عاوز اشترى شاشة مستعملة اخد بالى من ايه وانا باشترى

عاوز اشترى شاشة مستعملة اخد بالى من ايه وانا باشترى
وازاى اعمل فحص سريع على الشاشة للتاكد من سلامتها

السلام عليكم ورحمة الله وبركاته

من وجهة نظري أن الشاشات في العموم تقدر تعرف اذا كانت استخدام نظيف أو لا

ستجد شاشة لم تلمسها الأيدي وسطح العرض نظيف تماماً وحتى أسلاك التوصيل تم الحفاظ عليها وتكون تلك الشاشة سبحان الله قد عملت واستخدمت لسنوات

وشاشة أخرى الله لا يوريك .. مرقعة من كل مكان وسطح العرض أنواع البصمات والأسلاك على وشك تخرج من مكانها

طبعاً كل ما سبق ليس المعيار النهائي ولكنه الأوّلي ( الانطباع الأول )

بعد ذلك تقوم بايصال الشاشة على كمبيوتر محول أو مكتبي وتستخدم أزرارها لتتأكد أن كل شيء على ما يرام وأن الألوان سليمة على كامل سطح العرض للشاشة
طبعاً اذا سنحت لك الفرصة لاستخدامها ليوم كامل للتجربة فتستطيع تركها تعمل طوال الوقت
لأن بعض الشاشات تظهر عيوبها بعد التشغيل لفترة طويلة
ولكن من المعتاد أنه لا توجد فرصة لتجربة الشاشة كل هذا الوقت ، لذلك أرى أن المعيار الأول مهم وبعدها تجربة تشغيلها وكافة أزرار التعديل Adjestment Buttons

ويمكن أخذ موديل الشاشة والبحث عنها على الانترنت لمعرفة آراء مستخدميها
أنا أفضل الشاشات التالية
ViewSonic - Sony - CTX - Samsung - Philips

وبالتوفيق إن شاء الله

اول اشي شوف تاريخ الصنع اذا كان عمرها اكثر من ثلاث سنوات لا تشتريها
ثاني شي شغلها وفوت على صفحه بيضاء اتاكد انو ما في رجه او سكراش
ثالاث شي اخبطها من رأسها وانظر اليها اذا رجت الشاشه معناتو التيوب تاعها نص عمر اما اذا ما رجت فا كل شي تمام
رابع اشي اتاكد انو شاشه ما تصلحت قبل هل المره وشوف الغطاء تاعها اذا كان في علامات فتح قبل هل المره
مع تمنياتي لك في اختيار شاشه ممتازه
وانا بنصحك اشتري شاشات ال dellلانو شاشتها احسن من ال lg بي مليون مره هاي تجربتي او اختر شاشه ال NEC احسن شاشه يابانيه ميه في الميه

انا عندي شاشة 17 بوصة FLATRON 775FT نظيفة وجديدة وعلى بركة الله ( سوم )

معلومات مفيده

دواوين
جزاك الله خير على الفائدة ...

FLATRON 775FT
خسارة تبيعها ... يكفي انها مسطحة فعليا ...

كل الي قاله الاصدقاء خذه بعين الاعتبار وهو فعلا مهم
بس خلي اخر تعملها انك ترفع الرزوليوشن وتشوف الصورة حتبقى عاملة ازاي واضحة ولا لا
اتاكد من الالوان .. وشوف اطراف الصورة تأكد من انها طبيعية ولا يوجد الوان زيادة على الاطراف

الوان زيادة ازاى يعني
وسمعت ان الكومبك بيبقى فيه مشاكل ايه صحة الكلام دة
انا عايز اجيب ديل بس غالية ايه رايكم السوق كله متغرق كومبك وشوية ديل على nec

الحمد لله اشتريت خلاص شاشة ديل سيمى فلات 17 بوصة وتحت التجربة
المشكلة اللى فيها انى اول ما احط فيشة الكهرباء واضغط على زرار تشغيل الشاشة بسمع صوت زي صوت الفرقعة الخفيفة لو طفيت الشاشة بعدها وشغلتها ميه مرة مفيش الصوت دة تانى
انا عايز اعرف دة ايه
انا برجح ان دة طبيعى بتاع معالج المغنطة بتاع الشاشة خصوصا ان الشاشة مش انالوج ديجتال بالكامل

هل كلامي صح ولا عندكم انتم راي تاني

كنت اقصد بالالوان الزيادة ما يلي
فكرة تكوين الصورة بتعتمد على تركيب ثلاثة الوان رئيسية فوق بعض
الأحمر والازرق والاخضر
وساعات كتير الالوان دي مش بتكون راكبة على بعضها كويس .. بس المشكلة دي بتتصلح بس لو كان الي بيصلح المشكلة دي مش دقيق .. مش بيقدر يظبط تركيب الالوان فوق بعضها بشكل سليم 100 في 100 وبيبان ده بشكل واضح عند اطراف الصورة .. تلاقي خط احمر او ازرق او اخضر بيكون هو اللون البعيد عن باقي الالوان

