-
ايهما افضل ل p4
السلام عليكم ورحمة الله..
هذه اول مشاركة لي معكم وانشالله نفيد ونستفيد..
صراحه انا ابغى اشتري مذربورد ومحتار بين نوعين وكلهم من شركة وحده..لكن من استشار ماخاب..:)
الاولى Asus p4T533-c
والثانية asus p4s533
ياليت لو واحد يوضح عيوب كل وحدة..لاني والله حصلت في مواقع انجليزية لكن..ماافهمت شي..
وابغى ذاكر من 512 ايش افضل شي DDr ولا sdram
..
واخيراً انا امس كنت بشارع خالد بن الوليد..الي بجدة..واتفجائت من صاحب محل
يقول انت اذا اشتريت مذربورد لازم يكون فيها شي بلت ان ياكرت الشاشة ولا كرت الصوت
قلت طيب..انا بااخذ كرت الصوت بلت ان..وكرت شاشة عندي الكرت حق الجهاز القديم..قام يقولي
نصيحة لاتركب اي كرت لانه ممكن تنحرق عليك المذربورد..ان صراحه اتفجائت كنت متوقع
يقول ممكن يصير تعارض..وهذا شي معروف
لكن توصل ان المذربورد تنحرق..هذه الي غريبة...اتمنى اني اسمع راي الخبراء فهذه النقطه...وشكرا
-
-
وما عليك من صاحب المحل لانه كلامه غلط وما في شي اسمه ينحرق . عادي الشغله عاديه بس حط كرت صوت من جديد من اختيارك وقم بعمل بعمل اقفال او disable حق اللي موجود في البورد.
-
يعطيك الف عافية اخووويDDesigns
..
مشكووور علىردك السريع...وصراحه عجبتني اللوحة P4T533 بااداه وثباته
بس اخوي عندي استفسار بسيط..هل تدعم الذاكرة من نوعDDr
..وكم سعر المذربورد..
ومعليش اخوي..بس هل فيه فرق بين p4 2,2MHZ
P4 2,4MHz
-
السلام عليكم
والله ما ادري اذا كانت تدعم DDR بس هي تدعم RDRAM بس خليني اقراء المواصفات واقولك.
بالنسبه للمعالج انتيل 2.2 و2.4 فا اكيد فيه فرق بينهم ولكن ليس الى الدرجه المتوقعه . انظر هنا مثال
https://www17.tomshardware.com/cpu/0...s/image003.gif
طبعا لازم تتأكد من وجود الحرف A يعني كذا P4A 2.2 لان اللي بدون A يجي سعه الكاش حقه قليل جدا .
بالنسبه لسعر البورد صراحه هي موجوده ندنا وسعرها خيالي جدا جدا حيث يصل الى 1100 ريال ولكن هذا السعر رئيته عند محل يجيب القطع من امريكا. يعني لو تجيبها من السعوديه او الامارات راح تلقاها ارخصيعني حدود 800 ريال.
ولكن تبي نصيحتي اخوي انا اقولك انتظر شوي لين ما تنزل بورد تدعم AGP 8x حيث تعطيك الحريه في تركيب كروت الشاشه القوي اللتي سوف تأتي في المستقبل.
طبعا هذه الميزه موجوده في ASUS P4S8X ولكن للأسف انها لا تحتوي على بقيه المميزات الرائعه الموجوده في ASUS P4T533 . يعني انتظر شوي .....
اما اذا كنت مستعجل حيل وتبي ميزه AGP 8x فهي على ما اعتقد موجوده في GigaByte.
-
السلام عليكم
أخ mohammad
كلام صاحب المحل صحيح لأنه اكثر اللوحات الام لبانتيوم 4 لاتقبل كرت شاشة يعمل على
AGP 1X AND 2X واذا ركبته راح تحترق البورد عندك
لازم يكون كرت الشاشة يقبل APG 4X
-
في البداية DDR أفضل من SDRAM بمرتين (دبل)
بالنسبة للوحة الأم ، أنصحك بـ Asus P4s533 ليش ؟
1) أنها تدعم 533 MHz FSB (لابد أن يكون المعالج عندك 2.26GHZ أو 2.53 أو أي معالج يدعم 533)
2) أنها مبنية على الرقاقة SiS 645DX والتي في نظري أفضل من جيع رقائق إنتل وفيا وغيرها.
3) أنها تحوي على تقنية MuTIOL والتي تسرع من نقل البيانات بين البرج الشمالي والبرج الجنوبي (إذا صحت التسمية) .. وهذا مايميزها عن الإنتل.
