( مصر ) طلب نصيحه من الخبراء
انا امكانيات جهازى كالتالى
شاشه s2333 سامسونج 23 بوصه full HD
بورده جيجا بايت g41
رامات 4 جيجا كنجستون
بروسيسور e5700 داول كور 3.0gh
هارد 500 WD
dvd سامسونج
كيسه ماتريكس +باور 1000 وات ماتريكس غير اصلى
كارت دش s464 dvb-s2
كارت شاشه NIDIA GeForce GT 430
وعاوز احدث بعض القطع فى جهازى منها مثلا البور وناوى ان شاء الله اجيب باور سبلاى hec 350W original فهل الباور ده هيكون مناسب للجهاز بتاعى ولا هحتاج باور اعلى وتمنه ففى حدود كام؟
والبروسيسور اللى عندى شكله ضعيف ايه البروسيسور اللى اعلى من بتاعى بحاجه بسيطه بحيث انى لو بدلته مدفعش فرق كبير انا اعتقد ان الكور تو ديو كويس بس اعتقد مبقاش منتشر زى الاول ولو موجود هيبقى بكام ولو هبدله ببتاعى هيبقى الفرق كام تقريبا ؟
وايه رأيكم فى كارت الشاشه اللى عندى دلوقتى ده مع العلم انى لسه جايبه من مده قصيره هل هو جيد فى تشغيل معظم الالعاب الجديده انا جربته على PES 12 وشغال كويس بس فى مشكله لما بلعب اكثر من مباراه بحس ان اللعبه بدأت تقطع او تهنج مش عارف السبب بس ممكن يكون العيب فى اللعبه نفسها لأنى جربته بررضو على العاب تانيه كان بيشغلها كويس اوى
أقصى ميزانية محددة:الباور ميزيدش عن 160 جنيه والبروسيسور ميزيدش عن 300 جنيه فرق هبدله مع بتاعى القديم ده
- استخدامك للجهاز:لألعاب البلايستيشن PES 12/13 وامثالها + ساعات بتفرج على قنوات الاتش دى فى الدش ودى بتتقل الجهاز شويه
- حجم الشاشة و الدقة (Resolution) التي تستخدمها:600×800 PES 6/10/11/12/13 ,'FUH RK,HJ HGHJA ]N HUGN [,]I
- القطع التي تنوي شراءها:POWER SUPPLY 350 W HEC +PROCESSOR CORE2 DUEO 4MB CACHE
- القطع التي ستعيد استخدامها من الجهاز القديم:كله ماعدا الباور والبروسيسور
- ميعاد شراء الجهاز:ناوى اشترى القطع الجديده تقريبا على شهر 11
- مكان الشراء:مش عارف ممكن من اى مكان قريب ليا او من مصر اى مكان قريب للمترو
- محل سكنك: ( يكفى إسم البلد او المحافظه و لا يشترط العنوان بالتفصيل ) القليوبيه
اتمنى ان تردو عليا فى اسرع وقت
رد: ( مصر ) طلب نصيحه من الخبراء
انا راى انك تجمع فلوس وتشترى
بروسيسور وكارت شاشة وتغير الرمات لى ddr3 وتغير البوردة وتجيب باور
لان كارت الشاشة ضعيف والبروسيور والبرودة
فممكن تستنى لحد ماتجيب Intel® Core™ i3-2120 3.30GHz Processor
وتجيب Sapphire HD 6670 GDDR5
وتغير البرودة لى Gigabyte GA-H61M-S2P-B3 Socket 1155
وراما Kingston ValueRAM 4GB DDR3 1333MHz CL9
وباور HEC (Gamma) 300w PSU
رد: ( مصر ) طلب نصيحه من الخبراء
اقتباس:
المشاركة الأصلية كتبت بواسطة Keko AmaR
انا راى انك تجمع فلوس وتشترى
بروسيسور وكارت شاشة وتغير الرمات لى ddr3 وتغير البوردة وتجيب باور
لان كارت الشاشة ضعيف والبروسيور والبرودة
