تجميع جهاز في حدود 1850 (العاب - جرافيكس ) ميعادا لشراء انهارده

السلام عليكم ورحمه الله وبركاته

ساعدوني اخوتي
انا نويت اشتري جهاز جديد
ووصلت للتجميعه دي
Intel Core i3 2120 3.30 GHz 3 MB Cache 695 LE
SAPPHIRE AMD Radeon HD 6670 1GB GDDR5 525 LE
ASRock H61M-DGS 290 l.E
Kingston 4GB 1333 MHz ValueRAM . 140 LE
Cooler Master Elite 310 Case + 400 w PSU . 325 LE

وعايز اسألكم واتأكد منكم بقا علي شويه حاجات
اولا البروسيسور ادائه كويس في الالعاب ولا اصبر واجيب i5 ?
ثانيا هل احسنت اختاير كارت الشاشة في الفئه السعريه بتاعته ؟
ثالثاً بقا وده الاهم اشتري asrock ? ولا اشتري اسوس ؟
وانهي افضل بالنسبه للألعاب الرام تكون 1600 ولا 1333؟
طبعا الرامات هتحكمني بيها المازر بورد لان ازروك بس هي الي بتدعم باص 1600
بالنسبه للكيس دي ممكن حد ويريني شكلها لاني لحد دلوقتي مشفتوش
وشكرا
^__^

بالنسبه بقا للميعاد : هو انهارده
بالنسبه لميكان الشراء : هو سوف العصر ( ماكسيموم )
بالنسبه للقطع الي هستخدمها من الجهاز القديم : الشاشة وهي شاشه عاديه مش lcd
ياريت لو حد عنده اي تعليق في اي نقطه حتي لو انا مش سأل في النقطه دي يقولي

أولا انا مش خبير
مش هتحس بفرق بين رامات 1333 & 1666
حكايه انك تستنى وتجيب ال i5 دى ترجع لميزانيتك
بس متزنقش نفسك
حال تعلى كارت الشاشه شويه 6770 مثلا
البورد ليه مش جيجا بايت H61 ???

في فرق سعر كبير بين الجيجا بايت والازروك
وانا قرأت في مواقع اجنبيه لقيت ان الساندي بريدج بيكون مع 1333 افضل
وانما 1600 صممت ل i5

ومش فاهمك بخصوص كارت الشاشة

قصدى تعلى كارت الشاشه
6770 = 650 LE
بس فى الاول والاخر متزنقش نفسك

المعالج عندى وشغال بيه وهو Intel Core i3 2120 3.30 GHz 3 MB Cache
و شغال تمام على الألعاب .. وهو كافى جداً للألعاب وهيشغل معاك كل اللى موجود فى السوق حالياً
و على أعلى أعدادات المهم يكون معاه كارت شاشة محترم

الجانب الأخر: برامج الجرافيكس التقيله
هنا الأفضلية ل core i5 طبعاً
لكن لو شغلت i3 مش هيقول لأ

بالنسبة للبوردة اشتريت Gigabyte GA-H61M-S2P-B3 Socket 1155
أفضل من ASRock لأنى بركب كارت دش و ال ASRock مفيهاش مكان لدا
و سعر الجيجا بايت وقتها 365 جنيه من أسبوعين وقت الشراء او 3 اسابيع

شوف انت بقى و أختار

انا شايف اني استني
واجيب i5
ومعاه اجيب الكارت 6770
وبكده تقريبا هستني حوالي شهرين
بس مش مشكله انا اصلا لو جبتهم انهارده مش هستخدمهم برده لاني في دراسه

وشكرا علي الردود
الاخ Manch
انت شغال بكارت ايه ؟

شغال بالكارت المدمج ف المعالج
بيشغل الألعاب دى على أعلى أعدادات معايا
PES 13
Mafia II
Sniper Ghost
و أعدادات متوسطة و منخفضة:
Call Of Duty Black Ops
GTA IV
Crysis 2 بس بتكون تقيلة جداً ومش فاكر ظبطت الأعدادات وقتها ولا سبتها زى ماهى
عامةً مبقتش بلعبها

وخلى بالك انك لو انتظرت شوية يبقى هتحتاج تجيب كارت شاشة أحدث مع معالج core i5
ف الميزانية بدل من انها هتزيد 500 ممكن تبقى 1000 فرق كارت شاشة جديد أخر
و مشتات أحترافية
بس لو تنتظر يبقى أفضل على فكرة عشان تفضل فترة طويلة مش محتاج تحديث

هو لو جبت i5
الكارت ده مش هيكون كويس ولا ايه ؟ 6770

الكارت مش قوى اللى انت كاتبة فى الموضوع
أقل شىء هتشترى
SAPPHIRE HD 7770 GHz Edition OC 1GB GDDR5 ..... 850 LE

الموضوع بدء يكبر مني :D

7770 oc
احسن طبعا من 6770
انا عندى 7770 vapor x
شغال تمام
بس انا قولت 6770 عشان الميزانيه

انا عدلت السعر .. هو ب 850 مش 880
بالنسبة للأسعار و التجميعات و الحوارات دى
عمرك ما هتقدر تجيب اللى انت عايزه بالظبط
انا لسه محدث الجهاز مكملتش شهر اهو
و بيبقى فى بال الواحد مليون حاجه
بس افضل شىء انك تمشى واحده واحده

لو هتجيب core i5 ف لازم تشترى معاه كارت كويس
وميبقاش كفائته أقل من كفاءة المعالج
عشان ال 2 يمشوا معاك كويس و الألعاب تبقى تمام

لو مش هتقدر تنتظر و حاسس ان الموضوع بيكبر منك فى الميزانية
ودا هيحصل أكيد
جمع جهاز محترم على قد فلوسك مش تبص لبعيد

مثلاً لو أشتريت

Intel® Core™ i3-2120 3.30GHz ..... 695 LE
ASRock H61M-DGS ..... 290 LE
SAPPHIRE HD 7770 GHz Edition OC 1GB GDDR5 ..... 850 LE
Kingston ValueRAM 4GB DDR3 1333MHz CL9 1.5v ..... 125 LE
Antec VP450P 450w PSU ..... 250 LE

Total ..... 2210 LE
مع اى هيكل كيسه تجارية بـ 20 او 30 جنيه تركب عليها القطع الـ اتكلمنا فيها دى

هتشغل كل الألعاب الجديدة اللى موجوده حالياً و اللى هتنزل على أعلى أعدادات ان شاء الله
و بالنسبة للجرافيكس و الحاجات دى core i3 هيشتغل معاك تمام بأذن الله
بس طالما قارنت بينه وبين ال i5 فى شغل الجرافيكس طبعاً i5 يكسب
ولو قارنت i5 فى شغل الجرافيكس مع i7 هتلاقى i7 أفضل
لكن الـ 3 فى الألعاب مفيش فرق تقريباً فى الألعاب اللى موجوده فى الوقت الحالى

أشترى على قد ال معاك و بعدين ربنا يسهل
و ممكن تشترى i5 وبعدها تنتظر شوية على كارت الشاشة بس بلاش تشترى الكارت اللى انت كاتبه دا مع i5

وعليكم السلام

نرحب بك في قسم " طلبات نصائح تجميع الأجهزة وأسعارها " , ليتمكن الاعضاء التقنيون من مساعدتك بشكل أكثر احترافية أتمنى منك ملئ النموذج التالي :

نموذج الموضوع يكون كالتالى:

-

يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )