Z68 << p67 ........... أو LGA 2011 ؟؟؟؟

السلام عليكم ورحمة الله وبركاته

مساكم الله بالخير جميعا في انحاء العالم شمالا وجنوبا شرقا وغربا

ارجوكم ابي احد يدلني على الطريج الصج .. >>

محنا عارفين للشركات كل يوم طالعين لنا بتقنية يديدة >>

الحين نبي نستقر على راي >> انا من فترة بانتظار رقاقات P67 ( النظام اليديد اللي عارفين قصته )

وانا احترت اشتري ولا انتظر سوكت LGA 2011 ( مادري بروسيسور Ive يركب على رقاقات p67 بسوكت 1155 ولا لأ )

الحين نبي احد يفيدنا صح ويحسم الموضوع وننتهي من الدوامة التكنولوجية هذي >>

ننتظر LGA 2011 ولا نتوكل على الله وناخذ p67 ولا ننتظر Z68 ولا ننتظر سنة 2050 ؟

ولا مانشتري ونفتك من القطارة التكنولوجية ومص جيوب الزباين !!

و عليكم السلام.

الأمر يختلف من شخص الى آخر و يعتمد على الجهاز الذي تملكه. ما هي مواصفات جهازك ؟؟

بالنسبة لي فالطبع لن أغير الى منصه P67 لأن منصتي الحالية 1366 كافية.

فأذا كانت مواصفات جهازك قوية و كافية فأنصحك بالأنتظار الى حين صدور منصة LGA2011

اقتباس:

---

المشاركة الأصلية كتبت بواسطة Gainward

و عليكم السلام.

---

اقتباس:

---

المشاركة الأصلية كتبت بواسطة Gainward

الأمر يختلف من شخص الى آخر و يعتمد على الجهاز الذي تملكه. ما هي مواصفات جهازك ؟؟

بالنسبة لي فالطبع لن أغير الى منصه P67 لأن منصتي الحالية 1366 كافية.

فأذا كانت مواصفات جهازك قوية و كافية فأنصحك بالأنتظار الى حين صدور منصة LGA2011

---

بارك الله فيك على سرعة الرد وبالنسبة حق مواصفات جهازي افضل اني ما اذكرها لانها تفشل

فانا من النوع اللي ما اغير بسهولة يعني اقط قطة قوية على جهاز ولكن ابيه يقعد معاي لي 5 سنوات جدام

ان شاء الله اذا الله عطاني عمر ويكون قادر على مواكبة عصر التكنولوجيا والالعاب اليديدة علشان جذي انا

حريص على جهاز قادر على كسر السرعة وثبات للنظام بشكل مرضي علشان يحقق المستوى المأمول منه

ويقدر يغنيني عن جهاز ثاني للفترة المطلوبة