نصيحه لتجميع جهاز amd لاستخدام في برامج الرندر
انا عايز اجيب بورده مناسبه للبروسيسور ده fx 6100 amd
بشرط ان تحتوي هذه البورده علي كارت شاشه قوي وكلما زاد كارت الشاشه كان افضل لاني لن استخدم كارت خارجي حاليا
و هارد500 مناسب لهم
بحيث تكون المكونات متوافقه مع بعض ولا يوجد تعارض يبطيئ الجهاز
وعايز اعرف انهي افضل نوع متاح للبورده
or asus or gigabyte or msi
وسعر كل واحد
الميزانيه المتاحه للبودره فقط حوالي 500 جنيه
بدون القطع الاخري
هل ساحتاج لبور سبلاي اخر ؟
الهارد اعتقد انه ب 370 جنيه والمعالج اعتقد 900 جنيه
اهممممممم سؤال
هل ساشعر بفرق بين التجميعه المذكوره عن جهازي الحالي وهو
core 2 duo 2.9 ghz 3mb cache
g41 main board
رد: نصيحه لتجميع جهاز amd لاستخدام في برامج الرندر
مرحبا بك أخى الكريم و نرجو منك الالتزام بقوانين المنتدى و هى :
محتوى الموضوع :
نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!
- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )
ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .
المنتدى وُجد لمساعدتك ، فاحرص على انجاحه بإلتزامك بقوانينه وشروطه .
رد: نصيحه لتجميع جهاز amd لاستخدام في برامج الرندر
حضرتك ما انا كاتب الكلام ده اعمل ايه تاني
اسف انا لسه جديد ومش فاهم اوي
رد: نصيحه لتجميع جهاز amd لاستخدام في برامج الرندر
أخى يجب ملئ النموذج ديه اول حاجة عشان دة قانون القسم و ثانى حاجة فى اشياء مثل دقة الشاشة و اقصى ميزانية للتجميعة كلها مش قطة قطعة و القطع التى تريد شرائها لم توضع بالموضوع .
رد: نصيحه لتجميع جهاز amd لاستخدام في برامج الرندر
- أقصى ميزانية محددة :
500 جنيه ولكن للبورده فقط
- استخدامك للجهاز:
برامج الرندر المعماري والجرافيك
- حجم الشاشة و الدقة (Resolution) التي تستخدمها:
1024*768 مع شاشه 21 بوصة
- القطع التي تنوي شراءها:
بورده فقط مناسبه للمعالج fx6100 مع اعلي كارت شاشه مدمج ممكن في البورده
وهل المناسب هو giga byte or asus or msi
- القطع التي ستعيد استخدامها من الجهاز القديم:
الرامات والدي في دي والكيسة
- ميعاد شراء الجهاز:
هذا الاسبوع
- مكان الشراء:
اي منطقه متاحه
- محل سكنك:
( الهرم الجيزه )
ارجو ان يكون تنسيق الموضوع مناسب بهذه الصوره
رد: نصيحه لتجميع جهاز amd لاستخدام في برامج الرندر
طيب هل حضرتك اشتريت معالج FX 6100 ولا لسه هتشتريه ؟
رد: نصيحه لتجميع جهاز amd لاستخدام في برامج الرندر
لسه يا استاذ محمود هل عندك تجميعه تانيه انا شايف ان المعالج ده علي قد فلوسي بس مش عارف اجيبلله بورده ايه بحيث مش تحد من امكانياته و يكون فارق فرق كويس عن جهازي القديم و كارت الشاشه بتاع البورده دي يكون كويس
الف شكر لرد حضرتك
رد: نصيحه لتجميع جهاز amd لاستخدام في برامج الرندر
هوا انت لسه هتشتري البروسيسور والبورده ولا انت عندك البروسيسور دا اصلا ؟؟
لو انت اشتريت البروسيسور يبقا تشتري البوردة دي
ASRock 880GM-LE FX Socket AM3+ Motherboard
بـ 450 جنيه الكارت المدمج بها HD 4250
لو لسه هتشتري انصحك تشتري
Intel® Core™ i5-3470 Ivy Bridge 3.2GHz 6MB Cache ... 1170 LE
Gigabyte GA-H61M-S2P-B3 Socket 1155 motherboard ... 350 LE
لان البلدوزر مش قد كدا وميغركش عدد الانوية والكاش ال3470 يتفوق على FX 8150 فما بالك ب FX 6100
رد: نصيحه لتجميع جهاز amd لاستخدام في برامج الرندر
انا لسه مش اشتريت حاجة
تمام اوي ان بديت الموضوع كالتالي
كنت عايز اجيب المعالج ده amd phenom ii x6 1100t
لكن نصحني واحد من المحلات اني اوفر من تمن البروسيسور وانزل بيه واحط الفرق ده في بورده كويسه بها كارت شاشه محترم
ما راي حضرتك
انا اعتقد لو ال i5 اللي حضرتك نصحتني بيه هل سيحجم ادائه البورده اللي فوق ؟؟
ما نوع كارت الشاشة وقوته في بورده الجيجا بايت المذكوره
شكرا جدا
رد: نصيحه لتجميع جهاز amd لاستخدام في برامج الرندر
كل الكروت الموجودة في اي مذربورد بتكون سيئة جدا
لكن بالنسبة للمعالج 3470 فهو فيه كارت مدمج Intel HD 2500 وهو كارت جيد نوعا ما يعني يقدر يشغلك بيس 2012 على اعلى اعدادات
واعتقد ان التاجر قلك كدا عشان ممكن معندهوش الفينوم x6 .. واول مرة اسمع حد بينصح حد يقوله توفر فلوس البروسيسور وتشتري ماذر بورد فيها كارت شاشة محترم :ah26:!
