مشكله فى الهارد ومحتاج الرد بسرعه
السلام عليكم ورحمه الله وبركاته
انا خدت هارد من واحد صحبى 320 ساتا ازرق وكان شغال معاه ولعه
انا يدوبك خدتوا عندى وبوصله ميشتغلش قمت مطلعوا ومسكوا فى ايدى وشغلت الجهاز تانى ببص لقيت الصوت معندو(مش شغال يعنى) ولكن فى حاجه غريبه الشريحه الالكترونيه فى الهارد من تحت بتسخن لدرجه انى مش بقدر امسكوا فى ايدى واول ما اطفى الجهاز تقف السخونيه بسرعه اولع تانى تسخن تانى فما العيب فى ذلك مع العلم انى جربتوا فى كذا جهاز وانا المزود بتاعى ماركه نضيفه 450 وات وشكرا ومستنى الرد فهل فى أمل اوديه لحد ولا ارميه
رد: مشكله فى الهارد ومحتاج الرد بسرعه
إذا كنت تقصد الشيب المربع الصغير الموجود فى الأسفل فهذا الشيب الخاص بالماتور ويتلف غالباً بسبب تشغيل الهارد بطريقة عمودية (وهوا واقف) وتصليحه لن يكلفك كثيراً
وإذا كنت تقصد الشيب الكبير الموجود فى المنتصف فتصليحه مكلف لأنه غالباً يتم بتغيير البوردة كاملة
وعلى العموم فى كلتا الحالتين ستحتاج إلى الذهاب إلى فنى متخصص لتصليح الهارد
رد: مشكله فى الهارد ومحتاج الرد بسرعه
اقتباس:
المشاركة الأصلية كتبت بواسطة terbo
إذا كنت تقصد الشيب المربع الصغير الموجود فى الأسفل فهذا الشيب الخاص بالماتور ويتلف غالباً بسبب تشغيل الهارد بطريقة عمودية (وهوا واقف) وتصليحه لن يكلفك كثيراً
وإذا كنت تقصد الشيب الكبير الموجود فى المنتصف فتصليحه مكلف لأنه غالباً يتم بتغيير البوردة كاملة
وعلى العموم فى كلتا الحالتين ستحتاج إلى الذهاب إلى فنى متخصص لتصليح الهارد
لا انا قصدى على الشيب الصغيره اللى فى اسفل الهارد وممكن زى ما انت بتقول لان االماتور بتاعو واقف وشكرا
رد: مشكله فى الهارد ومحتاج الرد بسرعه
https://img80.imageshack.us/img80/8045/harddiske.th.jpg
هذا هو الموضع الذى يسخن عنده الهارد وانا اعتقد ان هذه الشيب سليمه وان العيب فى الشيب الموصله للماتور
رد: مشكله فى الهارد ومحتاج الرد بسرعه
هو ده IC الباور الخاص بالماتور لكن لازم تروح عند فنى محترف لأن فك وتركيب الشيب مش سهل بالنسبة للمبتدئين و لو روحت عند واحد مش فنى هيغيرلك البوردة كلها وهياخد منك 60 جنيه على الأقل
رد: مشكله فى الهارد ومحتاج الرد بسرعه
اقتباس:
المشاركة الأصلية كتبت بواسطة terbo
هو ده IC الباور الخاص بالماتور لكن لازم تروح عند فنى محترف لأن فك وتركيب الشيب مش سهل بالنسبة للمبتدئين و لو روحت عند واحد مش فنى هيغيرلك البوردة كلها وهياخد منك 60 جنيه على الأقل
انا نازل دلوقتى اوديه وربنا يستر وشكرا للرد وانشاء الله اقلك على الجديد
رد: مشكله فى الهارد ومحتاج الرد بسرعه
يا جماعه انا وديت الهارد للراجل وقال البورده شيعت وعاوز 150 جنيه حرام ادفع 150 جنيه فى هارد 320 ما اكمل عليه واجيب حاجه احسن فهل الراجل بيقول كده وعاوز يطلع بمصلحه ولا ايه لانى حاسس انها حاجه بسيطه وانا اعرف ان البورده شيعت مش هتسخن زى ما بقلوكم أرجوا النصيحه وشكرا
