراره عاليه

السلام عليكم اعضاء المنتدى الكرام , بما إني جبت لاب فـ حبيت ابقى عضو جديد معاكو في المنتدى الجميل ده .....

دلوقتي انا إشتريت اللاب اللي كتبت إسمه فوق ونزلت ويندوز وسطبت جميع التعريفات وكل حاجه شغاله تمام جداً بس المشكله الوحيده هي ( الحراره ) حراره الجهاز وصلت لـ 90 وانا بلعب nfs the run

وأدي صورتين من درجه الحراره ببرنامجين مختلفين


https://i.epvpimg.com/IScwe.jpg



https://i.epvpimg.com/Q3GCb.jpg

انا سألت ناس عن الموضوع ده واحد قالي انا عندي في بعض التطبيقات درجه الحراره بتوصل لـ 95 ومفيش مشاكل الجهاز هيتحمل وهكذا

دلوقتي بئا سؤالي هو , هل درجه الحراره ديه عاديه؟ انا يعتبر مشغل لعبه تقيله جداً انا عارف بس انا كنت بجرب كل حاجه فيه مع العلم إن وانا مشغل اللعبه ديه الحته الشمال ناحيه الماوس كده كانت سخنه جداً جداً جداً انا عارف إن ديه فيها البروسيسور وكارت الشاشه اي حاجه فيهم علشان كده بتسخن جامد كده , بس ديه ممكن تتحل إني اجيب كيبورد وماوس عادي مش مشكله

فـ انا بس عايز اعرف الحراره ديه ممكن تحرق البورده او البروسيسور وكارت الشاشه ولا لآ ارجو الرد بسرعه علشان لو كده انا هحاول ارجعه واجيب لاب مش بيسخن بـ الدرجه ديه وياريت تقولولي على انواع اللابات اللي مش بتسخن أوي كده مع التطبيقات العاليه

ملحوظه : انا كنت جايب لاب زيه في نفس اليوم والحراره وصلت 100 رجعته للراجل قالي مروحه البروسيسور مش شغاله اصلاً وإداني واحد جديد وبرضو الحراره وصلت لـ 90 مع التطبيقات العاليه , وفي حاله الخمول درجه الحراره بتكون مثلاً 55 او 57

ملحوظه أخرى : انا كنت بستخدم المروحه الخارجيه في الوقت ده Cooler بـ 5 مراوح

بص يا باشا مفيش لاب مبيسخنش بس هو فية تعليمات كدا زى حاول متسدش فتحات التهوية متحطهوش على رجلك ولا على قماش اما معروف عن i7 انة بيسخن جدا لانة بيسحب باور انا معايا ابل بتوصل درجة حرارتة ل 90بردة فدا الى حد ما عادى بس 100 دا الى مش عادى

ماهي 92 اهيه يعني قربت من الـ 100 خلاص , انا كلمت المحل اللي إشتريته منه قالي لآ السخونيه ديه مش هتأثر على حاجه ولو حاجه حصلت اللاب كده كده في الضمان

يعني حتى 90 ده عادي ؟ اصل اللاب لسه جديد فـ انا مش عارف

وحاجه تاني برضو انا مش بعرف العب عليه خااااالص من سخونه المنطقه الشمال والماوس بتبقى سخنه شويه..... فـ ياريت حل

انا معايا ايسر 5942 i7 بقاله سنة ودرجة الحرارة فى الشتاء 65 وفى الصيف 85 وشغال عادى جدا .. ماتقلقش

تمام بس المشكله إنك مش هتقدر تستخدم الكيبورد مع الآلعاب العاليه , لازم كيبورد خارجيه علشان متحسش بـ السخونيه على إيدك

تم حل المشكله بإني رجعت اللاب للمحل اللي كنت شاريه منه وهجيب واحد لينوفو غيره إن شاء الله

ولا انصح احد تماماً إنه يشتري dell inspiron n5110