رد: نصيحه لتجميع جهاز amd لاستخدام في برامج الرندر
طيب اتعب حضرتك بلاش ال 6100 ده
في واحد تاني اسمه 8120 8كور بروسيسور
هل مكافئ لل i5 اللي حضرتك نصحتني بيه
و لو كويس اجيبلله بورده ايه باحسن كارت شاشه ممكن ليه
رد: نصيحه لتجميع جهاز amd لاستخدام في برامج الرندر
أخى لا انصحك ابدا بمعالجات البلدوزر لانها اثبتت ضعفها امام معماريات انتل الجديدة مثل Sandy Bridge و Ivy Bridge . انصحك بالقطع التى وضحها الاخ UnKnown لاناه افضل من معالج FX 6100 . شوف هذه المراجعة :
https://media.bestofmicro.com/L/E/31...%20overall.png
و هذه بقيت المراجعة : https://www.tomshardware.com/reviews...90fx,3043.html ديه بها معالج FX 8150 مش FX 61000 .
رد: نصيحه لتجميع جهاز amd لاستخدام في برامج الرندر
خلاص تمام اوي شكرا ليكم انا اقتنعت بكلامكم وهاجيب ال i5 sandy bridge 3470
بس عايز بورده كويسه ليه غير المكتوبه فوق هل ليه بدايل تانيه ؟؟ لان الكارت الانتل ضعيف جدا وعن تجربه لكن الاي ام دي افضل هل من بديل اخر لها ؟؟؟
وهل يحتاج هذا المعالج باور سبلاي معين ؟؟؟
والهارد القديم بتاعي داتا هي يبطئ من المعالج ولا مش فرق كبير لو سبته مش غيرته ؟؟؟؟؟
رد: نصيحه لتجميع جهاز amd لاستخدام في برامج الرندر
اقتباس:
المشاركة الأصلية كتبت بواسطة miko832
خلاص تمام اوي شكرا ليكم انا اقتنعت بكلامكم وهاجيب ال i5 sandy bridge 3470
بس عايز بورده كويسه ليه غير المكتوبه فوق هل ليه بدايل تانيه ؟؟
انت عاوز واحد اعلى ولا اقل في السعر ممكن تشتري ASRock H61M-DGS وسعرها 290 جنيه هيا تقريبا نفس الجيجابايت h61 الفرق بس ان الجيجا بايت فيها منفذين PCI لو هتركب كارت دش او كارت صوت
وهل يحتاج هذا المعالج باور سبلاي معين ؟؟؟
لا اي كيسة تجارية بباور هيشغله بدون مشاكل .. طالما انت مش هتركب كارت شاشة
والهارد القديم بتاعي داتا هي يبطئ من المعالج ولا مش فرق كبير لو سبته مش غيرته ؟؟؟؟؟
لا الهارد ملوش تأثير خالص على المعالج بس المشكلة انو معدش في مذر بورد تدعم منفذ IDE ممكن تشتري قطعة تحول الهارد من داتا لساتا او تبيعه وتشتري هارد ساتا افضل
رد: نصيحه لتجميع جهاز amd لاستخدام في برامج الرندر
حضرتك انا عايز بورده تانيه فيها كارت شاشه افضل من الكارت الانتل
هل من بديل افضل ؟؟
انا مش هاركب ولا كارت صوت ولا كارت دش اكيد
اخر سؤال ومعلش تاعب حضرتك