اما بخصوص الفرقعة .. فده أمر عادي لا خوف منه .. ممكن يحصل وبنسبة 90 % بيكون بسبب ان نظام الأرضي في الشاشة مش واخد حقه مية في المية .. ففي بداية التشغيل تبحث الكهرباء الزائدة الموجودة على أطراف الأرضي عن مخرج ولكنها لا تجد لذلك تحدث هذه الفرقعة لانها في النهاية تجد مخرجا وتخرج زيادة عن اللزوم .. وبالعكس اغلب مهندسين الاصلاح ينتظرون مثل هذا الصوت عند تجربة الشاشة ليتاكدو من انها تعمل بشكل سليم ;)

معلش وضح اكتر بخصوص الفرقعة
انا اول مرة اسمع حاجة زي كدة
اللى بيحصل بالظبط اوصل الفيشة عادي خالص مفيش مشاكل اول ما ادوس على زرار التشغيل بتاع الشاشة بسمع صوت فرقعة عالية بغباء وبعديها كل حاجة تمام اطفى الشاشة واشغلها تاني فى نفس اللحظة مفيش صوت ؟؟؟؟
لو طفيتها دقيقة وشغلتها تاني اسمع نفس الصوت

اقتباس:

---

المشاركة الأصلية كتبت بواسطة cobraxp

معلش وضح اكتر بخصوص الفرقعة
انا اول مرة اسمع حاجة زي كدة
اللى بيحصل بالظبط اوصل الفيشة عادي خالص مفيش مشاكل اول ما ادوس على زرار التشغيل بتاع الشاشة بسمع صوت فرقعة عالية بغباء وبعديها كل حاجة تمام اطفى الشاشة واشغلها تاني فى نفس اللحظة مفيش صوت ؟؟؟؟
لو طفيتها دقيقة وشغلتها تاني اسمع نفس الصوت

---

بالضبط .. انت جاولت على نفسك على فكرة لو تمعنت في ردي .. بس انا حوضحلك تاني

بص حاول لما تطفي الشاشة من الفيشة تقرب ودانك من جسم الشاشة من فوق .. حتسمع صوت زي ما يكون فيه خرخشة ( ان صح التعبير ) حتفضل تسمعها لمدة ثواني ولكن حتختفي في الاخر
وايه هي الخرخشة دي :
الخرخشة دي او الصوت ده عبارة عن تفريغ الكهرباء الزائدة من خلال أسلاك الارضي الموجودة على سطح التيوب بتفضل الكهرباء تتفرغ ولو انت شغلت الشاشة تاني بسرعة بعد طفيها .. مش حتسمع فرقعة لان الكهرباء اللازمة لتشغيل الشاشة بكامل قدرتها لسه موجودة ولسه فيه شحنات كهربائية عالية
لكن لو قعدت فترة وشغلت .. الكهرباء حتحتاج وقت عشان تشغل كل الشاشة بكامل قدرتها الي حيسبب بعد انتشار الكهرباء في كل اجزاء الشاشة وجود كميات كبيرة من الكهرباء الزائدة الي ممكن تتجمع عند طرف من أطراف الاسلاك الارضية ( الي بتفرغ الشحنات ) وتفرغ نفسها بشكل كبير .. مما يسبب الفرقعة الي بتسمعها ..

على اي حال انا بقولك متخافش من الصوت ده .. ولو كنت متضايق منه اوي روح بالشاشة عند مهندس صيانه .. وقوله يزود عدد الاسلاك الارضي بالشاشة ويفرقهم جوه كويس عشان متسمعش الصوت ده تاني بالصوت العالي ده

واسف على تأخري في الرد عليك

انا سئالت فيها برضة قالولى ان دة عيب كهرباء وهاتشتغل معاك شهر وتضرب لان نظام تفريغ الشحنات مش مظبوط وللعلم شاشات ديل بالذات فى السوق المصرى ملهاش قطع غيار وصعب صياناتها خصوصا فى الباور
انا رجعتها واخدت واحدة تانية مفيهاش الصوت دة
اما بخصوص الخرخشة فى دة طبيعى فى كل الشاشات اللى شغالة بنظام crt

المهم دلوقتى
الشاشة الجديدة اللى لسة واخدها مش عارف ليه بحس ان اضائتها بتضعف وتقوى فى نفس الثانية

انت ايه حكايتك يا عم مع الشاشات :D
وليه رجعت الي فاتت ... على فكر الي فاتت مفيهاش عيب كبير ولو كنت مستريح عليها غلطت انك رجعتها
بالنسبة للإضاءة بتاعة الجديدة.. انا حاسس انك مستني رد معين مش حاجة تانية عايزني اقولك معدل الرفرش فيها قليل مثلا ولا عايزني اقول زوده من خلال الزراير الموجودة على الشاشة ؟
حاول تلعب في الزراير الموجودة على الشاشة من قدام .. ولو محصلش تغيير بقى ابقى برضه رجعها .. لاني مش حغامر واقول على طريقة رفع الاضاءة من داخل الشاشة .. لتروح مبوظ حاجة من جوة ونقضي احنا الموضوع ده نرجع في شاشات .. وادعيلي بقى عشان انا رايح امتحان دلوقت :D

ربنا معاك وابقى قولى النتيجة
فعلا فيه عيوب فى شاشات ديل بالذات وذلك بسؤال المختصين
وخصوصا مع الباور لانه ملوش قطع غيار
ام بالنسبة للشاشة الجديدة فربنا معايا