مساعده فى كسر سرعه البروسيسور
السلام عليكم ....... لو سمحتم اريد المساعده فى كسر سرعه البروسيسور
قمت مؤخرا بشراء كارت شاشه جديد (ati radeon hd 6850) ....وعلى الرغم من ان الالعاب تعمل لدى بشكل جيد اللا ان اشخاص اخرين لديهم نفس الكارت وتعمل عندهم الالعاب بشكل افضل .....ولذا سالت في احد المنتديات وقالوا لى ان عندك مشكله عنق الزجاجه..... وبعد عناء فى فهم ما هو عنق الزجاجه بدات اسال عن ثمن بروسيسور جديد ولكن اتصدمت من الاسعار....ولذا قررت ان الجا الى الخيار الاخر والذي لا احبه عاده ويجعلني متخوفا ....كسر سرعه البروسيسور
مواصفات جهازي هى :
cpu : core 2 due e7500 2.93 cash : 3 mb
ram: 8 gb ddr3 1333
vga: ati hd 6850
mother board: g41-mt-s2p
.....انا اعلم انه ربما لن يخلصني كسر السرعه من عنق الزجاجه كاملا ولكن ربما يساعد.....
ملاحظات:
1) انا لا اعلم ثمن اى مشتت ولم اشترى واحد من قبل وذهبت ذات مره الى احد البائعين وقلت له اريد مشتت (بصللى وكاني بشتمه ...او كاني شارب حاجه)
2) ارجووكم تكلموا معي على اني عيل ميعرفش حاجه فى الكمبيوتر عشان دي اول مره اعمل كسر سرعه .....ومش عاوز العب فى ال bios ينخرب الجهاز وللا يفرقع فى وشي
3) انا لسه شاري الباور سبلاي جديد (500 watt) ...عشان واحد صاحبي قاللي قبل كده ان لو الباور بتاعك تعبان او قديم وانا لعبت فى ال voltage بتاع البروسيسور ممكن ينحرق ....فقلت اقللكم مبدايا
السلام عليكم
رد: مساعده فى كسر سرعه البروسيسور
عليكم السلام
مبدئيا يجب معرفة وضع الحرارة لديك أثناء الضغط على المعالج لنرى إن كانت تسمح بالكسر أم لا ..
الضغط يتم من خلال برنامج prime95 مع تشغيل برنامج hwmonitor لتسجيل درجات الحرارة ثم تلتقط صورة بعد مرور 15 دقيقة من الضغط وترفعها بردك القادم .
رد: مساعده فى كسر سرعه البروسيسور
الصوره بعد الضغط 15 دقيقه
https://jumbofiles.com/ztpsf0qtdx8n/1.jpg.html
الحراره وصلت 66 فى النواه الاولى و 63 فى النواه الثانيه ....
رد: مساعده فى كسر سرعه البروسيسور
ادخل البيوس ثم للقائمة الرئيسية MIT عدل الخيار CPU Host clock control الى Enable ثم ارفع الخيار CPU Host Frequency الى 300 واحفظ الاعدادات وادخل الوندوز وعيد اختبار الضغط .
رد: مساعده فى كسر سرعه البروسيسور
البيانات بعد كسر السرعه
https://jumbofiles.com/j4dfsev3cyz8/2.jpg.html
درجه الحراره اقتربت من سبعين .....هل ده غلط على البروسيسور.....على العموم انا حاخفض الاعدادات تاني لحد ما حضرتك ترد عليا
رد: مساعده فى كسر سرعه البروسيسور
الحرارة في الأمان يا مان
متخفشي طالما تخت الـ 85 درجة
رد: مساعده فى كسر سرعه البروسيسور
تحت ال 85 !!!!........علي كده بقي انا اقدر ازود كمان وللا ايه؟
رد: مساعده فى كسر سرعه البروسيسور
نصيييييييييييييييييييييييييييييحة هامة جدا
من الافضل عدم كسر السرعة لانها هتسبب ليك مشاكل كتيييير جدا خصوصا وان اللوحة g41 مش هتستحمل اسال مجرب انا واحد من الناس كسرت سرعة البروسيسور على بوردة مش احترافية وكانت النتيجة ان البوردة حصل فيها مشاكل كتييير وتعبت جدا كل شوية اوديها الضمان اجبها من الضمان واوديها تانى واجبها واوديها تانى واجبها لغااااااااااااااااااااااية متزهقت وقررررت تغيييييييير البوردة خالص ورميت التانية ؟
رد: مساعده فى كسر سرعه البروسيسور
حتى مع كسر بسيط زي اللى انا عامله....يعني من غير ما ازود تردد الرام او اى شئ اخر غير التردد بتاع البروسيسور؟
رد: مساعده فى كسر سرعه البروسيسور
اقتباس:
المشاركة الأصلية كتبت بواسطة phantom 0
حتى مع كسر بسيط زي اللى انا عامله....يعني من غير ما ازود تردد الرام او اى شئ اخر غير التردد بتاع البروسيسور؟
أخى العزيز حضرتك عندما تقوم برفع الناقل الامامى لرفع سرعة البرسيسور فانت فنفس الوقت ترفع تردد الرامات أو بمعنى أخر تكسر سرعتها :)
رد: مساعده فى كسر سرعه البروسيسور
يعني غلط الكسر؟؟؟؟.....مفيش مشاكل حرجع الاعدادات الاصليه وخلاص
رد: مساعده فى كسر سرعه البروسيسور
اقتباس:
المشاركة الأصلية كتبت بواسطة phantom 0
يعني غلط الكسر؟؟؟؟.....مفيش مشاكل حرجع الاعدادات الاصليه وخلاص
أخى العزيز قم بكسر السرعة و لكن ليس كثيرا :)
رد: مساعده فى كسر سرعه البروسيسور
تمام.....يعني الكسر البسيط اللى انا عامله ده كويس .....مفهوش غلط ....صح؟.....واسف اننى طولت عليكم...بس انا فعلا حمار فى موضوع كسر السرعه ده.....
رد: مساعده فى كسر سرعه البروسيسور
اقتباس:
المشاركة الأصلية كتبت بواسطة phantom 0
تمام.....يعني الكسر البسيط اللى انا عامله ده كويس .....مفهوش غلط ....صح؟.....واسف اننى طولت عليكم...بس انا فعلا حمار فى موضوع كسر السرعه ده.....
أخى العزيزكسر بسيط لا يوجد منه أى ضرر
ثانيا متقولش على نفسك حمار
رد: مساعده فى كسر سرعه البروسيسور
الله يخليك ....طمنتنى.....انا كنت حاسس ان الجهاز حيفرقع فى وشي فى اى لحظه .....انا اصلا مبحبش كسر السرعه ده ...... ومبعملوش اللا فى اضيق الحدود.....وربنا يستر.....وشكرا ليكم علي ردودكم وصبركم عليا .....السلام عليكم