رايكم في تقنية الرايد 0 + 1 ..!! عاجل جدا ..!!
مشاركة: رايكم في تقنية الرايد 0 + 1 ..!! عاجل جدا ..!!
انا ما انصحك تسوي هالحركه لعدة اسباب
أولا بتحتاج لعدد 4 هارديسكات وهو عدد كبير بالنسبه لمستخدم عادي
ثانيا وين بتحطهم ؟ انت عندك كيس Armor و فيه 3 اماكن للهارديسك في الأمام و 3 في الخلف لو مثلا بتوزعهم بتستوي عندك زحمه في الكيس و الحرارة بترتفع .
الحل الامثل هو Matrix RAID بإمكانك عمل رايد 1و رايد 0 بإستخدام عدد 2 هارديسك فقط و هذا مثال من عندي
https://myuaemirates.googlepages.com/SNAG-0012.jpg
بيكون عندك هارديسك سريع لتثبيت نظام التشغيل و التطبيقات عليه و هارديسك آخر من نسختين لحفظ الملفات
و المذربورد الي عندك تدعم هذا النوع من الرايد
مشاركة: رايكم في تقنية الرايد 0 + 1 ..!! عاجل جدا ..!!
مشكور اخوي علي مرورك ..!!
بس ابغي اسألك ..
الحين Matrix RAID يعني دمج هاردسكين + عمل باك اب ؟؟
Matrix RAID ستمنحني كأني موصل رايد 0 + 1 بنفس المميزات ؟؟
لو تعطيني لمحة عن المميزات و عيوب ال Matrix RAID ..!!
وشكرا مقدما ..!
مشاركة: رايكم في تقنية الرايد 0 + 1 ..!! عاجل جدا ..!!
تعرف موضوع الماتركس مهم جدا و المفروض حد يكتب عنه موضوع منفصل يشرح فيه كل شيء و إحتمال انا اتبرع بهذه الخطوه مستقبلاً بحكم تجربتي له .
الشرح بختصار في هذه الصوره
https://www.gamepc.com/images/labs/r...id-diagram.png
لاحظ معاي من اليسار لليمين الجزء الأول هو رايد 0 و الجزء الثاني هو رايد 1 و عدد الهارديسكات المطلوب هو 4 لكن في الجزء الثالث الماتركس يقسم الهارديسكات لقسمين و يسوي لك رايد 0 و رايد 1 و بالحجم الي أنت تريده .
و هذا إستفتاء شفته في موقع اجنبي عن الناس و اي نوع تستخدم من الرايد لاحظ إن الماتركس هو المفضل عند الاغلبية و يليه الرايد 0 لانه سريع في تشغيل البرامج و الالعاب .
https://myuaemirates.googlepages.com/SNAGIT.jpg
بعد ما تعزم على الماتركس خبرني عشان اشرح لك الطريقه بس لا تنسى إن الموضوع فيه فورمات :)
مشاركة: رايكم في تقنية الرايد 0 + 1 ..!! عاجل جدا ..!!
اقتباس:
المشاركة الأصلية كتبت بواسطة UAEmirates
بعد ما تعزم على الماتركس خبرني عشان اشرح لك الطريقه بس لا تنسى إن الموضوع فيه فورمات :)
انا ... ا ... انا ...... انا اتتت ....... ناا ... اااا << صدمة من الفورمات ..!!
لان في الهاردديسك برامج وملفات مهمه ..!!
مشكور اخوي شرحك المختصر بس انت تشوف اني اخذلي هارديسك بو كم ؟
انا حاليا عندي 120 gp .. ومستخدم منه حدود ال 30 gp " مسحت عنه الافلام ..!! "
افكر اني اخلي هذا علي جنب واخذلي 2 نفس الموديل 120 gp ..!!
ولا انت شو رايك ؟؟ علشان الفيستا وكل شي مساحته رايح تتضاعف من جرافيك الالعاب والبرامج ووالخ ..!!
مشاركة: رايكم في تقنية الرايد 0 + 1 ..!! عاجل جدا ..!!
اذا بتشتري هارديسكات إضافيه بتحل جزء كبير من المشكله الي عندك
و المساحه انت تقدرها على حسب إحتياجاتك
لكن اي متابع للبرامج و الالعاب بيلاحظ ان حاليا اقل لعبه حجمها 3 جيجا و نفس الكلام مع البرامج الكبيره .
و مساحة 120 جيجا ممتازه
مشاركة: رايكم في تقنية الرايد 0 + 1 ..!! عاجل جدا ..!!
اخي UAEmirates
ياليت والله يالغالي تقدم هدية لنا وتشرح Matrix RAID واختلافها عن RAID 0 و RAID 1 .
