مراجعة سريعة على لاب lenovo z570 I5
*مقدمة:-
لابات لينوفو منتشرة جدا فى السوق وبتحقق معادلة السعر مقابل الاداء وده اللى جذبنى ليها كما ان الشركة عريقة جدا ومالكة الماركة IBM ,كما ان خامات اللاب جيدة جدا بالمقارنة مع المنافسين فى نفس السعر ,وانا طبعا محبتش اعمل المراجعة اول ما جبته واستنيت شوية علشان اعرف عيوبة ومميزاتة مع الاستخدام لفترات طويلة ,ولا حظت بردو عدم تافر مراجعات عربية كتير للماركة دى واللى شجعنى اجيبة العضو TheLeader وهو عاملة مراجعة بسيطة هنا فى المنتدى,وبصراحة انا فضلته عن الديل انسبيرون اللى هو المنافس لية فى نفس السعر.
*مواصفات اللاب :- I5 2450m 2.5 => 3.1 turboboast
gfx :gt 630m
hd :segate 500 Gb
1333 Ram :4GB
15.6" TFT Color display with LED backlight
Web Camera
WiFi - Bluetooth - USB - Ethernet 10/100
Full size keyboard with integrated numeric keypad
Touchpad
6 Cell Lithium-Ion battery
No operating system
*صور بسيطة من تصويرى:-
*صور توضح المواصفات واختبار على السريع:-
*التجربة والاداء العام :-
اللاب الحمد لله شغال كويس وخاماته جيدة ومعداش 85 درجة للبروسيسر فى اسوء الحالات وجربت علية كام لعبة تقيلة باعدادات متوسطو وشغلهم بفريمات معقولة وده بفضل كارت الشاشة gt630 m وده اقوى بقليل من gt540m والخامات بتاعته ممتازة مقارنة بالديل وتصميمة شيك وارفع وفيه سويتش لفصل كارت الشاشة الخارجى لتوفير الطاقة واطول فترة بالبطارية تصفح نت وفيديو على وضع توفير الطاقة 4ساعات ونص ووصل البطارية ل12% فقومت شاحنه, وتجربتى ككل مع اللاب جيدة. ودى ابرز مميزاته وعيوبه اللى اكتشفتها:-
>المميزات:-
1-خاماته جيدة جدا بالنسبة لسعره.
2-سعره مناسب 3550 ومعاه ماوس لاسلكى هديه واللى معاه نسخة سفن منه 3800.
3-زراير الاختصارات (Fn) ممتازة وبتغطى كافة الاحتياجات.
4-سويتش كارت الشاشة اللى بيوفر البطارية فى حالة عدم الحاجة للكارت الخارجى.
5-عمر البطارية فيه كويس.
6-تصميمه انيق ونحيف والارجل بتاعته كلها مطاطية.
>العيوب:-
1- اختصارة غلق touchpad لما بتقفلها مش بتشتغل تانى الا بعد الريستارت.
2- تحس انه مش عملى زى الكمبيوتر المكتبى وده عيب كل اللابتوبات .
فى الاخر اتمنى ان المراجعة تكون فادتكم واعتذر عن جودة الصور سوء التصوير وانا تحت امركم فى استفسار او اسئلة وانتظروا اضافة اختبارت تانية بكرة
رد: مراجعة سريعة على لاب lenovo z570 I5
محجوز للاختبارات الاضافية على الالعاب
رد: مراجعة سريعة على لاب lenovo z570 I5
الف مبروك الجهاز وبانتظار النتيجة مع الالعاب
رد: مراجعة سريعة على لاب lenovo z570 I5
ألف مبروك على اللاب توب ويتربى فى عزك
و تم التقيم :D
رد: مراجعة سريعة على لاب lenovo z570 I5
هو زرار تعديل المشاركات راح فين؟؟!:confused:
ما علينا ,دى اختبارات على بعض الالعاب اللى موجودة على اللاب ,وكل الاختبارات تمت على اعلى دقة ممكنة واعلى جودة ده طبعا علشان الاختبار بس اما اثناء اللعب بلعب على medium ,وصحيح انا نسيت الغى خاصية v-sync علشان كدة الفريمات كانت مقفولة على 60.
رد: مراجعة سريعة على لاب lenovo z570 I5
مبروك الجهاز اخي وتسلم ايديك على المراجعة وتم التقيم:)
رد: مراجعة سريعة على لاب lenovo z570 I5
مبروك علي الجهاز الجميل ......... ممكن اعرف اشتريته منين بالسعر والامكانيات دي لأني اعرف z570 بكارت 540 ونفس بقية المواصفات تقريبا وب 4000 او اكتر كمان
رد: مراجعة سريعة على لاب lenovo z570 I5
انا اشتريته من محل اسمة 2B اول ما تدخل مول سوق العصر على يمينك ,وسوق العصر ده موجود فى شارع الخليفة المأمون بالعباسية ,واحب اضيف معلومة ;فى لعب زى prototype & driver san francisco مش بيشتغلو من غير تقطيع الا بوضع كابل الشحن او على وضع الطاقة performance ,واللى فى الاختبارات فوق دى كانت على وضع energy star علشان كده الفريمات قليلة
رد: مراجعة سريعة على لاب lenovo z570 I5
شكرا جزيلا لردك .............. طيب ما هو ضمان لينوفو في مصر ؟؟؟؟؟ وهل له قطع غيار متوفرة ؟؟؟؟؟؟
رد: مراجعة سريعة على لاب lenovo z570 I5
اسف على التأخير ,بس مش كنت فاضى اليومين دولى ,والضمان هو سمارت للتجاره للاستعلام 33025088 -01288080270
بس ان لمتفق انى هودية للمحل اللى انا شارى منه وهو يتعامل