فممكن تستنى لحد ماتجيب
Intel® Core™ i3-2120 3.30GHz Processor
وتجيب
Sapphire HD 6670 GDDR5
وتغير البرودة لى
Gigabyte GA-H61M-S2P-B3 Socket 1155
وراما Kingston ValueRAM 4GB DDR3 1333MHz CL9
وباور HEC (Gamma) 300w PSU
احترم رأيك ياغالى لكن على حسب كلامك انا كده تقريبا هغير الجهاز كله وده مش هينفع انا بغير القطع واحده واحده علشان الفلوس فلأول هبدأ بالباور وبعد كده هبقى افكر فى البروسيسور وكارت الشاشه لكن للعلم انا لو نويت اغير كارت الشاشه هيبقى برضو نفيديا لأنى لاحب كروت ati
والرامات عندى 4 جيجا لكن هل هى سيئه ام ماذا ؟
ولك جزيل الشكر
عموما ياغالى انا استعمالى للجهاز فى الالعاب مش كتير لكن انا فقط اريد جهازى يشغل الالعاب ليس بالضروره بأعلى جوده لكن ميقطعش مثلا ويبقى شغال تمام بس مش شرط يكون يعنى امكانيات عاليه اوى + المزانيه عندى عموما متزيدش عن 600 جنيه للباور والبروسيسور وكارت الشاشه + البدل بالقطع القديمه
رد: ( مصر ) طلب نصيحه من الخبراء
انا قولت كده على اساسا انك ممكن تبيع الحاجات اللى عندك على ال600 وتحط عليهم 200 300 جنية كمان شوية وتجيب i3 جديد احسن ما تجيب Core 2 Quad او core 2 due مستعمل لان مفيش منو جديد خالص فى السوق
رد: ( مصر ) طلب نصيحه من الخبراء
اقتباس:
المشاركة الأصلية كتبت بواسطة Keko AmaR
انا قولت كده على اساسا انك ممكن تبيع الحاجات اللى عندك على ال600 وتحط عليهم 200 300 جنية كمان شوية وتجيب i3 جديد احسن ما تجيب Core 2 Quad او core 2 due مستعمل لان مفيش منو جديد خالص فى السوق
ياغالى صعب ادفع كل تلك الفلوس لأن الميزانيه كما قلت لا يمكن ان تزيد عن 600 جنيه فأن الاول ان شاء لله الاول هبدأ بالباور وبعدين هبدأ افكر فى تبدل البروسيسور بكور تو ديو مستعمل ان شاء الله وكذلك كارت شاشه اعلى قليلا فقط هذا ما افكر فيه واعتقد كده الجهاز بتاعى هيبقى جيد وبعد كده بقى ان شاء الله ممكن افكر فى بروسيسور i3 ولا حاجه وتحديث قطع اخرى لكن انا الان اريد ان يصبح الجهاز متوسط (جيد) يعنى ليس سيئا كل القطع وان لم تكن ممتازه فهى جيده وتشغل لى كل ما اريد بدون مشاكل ان شاء الله
رد: ( مصر ) طلب نصيحه من الخبراء
خلاص ياجماعه لقيت الحل ان شاء الله هبدل ان شاء الله كارت الشاشه والباور وهأجل البروسيسور لأنى سألت واحد صاحبى قالى ان كارت الشاشه اكتر حاجه بتأثر فى الالعاب وليس البروسيسور :)
رد: ( مصر ) طلب نصيحه من الخبراء
اقتباس:
المشاركة الأصلية كتبت بواسطة احمدالعطار
خلاص ياجماعه لقيت الحل ان شاء الله هبدل ان شاء الله كارت الشاشه والباور وهأجل البروسيسور لأنى سألت واحد صاحبى قالى ان كارت الشاشه اكتر حاجه بتأثر فى الالعاب وليس البروسيسور :)
كلامك تماااااااااااام
بس نصيحه قبل ماتستبدل كارت الشاشه
إستشير الأخوة هنا الأول