4) تدعم بشكل غير رسمي DDR400 وبشكل رسمي DDR333
5) ممكن أن تعمل مع DDR400 بدون مشاكل.
لمزيد من المعلومات حول Ausu P4s533
https://www.asus.com/mb/socket478/p4s533/overview.htm
هناك لوحة جديدة من ASUS تدعم DDR400 بشكل رسمي وهي
A7V8X وهي مبنية رقاقة فيفا كما أنها تدعم AGP8X !!! على العكس من السابقة AGP4X :(
لمزيد من المعلومات حول هده اللوحة
https://www.asus.com/mb/socketa/a7v8x/overview.htm
ملحوظة : كلا اللوحتين للـ Intel P4
-
ألسلام عليكم
اخي العزيز أنور اشكرك على التوضيح حيث ان بالي راح مع كروت الصوت وليس الشاشه.
اخي العزيز ملك الشبكات
بالنسبه للوحه P4S533 فا انا ملاحظ انها في الاختبارات تكون اسواء من P4T533 او P4B533 بس هي صحيح تدعم الـ DDRAM في حين الاخر تدعم RDRAM .
وبالنسبه للوحه ASUS A7V8X فهي حق AMD وليس INTEL.
وشكرا.......
-
..
يعطيكم الف عافية ..يااخوان ماقصرتم
جزاكم الله كل خير..يعني على حسب مافمهت من كلام الاخوان
انه بس كرت الشاشة هو الي ممكن يحرق اللوحة..طيب باقي الكروت هل ممكن ان تودي الى حرق اللوحة غير كرت الشاشة..يعني مثل كرت الصوت او المودم .........الخ؟
اخويDDesigns
انت كتبت باول رد لك :
وهنا رأي الموقع عن البورد P4B533
ووضعت رابط للوحة p4s533...اتمنى ان تزودني بارابط للوحة P4B533
حتى استطيع ان اقارنها مع اخوتها..:)واتمنى انك تشيك على بريدك الي بالمنتدى..
ومشكورين يااخوان على تجاوبكم..ماقصرتم الف شكر..:)
-
السلام عليكم
نعم اللي اعرفه انه ممكن تحط كرتين او 3 كروت حق صوت عادي بدون مشاكل وهذا ان شاء الله اللي راح اسويه في مشروعي في الكمبييوتر الجديد حيث اني سأقوم بوضع كرتين صوت واحد وهو من Creative حيث سأقوم باستعماله فقط في الالعاب لان كروت Creative وحتى Audigy لا تصلح الا في الالعاب اما في جوده الصوت وتحريره فا توجد كروت افضل منها بكثير وهي حق المحترفين في الصوت Audio Masterوللأسف غير متوفره في السوق الخليجي مثل الماركات Terratec او Yamaha او RME وغيرها من الماركات اللي ما تجي الى الخليج لانهم لا يعرفون قيمتها وتجد فقط يقولون كرياتف وبس !!!
بالنسبه للرابط فلقد أخطاءت صحيح وهذا الرابط الصحيح
https://www.ocworkbench.com/2002/asu.../p4b533ep1.htm
واذا اردت ان تختار اي بورد تجدها هنا
https://www.ocworkbench.com/hardware/reviews.htm
وان شاء الله راح اشيك البريد وارد عليك بأسرع وقت.........
-
بسم الله الرحمن الرحيم
موضوع كرت الشاشة يرجع لأختلاف قدرة الكهرباء بالفولت بين مواصفات تقنية AGP2X و AGP4X. كانت اللوحات الام (بشكل ادق طقم شرائح اللوحة الام) تدعم التقنيتين ويكون بأمكان اللوحة الام ان تميز بين التقنيتين وتعطى كل منهما الفولت المناسب. الان تغير الوضع بسبب قدم تقنية AGP2X وعدم وجود دعم لها بطقم الشرائح الحديثة مما ادى لعدم وجود الفولت المناسب للتقنية القديمة.
-
..
مشكور اخوي DDesigns.على الرد وطولة بالك..:)
بس اخوي انا اقصد يعني بس كرت الشاشة هو الي ممكن يحرق المذربورد؟:)
جزاك الله كل خير اخوي الوليد على التوضيح..
تمنياتي لك بالتوفيق..
-
حياك الله اخوي
والله هذا على حسب علمي فقط كرت الشاشه هو اللي ممكن يسوي مشاكل.