استفسار بخصوص استخدام الشاشة سامسونج PX2370 كتلفزيون

بسم الله الرحمن الرحيم
أخواني الكرام أعضاء المنتدى
أنا بصراحة عجباني جدا الشاشة سامسونج PX2370 وناوي بإذن الله أجيبها خلال أيام
وناوي أشغلها مؤقتا كتيلفزيون
الاستفسار اللي ياريت حد يرد عليا فيه هو
الشاشة دي مفيش فيها مدخل صوت وصورة مباشر زي سامسونج P2370ms
فهل لو جيبت لها TV Box وشغلتها على قنوات الHD هشتغل عادي ولا TV Box مش هيدعم القنوات دي
وهل فيه رسيفرات فيها مخارج DVI أو HDMI بحيث تشغل الشاشة مباشرة بدون توصيل ال TV BOX
وشكرا

الريسفرات التى تدعم خاصية ال HD يكون بها مخرج HDMI
وفى هذه الحاله سيتم توصيلها مباشرة للشاشه

شكرا على الرد السريع
وياريت لو تقولي على نوع كويس من الرسيفرات اللي فيه hdmi
ولو بالأسعار أكون شاكر جدا

فى الحقيقه معلوماتى عن الأنواع المتوفره فى السوق محدوده
لكن اللى أعرفه كويس أن أفضل وأرخص نوع معروف فى السوق بأسم الجوكر
وهو ماركته على ما أتذكر Qmax 999
وسعره كان 600 جنيه لكن عرفت أنه غلى وبقى أكتر من 700 حاليا
وعلى فكره بيجى معاه أشتراك سيرفر مجانى لمده سنه

الرسيفرات اللى تحت ال 1000 جنيه

افضلهم الترومان 909 hd وده ب 950 جنيه

والكيوماكس 999 الجوكر hd وده من 650 ل 750 جنيه

شكرا جزيلا للأخ EHWILLIAM والاخ HAMADA2232313 على الرد
انا جبت الكيوماكس ب 720ج بس من غير الاشتراك المجاني بس مش مشكلة لان عندي واحد صاحبي عنده سيرفر وهاخد منه اشتراك مجاني مدى الحياة
وانا ركبت الرسيفر على شاشة عادية لغاية ما اجيب ال px2370 لاني سألت عليها ومش لاقيها الأيام دي
شكرا مرة ثانية للاخوة الكرام

معلش ممكن أعرف جبت الرسيفر الكيوماكس من اين