العرض الافضل بين هذة الاجهزة المحمولة
السلام عليكم
ارجو الرد من خلال التجربة وليس مجرد مشاهدة علي النت
فانا أعلم الكثير حولهم لكني لست من هواة الاجهزة المحولة ( لاب توب ) ولكن احتاج الية في الوقت الحالي
ولم اقتنع بفكرة الاب توب ... لذلك لم اجرب من قبل لاب توب وخصوصا اني سمعت ان كل جهاز ولة عيوب
فكرت بجهاز لوحي .. لكن نظراً لعدم توفر Asus Transformer Pad 300 في الاسواق المصرية صرفت النظر عن فكرة الجهاز اللوحي وقررت شراء لاب توب
ومن خلال المتابعة للاسواق المصرية توقفت عند هذة الموديلات
وشاهدت بعض المراجعات لها علي الانترنت
لكن اريد من بعض الذين يمتكلوا الاجهزة ان يقولوا رأيهم لكي اصل الي الخيار المناسب
Samsung
NP-300E5A-S04
Toshiba Satellite C660-A048
Acer Aspire 5755G
Dell Inspiron 15R N5110
Fujitsu Lifebook A Series AH531
الاجهزة كلها بنفس السعر تقريباً ( من 3499 الي 3666 جنية مصري )
الاجهزة بنفس المواصفات تقريباً وتحمل كلها المعالج I5 وحجم هارد 500 جيجا ورامات 4 جيجا
يختلف البعض في حملة لكارت رسومي GT 540 أو GT 525 أو GT 520
رد: العرض الافضل بين هذة الاجهزة المحمولة
نسيت وضع هذا Lenovo Ideapad Z570 ( زر التعديل لا يعمل )
رد: العرض الافضل بين هذة الاجهزة المحمولة
انا عندي سامسونج 300e5z
الجهاز جيدجدا وفش فيه مشاكل
ولكن انا كنت بدي اشتري Lenovo Ideapad Z570 بس ما كان متوفر
اعتقد انه افضل من غيره
رد: العرض الافضل بين هذة الاجهزة المحمولة
أنا عندى Fujitsu AH531
وفوق الممتاز
ال جهاز ألمانى-يبانى أصلا
و أنا إختبرته بقسوة وجرأة فى اول 14 يوم بتوع الاسترجاع
وإداءة منزلش حتى (ما شاء الله)
ومع ذلك أنصحك يال Aspire
لو هتلعب كتير.
رد: العرض الافضل بين هذة الاجهزة المحمولة
اشكركم علي الاراء ..
وانا بالفعل أميل الي Acer
Aspire 5755G .. منتظر اي حد يكون جربة يقولي الحرارة فية تحت الضغط بتوصل كام
رد: العرض الافضل بين هذة الاجهزة المحمولة
Toshiba افضلهم
ونصيحة مني ابعد عن acer جهاز مبيستحملش الشغل ومشاكله كتير كنت لسه جايب واحد مكملش شهرين والرامات اتحرقت
رد: العرض الافضل بين هذة الاجهزة المحمولة
اقتباس:
المشاركة الأصلية كتبت بواسطة KTaTaElAhlawy
اشكركم علي الاراء ..
وانا بالفعل أميل الي
Acer
Aspire 5755G .. منتظر اي حد يكون جربة يقولي الحرارة فية تحت الضغط بتوصل كام
في مراجعة هنا للجهاز و الجهاز بيسخن جامد درجة حرارة البروسيسور و كارت الشاشة بتوصل لفوق ال 90 بس الجهاز i7 فمش عارف لو i5 الحرارة هتكون نظامها ايه
https://www.notebookcheck.net/Review...k.68113.0.html
انا كنت هجيبه بس لما لقيته بيسخن فجبت Fujitsu Lifebook A Series AH531 بصراحة جهاز رائع خامات جامدة و مش بيسخن خالص
رد: العرض الافضل بين هذة الاجهزة المحمولة
ممممممم علي فكرة واحد صاحبي جاب الجهاز اللي في المراجعة بس من دبي
وبيقولي الجهاز حمار شغل وبيلعب عادي والسخونية طبيعة بتاعت اي لاب ..
