استفسار بخصوص بطارية اللاب توب
السلام عليكم و رحمة الله و بركاته
بعد أذنكم انا كان ليا سؤالين بخصوص بطارية جهازى مع العلم ان نوعه Dell Inspiron 1564
1- هل ينفع استخدم اللاب توب اثناء شحنه ؟؟ و هل بعد ما يخلص شحن اخلع البطارية و اكمل بكابل الشاحن ولا استمر عادى ؟؟
2- فى برنامج كنت لقيته على النت اسمه Battery Doubler بيقولوا انه بيضاعف شحن البطارية و كدة .. هل برنامج زى ده لو استخدمته هيبقى فى خطورة على البطارية ؟؟
و ألف شكر مقدما لكل الأخوة الكرام ,,,,
رد: استفسار بخصوص بطارية اللاب توب
نعم ينفع اخى أن تستخدم الجهاز أثناء الشحن
و لا توجد ضرورة لنزع البطارية , لأنه بمجرد اكتمال الشحن , الجهاز بيفصل البطارية اوتوماتيكيا , و ينتقل لمصدر الكهرباء
و لا أنصح بوجه عام باستخدام برامج لزيادة عمر البطارية
و للمزيد راجع الموضوع الموجود فى توقيعى عن البطارية
و الله أعلم
رد: استفسار بخصوص بطارية اللاب توب
طب لو انا هستخدم اللاب توب استخدام اوقات كتيرة زي المكتبي بس هتنقل بيه مرة ولا 2 في الاسبوع هل تنصحني اني اشيل البطارية واركبها لما انزل؟؟
رد: استفسار بخصوص بطارية اللاب توب
لأ
ماتشيلش البطارية
و حاول كل كام يوم تستهلك البطارية لغاية ما تبقى 12 فى المية و بعدين تشحنها شحنة كاملة عشان البطارية ما تموتش
رد: استفسار بخصوص بطارية اللاب توب
زي ما قال د. محمد، تقدر تستخدم الجهاز و أنت بتشحنه، لكني ما بأنصحكش بده إطلاقاً؛ لأنك لو عملت كده فترات طويلة ح يقل عمر البطارية بشكل كبير.