موضوع هيعظم من الاستفادة بما يطرح فى المنتدى
بقالى فترة متابع المنتدى ... ولاحظت ان اغلب النشاط بيكون فى مجال التعليم المتبادل ونقل الخبرات.
بس فيه نقطة اكيد كلكو ملاحظينها : فى اغلب الاوقات عندما يطلب احد الاعضاء مساعدة بخصوص برنامج معين يقوم الزملاء برفع لينكات الكورسات الخاصة بهذا البرنامج سواء الانجليزية او العربية
وطبعا صاحب السؤال مش محتاج انه يذاكر الكورس بالكامل عشان يطبق ربع اللى هيذاكرة على ارض الواقع .... وفى اغلب الاحيان لا يقوم بالاستفادة من رد باقى الاعضاء عليه.
ايه رأيكم نخلى الموضوع تفاعلى اكتر
نعمل زى الشركات الكبيرة لما بتحب تسوق لمنتجاتها ... بتعمل حاجه اسمها Webinar وده بيكون مؤتمر بس كل المجتمعين فيه بيكونوا اونلاين فى اماكنهم بدون الذهاب الى اى مكان
طبعا احنا هنستغل الحكاية ديه فى التعليم ونقل الخبرة مش فى التسويق ... ومفيش مانع ان ادارة المنتدى تضيف بعض المواد الدعائية للعائد المادى
نخصص ايام معينه بمواعيد محددة مسبقا .... يقوم الاخوة اصحاب الخبرة باعطاء شبة محاضرة فى المادة المطلوب شرحها اونلاين
طبعا التسائل هنا هيكون .... وايه الفرق بينها وبين الفيديوهات التى يتم رفعها
الرد ان التعليم هنا هيكون تفاعلى .... يعنى ممكن المتدرب يسأل فى جزئية معينة ومحددة ... وهى بس اللى تهمه .... وميهموش تفاصيل تانيه
فكرة وحبيت اعرضها .... وياريت تلاقى استحسان لانها هتفيد كتير
رد: موضوع هيعظم من الاستفادة بما يطرح فى المنتدى
فكرة في منتهى الروعة لما تتضمنه من فوائد كثيرة.
كل التمنيات بالنظر في هذا الرأي المفيد !!!