احذرو عند شراء بروجكتور (داتاشو )
احذرو عند شراء بروجكتور (داتاشو )
الموضوع بدأ لما كنت عاوز اشترى جهاز بروجكتور (داتاشو)
ابتديت ابحث عن الشركات المتخصصة فى المجال ده, لانى كنت عايز بروجكتور ماركة معروفة ومواصفات معينة
لقيت شركات كتير ايجار وبيع وشركات بيع بس
وسألت على الاسعار وبالفعل كل شركة بعتت اسعارها والموديلات والماركات اللى عندها
والغريب ان كان فى فرق فى اسعار نفس الماركات من شركة لاخرى رغم انها نفس الماركة والموديل والمواصفات
المهم اخدت قرار انى اشترى جهاز من شركة بتأجر وبتبيع لانى وجدت ان اسعارها اقل من الشركات
المتخصصة فى البيع بس,وقولت الشركات دى سعرها غالى
بس بعد استخدام الجهاز لعدد ساعات قليلة بالنسبة لعمر اللمبة بدأت الاضاءة تقل واضطريت انى اودى الجهاز الصيانة بعد كام شهر وكانت الاجابة من الشركة ان ده سوء استخدام
على الرغم من التزامى بالقواعد اللى بتحافظ على الجهاز
اخدت الجهاز تانى لشركة من الشركات المتخصصة فى البيع بس وعندها صيانة
وعلمت من الشركة التى قامت بالصيانة ان هناك خاصية فى الجهاز يمكن بها تصفر الجهاز وجعل عدد ساعات
اللمبة صفر ساعة ولكن هناك خاصية اخرى تتميز بها بعض الاجهزة ومنهم الجهاز اللى انا اشتريته
ان فى زر معين تتضغط عليه لفترة معينى عدة ثوانى يظهر لك العمر الحقيقى والفعلى المستخدم للمبة
ومن هنا عرفت ان الشركة اللى اشتريت منها كأنت مأجرة الجهاز وقامت بتصفير ثم قامت ببيعه مرة اخرى
وانى اشتريت بروجكتور مستعمل بسعر بروجكتور جديد
وبرضو عرفت ليه كان فى فرق فالاسعار بين الشركات المتخصصة فالبيع بس والشركات اللى ببيبع وبتأجر
وقولت اقدم تجربتى ونصيحتى ان عند شراء اجهزة بروجكتور شرائها من الشركات المتخصصة فالبيع فقط
رد: احذرو عند شراء بروجكتور (داتاشو )
إنعدام ضمير ونصب واحتيال ، حسبنا الله ونعم الوكيل ، ربنا يعوضك بالأحسن إن شاء الله ..
وشكرا جزيلا على مشاركتك ..
رد: احذرو عند شراء بروجكتور (داتاشو )
ربنا يعوضك خير ... وحسبي الله ونعم الوكيل في كل تاجر غشاش .
والمشاركه فعلا أكيد أفادت ناس كتير.
رد: احذرو عند شراء بروجكتور (داتاشو )
ربنا يعوضك بالاحسن ان شاء الله
وياريت ذكر االشركة التي باعتك البروجكتور لكي لا يقع احد من الاخوة قي مثل ما وقعت يه