عموماً هي بتبقي حظوظ بقي ولا استخدام خاطئ .. او ممكن هو نفسة مش عارف!
بس اللي شايفة ان كلة بيشكر في Fujitsu
وواضح انة ممتاز فعلاً
انا اللي كان عاجبني في الايسر كارت الشاشة GT 540
رد: العرض الافضل بين هذة الاجهزة المحمولة
اقتباس:
المشاركة الأصلية كتبت بواسطة KTaTaElAhlawy
ممممممم علي فكرة واحد صاحبي جاب الجهاز اللي في المراجعة بس من دبي
وبيقولي الجهاز حمار شغل وبيلعب عادي والسخونية طبيعة بتاعت اي لاب ..
عموماً هي بتبقي حظوظ بقي ولا استخدام خاطئ .. او ممكن هو نفسة مش عارف!
بس اللي شايفة ان كلة بيشكر في
Fujitsu
وواضح انة ممتاز فعلاً
انا اللي كان عاجبني في الايسر كارت الشاشة GT 540
هي فعلا مسألة حظوظ وربنا يوفقك ان شاء الله و تشتري جهاز كويس
رد: العرض الافضل بين هذة الاجهزة المحمولة
طب انا نويت باذن الله عليAcer Aspire 5755G
هو اغلي من الفوجستوا بـ 200 جنية تقريباً
بس امكانياتة افضل!
الكارت GT540M والهارد 640 جيجا ومعاة WIN 7 Home Premium - 64 BIT
انما الفوجستوا الكارت 525 والهارد 500 ومفيش ويندوز!
حد اشتراة من اسكندرية يعرف اي مكان ؟!
رد: العرض الافضل بين هذة الاجهزة المحمولة
محدش شكر فى acer فكر كويس وليه محطتش ديل 5520 سعره 4000 الاف وشئ قوى جدا بكارت الشاشة وكل حاجة دى نصيحة لله
فكر :)
رد: العرض الافضل بين هذة الاجهزة المحمولة
الديل 55520 فوق الميزانية وشايف ان المواصفات تقريباً هي هي ! الكارت من AMD فقط!
وفي ناس كثير بتشكر في ACER
انا معرفش اية سبب ان الجهاز مش كويس يعني مدام نفس القطع الموجودة جواة!
يعني انا كشركة مجرد باخد القطعة احطها جوا الاب .. اية اللي يخلي دة يفرق عن دة رغم انة نفس القطعة
والكلام دة طبعاً في الجهاز المكتبي مش بيفرق
يعني لو اشتريت I5 حيبقي نفس اداءة اداء I5 في جهاز اخر بنفس المواصفات
مش فاهم دة بيفرق لية في الابات من حيث السخونية !
عموماً لحد دلوقتي مازلت عند رأي بالايسر
وحاطط الـ فوجستوا كبديل
ياريت حد يقنعني
رد: العرض الافضل بين هذة الاجهزة المحمولة
لا انت كده فيه فى كلامك جزء ناقص
يفرق حتى لو نفس الامكانيات
اولا السخونة تعتمد ع نظام التبريد فى الاصدار
ثانيا لوح الحرارة اللى جوا اللاب لازم يكون يستحمل شغلك!
احنا بنتكلم على قدرة التحمل بس
رد: العرض الافضل بين هذة الاجهزة المحمولة
اها :)
طب اية الوضع دة دلوقتي بعيداً عن الديل يعني واحد من اللي فوق
انا عامة مش حلعب كثير يعني مجرد FIFA 13 لما تنزل! دي تقريباً اللي حلعبها باستمرار علي الجهاز
وحجرب فقط الالعاب علية مش حلعب .. لان جهازي المكتبي كويس الحمد لله
والباقي حيبقي شغل تصفح وفوتوشب وشوية حجات خفيفة
رد: العرض الافضل بين هذة الاجهزة المحمولة
لو قدرت تزود الميزانية ل3850
اشترى اتش بى برو بوك
فيه اتنين اعرفهم مجربينه وبيشكروا فيه