افيدونى بالله عليكم . انا محتار جدا وعايز اشتغل بجد

افيدونى ياشباب بالله عليكم
انا معايا معهد اتصالات ولاسلكى سنتين .(معهد سنتان)
وانا عندى سيبر وعندى خبرة فى مجال النيتوركس
وعايز ادخل مجال الـ IT
انا رايح انهارده احجز فى مركز YAT كورس الـ CCNA
انا ليا شوية اسالة واتمنى الاقى الحل عندكم لانى فى قمت الحيرة
1- فى ناس قالولى لازم تاخد كورس +N عشان تبقى متاسس صح . وانا بصراحة هاتجوز كمان سنة وعايز انجز شوية فى عامل الوقت . وانا عندى دراية كويسة بالشبكات والتوصيل . هو ضرورى اخد ال+N ولا ممكن ادخل على الCCNA
2- انا شهادتى مش تعليم عالى . انا تعليم فوق المتوسط . هل شهادة CCNA هاتنفعنى . ولا لا . او ياعنى لازم اكون تعليم عالى عشان اشتغل بيها .
افيدونى بالله عليكم
انا فى حيرة كبيرة اوى اوى

ملحوظة
انا الانجليزى بتاعى يعتبر متوسط مش جيد
بس انا حابب المجال ده اوى اوى بجد بحس بنفسى فيه

حبيبي موفق باذن الله
لكن خليني اقولك انك ممكن تدرس كورس N+ مع نفسك ومتهيألي ان في كورس عربي هنا ف المنتدى ليه
بالنسبة لشهادة سيسكو CCNA اظن انها مطلوبة منك بغض النظر عن شهادتك الجامعية لأن فيها جزء مش قليل لفنيي الشبكات
انت اصلاً في كورس هنا تبع المهندس محمد سمير بيشرح فيه بطريقة ممتازة منهج CCNA بكل حاجة
اهم شئ ف الشبكات على فكرة هو المعرفة النظرية
بالمناسبة مين قالك ان كورس N+ بيتكلم بس عن التوصيلات اللي في الشبكة ؟؟؟
حبيبي دا مليان نظريات مهمة وبروتوكولات لازم تعقلها ولا تختصر اي معلومة او كورس بحاله ف شوية توصيلات والكلام دا
اهم شئ ركز في هدفك لأن طريق الشبكات دلوقتي مش سهل او بمعنى اصح طريق طويل شوية
موفق باذن الله

انا متشكر ليك استاذى eebing
انا لسه جاى حالا من YAT المعادى وحجزت الكورس . CCNA هو قالى محتاج منك تعب جامد . بس انا ناوى ان شاء الله اركز فيه جامد . بس انا خوفى انه ميساعدنيش فى شغلى . ياعنى بمعنى اوضح خايف ان الكورس ده يبقى ملوش اى لازم بسبب شهادتى الدراسية . لانى انا واخد الكورس ده عشان اشتغل انا مللت المشروع الخاص
يارب تنصحنى باللى فيه الخير

انا اعرف ناس كتيير استفادوا من شهادة CCNA مع انهم مش مهندسين ولا شغالين مع سيسكو او اي ماركة منها أصلاً
لكن الحكمة من ان الشركات بتطلب ناس معاهم الشهادة دي
انه يكون ع الاقل اتدرب صح وبيعرف يقوم بكام وظيفة كدا
موفق باذن الله

اخي الكريم ادرس من كتب سيسكو ففيها تغطيه ممتازة لما تحتاج اليه انا شخصيا اجد ان كتب سيسكو هي الافضل على الاطلاق لانها تهتم بالتفاصيل وامور مابين السطور ولا تشيل هم وتوكل على الله

بسم الله الرحمن الرحيم

اخي العزيز kokikmd توكل علي الله وشد حيلك وزاكر الكورس من المنتدي العظيم عندك اكثر من شرح وكل شرح اعتقد لو لفيت هنا وهناك مش هتلاقيه في اي سنتر جرب وشوف هتلاقي العمليه فل الفل بس شد حيلك ومش لازم تبدا ب +N بس لو بدات بها اعتقد مش هتخسر بالعكس هي هتفتح الدنيا معاك . شد حيلك واتعب والارزاق بيد الله المهم تعمل الي عليك وان شاء الله ربنا هيكرمك