رد: مشكله فى الهارد ومحتاج الرد بسرعه
اقتباس:
المشاركة الأصلية كتبت بواسطة علاء عصام
يا جماعه انا وديت الهارد للراجل وقال البورده شيعت وعاوز 150 جنيه حرام ادفع 150 جنيه فى هارد 320 ما اكمل عليه واجيب حاجه احسن فهل الراجل بيقول كده وعاوز يطلع بمصلحه ولا ايه لانى حاسس انها حاجه بسيطه وانا اعرف ان البورده شيعت مش هتسخن زى ما بقلوكم أرجوا النصيحه وشكرا
روح للنخيلى ما تروحش لحد تانى والهارادات سعرها زاد زيادة كبيرة فمتشتريش هارد جديد دلوقتى
رد: مشكله فى الهارد ومحتاج الرد بسرعه
اقتباس:
المشاركة الأصلية كتبت بواسطة terbo
روح للنخيلى ما تروحش لحد تانى والهارادات سعرها زاد زيادة كبيرة فمتشتريش هارد جديد دلوقتى
شكرا ليك يا استاذ terbo انا من السويس فصعب انزل علشان اصلح هارد بس انا كنت عاوز اعرف العيب فين بس فلو تقدر تقولى هو بورده ولا لا تبقى ريحتنى وشكرا
رد: مشكله فى الهارد ومحتاج الرد بسرعه
اقتباس:
المشاركة الأصلية كتبت بواسطة علاء عصام
شكرا ليك يا استاذ terbo انا من السويس فصعب انزل علشان اصلح هارد بس انا كنت عاوز اعرف العيب فين بس فلو تقدر تقولى هو بورده ولا لا تبقى ريحتنى وشكرا
يا أستاذ علاء أنا قلتلك أن العيب من IC الباور بس تغييره لازم يكون عند واحد محترف وأيديه شغالة فى الصنعة كويس مش عند أى حد وفيه ناس بتستسهل وهتقولك تغيير بوردة على طول علشان يريح نفسه
ولكن فيه أحتمال أن يكون الشيب الرئيسى هوا كمان عطلان فيبقى مفيش حل غير تغيير البوردة وطبعاً تغيير البوردة هيكون مكلف لأن الهاردات سعرها زاد الضعف
أكيد عندكوا مولات فى السويس وفيها ناس بتصلح هناك ولا أيه ؟
رد: مشكله فى الهارد ومحتاج الرد بسرعه
اقتباس:
المشاركة الأصلية كتبت بواسطة terbo
يا أستاذ علاء أنا قلتلك أن العيب من IC الباور بس تغييره لازم يكون عند واحد محترف وأيديه شغالة فى الصنعة كويس مش عند أى حد وفيه ناس بتستسهل وهتقولك تغيير بوردة على طول علشان يريح نفسه
ولكن فيه أحتمال أن يكون الشيب الرئيسى هوا كمان عطلان فيبقى مفيش حل غير تغيير البوردة وطبعاً تغيير البوردة هيكون مكلف لأن الهاردات سعرها زاد الضعف
أكيد عندكوا مولات فى السويس وفيها ناس بتصلح هناك ولا أيه ؟
بدأت تزهق منى :D
عندنا بس مش واخدين على الصانعه اوى الناس بتستسهل تنزل مصر بدل ما تديه لواحد يبوظوا فأنا هعمل كده وخلاص وشكرا لحضرتك كتير تعبتك معايا
رد: مشكله فى الهارد ومحتاج الرد بسرعه
ولا تعب ولا حاجة هوا الأحسن أنك تنزل النخيلى تصلحه هناك معظم المشاكل بيصلحوها وأنت واقف يعنى هتروح مرة واحدة مش هتحتاج تروح المشوار ده مرتين
ولو المشوار تقيل عليك روح لأكتر من واحد عندكوا لغاية لما تلاقى واحد هيعرف يصلح الهارد بدل ما يغير البوردة وخلاص
رد: مشكله فى الهارد ومحتاج الرد بسرعه
اوك يا باشا والف شكرا مره تانيه وانا هحاول فعلا ويارب يشتغل بقى لحسن مش لاقى مساحه على الجهاز خالص