مشاركة: رايكم في تقنية الرايد 0 + 1 ..!! عاجل جدا ..!!
نصيحتي للاخ dxboy77:
قم بعمل ماتريكس رايد 0 لعدد 2 هارددسك.
وخذ لك هارددسك خارجي للاحتفاظ بالبيانات بشكل مستمر .
لان لو صار مشكلة بالرايد بتفقد كل المعلومات.
مشاركة: رايكم في تقنية الرايد 0 + 1 ..!! عاجل جدا ..!!
امس يالس في ميلس عمي ...
والجماعه سوالف عن الكمبيوترات .. سألتهم عن حركة ماتريكس رايد ..
سألني اذا ابغي سكيورتي ولا سرعه .. قلتله ابغي سرعه ..
خبرني ولد عموتي انها ما تنفع وانه جربها ... اما اذا تبغي السرعه خذلك رابتور x << الحبيب يداوم وينزله المعاش وانا طالب يالله يالله اجمع المبلغ ..!!
خبرته عن سعرة المرتفع .. وعدم وجودة في دبي ...
قالي دور في شارع خالد بن الوليد واكيييد بتحصلة .. اما عن السعر اكيد بيكون غالي ..!!
قالي سولك Raid 0 ..
وانا بسوي رايد 0 علي هاردسكين ابو 80 gp ... والي عندي 120gp بخليه باكاب ..!!
فشو رايكم ؟؟
مشاركة: رايكم في تقنية الرايد 0 + 1 ..!! عاجل جدا ..!!
مشاركة: رايكم في تقنية الرايد 0 + 1 ..!! عاجل جدا ..!!
اقتباس:
وانا بسوي رايد 0 علي هاردسكين ابو 80 gp ... والي عندي 120gp بخليه باكاب ..!!
هذا احلى كلام و توكل على الله
الماتركس بيفيدك اذا عندك هاردسكين بس لكن انت عند 3
مشاركة: رايكم في تقنية الرايد 0 + 1 ..!! عاجل جدا ..!!
اقتباس:
المشاركة الأصلية كتبت بواسطة مجلـد جديـد
اخي UAEmirates
ياليت والله يالغالي تقدم هدية لنا وتشرح Matrix RAID واختلافها عن RAID 0 و RAID 1 .
أخي UAEmirates
تحية طيبة و بعد
و انا اضم صوتي لصوت الأخ مجلد جديد
لأني بكل صراحه ما عندي اي خلفية عن الماتريكس او الرايد
و ناوي اشتري هاردسك ثاني لأجل اسويها بس ما ادري شلون
مشاركة: رايكم في تقنية الرايد 0 + 1 ..!! عاجل جدا ..!!
واضيف صوتي لصوتك اخوي zomanzo
-------------------------------------------------
اخوي إمارات .. شريت هاردسكين ماكستور نفس النوعيه و 80 GP
علما ان الثالث 120GP نفس الموديل بس المساحه مختلفة ..!!
الان رايح احاول اسوي الRAIID 0 بس ابغي اسأل عن الجانبر الي علي الهاردديسك ..
شو اخلي الهاردسكين 80 و ال120 ؟؟
هل رايح من الممكن ان ما تصير مشاكل وانا موصل ال 120 gp ك باكاب لي ؟
مشاركة: رايكم في تقنية الرايد 0 + 1 ..!! عاجل جدا ..!!
السلام عليكم
تقنية ال Raid تستخدم بكثرة في السيرفرات .. وغالباً من النوعية التي تقوم بحفظ نسخة احتياطة من الملفات في الهاردسك الثاني ..
أنا عندي كرت PCI Raid وعامل عليه Raid-0 .. والحمد لله شغال تمام .. وهناك فرق في السرعة ولكن ليس كبيراً جدا .. وعندما فحصت سرعة نقل البيانات من الهارد عن طريق برنامج PC Mark كان هناك فرق واضح في السرعة ..
وركبت من قبل Matrix Raid أيضاً وكانت النتيجة طيبة ..
لكن المهم في الأمر .. ان من يختار Raid-0 ( أي البيانات تخزن في الهاردين) فعليه أن يعلم أنه اذا خرب هارد واحد فإن البيانات كلها ستذهب .. بعكس Raid -1 .. لهذا النسخ الاحتياطي ضروري ..
بالتوفيق
مشاركة: رايكم في تقنية الرايد 0 + 1 ..!! عاجل جدا ..!!
كلامك صحيح اخوي
وصارت مره فيني
اتعطل الرايد واضطريت اني افرمته ... فانا اي شي اخزن فيه اسوي نسخه احطياطية في الهاردالثاني ..