๑‌۩۞۩๑ ۞ عاوز فعلا تصبح محترف شبكات ؟ انتهز الفرصة (مقال قوي)

بسم الله الرحمن الرحيم

انا يا جماعة اخوكم في الله احمد من مصر اقدم لكم هذا المقال المتواضع واتمنى انه يفيدكم والكلام الي مكتوب في المقال دة يا جماعة ما هو الا خلاصة تجربة لي في هذا المجال الذي فعلا احببتة وهو مجال المحترفين الشبكات. باختصار هناك مقولة تقول (ذكاة العلم نشرة ) والحمدلله
ربنا اداني علم وحابب اشاركم بيه واستفيد منكم ومن اراكم وتجاربكم ايضا التي فعلا احترمها
حبتدي في الموضوع علطول :-
نظرا لكثرة الناس الي عاوزين يدخلو في هذا المجال اقدم لكم هذا المقال الذي ارجو انة يفيدكم
وما يدفعني كثيرا لكتابة هذا المقال وغيرة هو ان كثيرا جدا يدخلون هذا المجال عن طريق انهم يمتحنو الامتحان وياخذو الشهادة ولا يعرف عن محتوى الشهادة الا اسمها :confused:
مفيش مشاكل امتحن وخد كل شهادات الدنيا بس حاول تفهم وتستفيد من المعلومات الي في الشهادة علشان تقدر تشتغل وتفيد الشركة وتفيد نفسك وغيرك. معلش انا دايما بكلم في النقطة
دي لان معظم مشاراكات الاعضاء عن الامتحانات في معظم المنتديات العربية ودة شيء مؤسف.
المهم انا يا جماعة زيكم بالظبط مكنتش اعرف في ها المجال شيئا البتة ولكن اكرمني الله بمعرفة اشخاص قالولي على المجال دة خصوصا اني كنت كويس في الكمبيوتر وعندي طموح
فنصحوني ب MCSE و CCNA عارفين عملت ايه : :rolleyes:
اخدت اول شهادة MCP من غير مفهم حاجة ونجحت وحسيت اني معملتش حاجة فعلا :Big:
فقررت افهم ولكن حسيت زي ما انتو الي داخلين في الموضوع جديد ان MCSE و CCNA دول كبار جدا وصعبين والموضوع كبير ومكنش سهل واتعقدت كتير وكنت لما اقرى الكتب الاقي مصطلحات كتير غريبة ومش ومالوفة عارفين يا جماعة ليه ؟؟؟؟؟؟؟ حقولكم ليه
علشان انا معنديش اساس قوي في الشبكات وعرفت ان الاتنين ليهم اساس قوي عارفين ايه هوا
NETWORK + (طبعا زمانك بتقول عليا سطحي :o ) لكن الحقيقة هي الاتي وهيا الي نصحني بيها صديقي العزيز . بصو يا جماعة الشبكات قسمين :-
1- HARDWARE
2- SOFTWARE
شهادة MCSE دي تعتير بتظبط ال Software بتاع الشبكة (نظام التشغيل)
شهادة CCNA دي تعتبر بتظبط ال hardware والمقصود الاجهزة بتاعة الشبكة
طيب انت عاوز تعرف راسك من رجليك وعاوز تعرف تبتدي MCSE ولا التانية الاول وعاوز تعرف انت مناسب في ال software ولا انت ميال اكتر لل hard ware او الاتنين :) خد مني النصيحة دي

شهادة Network + المقدمة من شركة compTIA اساسك القوي فعلا وبدايتك القوية في الشبكات

قبل ما تبدي في اي شهادة شبكات اي شهادة شبكات خد Network+ اساسك القوي لدخول وفهم هذا العالم الكبير طيب كويس انصحك ب شركة Testout عاملة تدريب جامد جدا ليها في اسطوانة
او كتاب على حسب رغبتك وقدراتك لكن انصحك ب testout شركة جبارة.
طيب يعني باختصار عاوز طريق سهل امشي بالخطوات التالية تخلص فهم الشهادات التلاتة في اقل من اربع شهور ودراسة ذاتية وبمادة واحدة وبعملي وبارخص الاسعار وباقل مجهود

1- Network+ : المادة التعليمية اسطوانة Testout بس من غير امتحان تخدها كاساس فقط
2- CCNA : المادة التعليمية اسطوانة Testout بعد n+ حتلاقي الشهادة دي سهلة وحتفهما كويس
3- MCSE : المادة التعليمية اسطوانة Testout سبع اسطوانات من الاخر
4- امتحن بسهولة نزل الامتحان وادفع فلوس وخد الشهادة
5- قدم ال CV بتاعك وان شاء الله حتشتغل وحتحترف وتاخد خبرة اكتر

دة ابسط طريق واحسن طريق للاحتراف الحقيقي لان testout شركة تدريب رهيبة فعلا ستستمتع بها.

طيب السؤال الي يطرح نفسة من اين احصل على المواد التعليمية سواء كتب واسطوانات وغيرة
حقلك طريق سهل (كان بالنسبالي صعب جدا اني اوجد هذا الطريق ) ادامك 3 حلول بمشيئة الله
من الانترنت طبعا :-
1- المنتديات التعليمية ( مثل هذا المنتدى الرائع )
2- برامج Peer to peer مثل Emule وشرحتة في مقال (اخيرا Testout طريقك ....) وساشرحة في وقت لاحق وهو برنامج رائع.
3- مواقع ال torrent
################################################## ######
طيب المحترف الي معاة ccna و mcse وكدة وعاوز يحترف اكتر انصحة بالشهادات دي واحب اوة الى
حاجة اقوى اربع مجالات في الشبكات جدا :- نادرين ومميزين جدا
1- Security
2- Voice over ip
3- lunix administration
4- wireless tech
وفي شهادات زي
في مجال الحماية : CCSP - CISSP - CEH وغيرة
في مجال الثاني: CCVP من سيسكو مجال ال voice over ip نادر جدا ومميز
في مجال ادارة الليونكس : RHCE
في مجال الشبكات الاسلكية : CWNA
################################################## ######
واخيرا وليس اخرا اقدم لكم اهم 14حاجة لازم تكون في دماغك كاساس اذا اردت احتراف الشبكات
وهي ليست شرح ولكن عناصر اساسية لاهم حاجة لازم تفهامها كاساس وهي الاتي:-

1- الشبكات من حيث الحجم:-
Network according to size) ):-
-LAN : شبكة صغيرة مكونة من 10 اجهزة .
- MAN : شبكة تربط فروع شركة مثلا في مدينة صغيرة
- WAN : شبكة تربط فروع شركة مثلا بين دولتين مثلا (شبكة كبيرة اكبر مثال لها الانترنت)
-------------------------------------------------------------------------------------------------
2- الشبكات من حيث الادارة :-
(Network according to Administration)
- Peer-to-peer : وهي شبكة مكونة من 10 اجهزة وتسمى ايضا workgroup
- Server/Clint : وهي الشبكة التي تعمل بها كل الشركات وتعتبر
عملية ادارتها اصعب من السابقة والشهادة MCSE تعلمك كيفية ادارة هذة الشبكة بانظمتها.
-------------------------------------------------------------------------------------------------
3- الشبكات من حيث التصميم :-
( Network according to topology )
- Bus
- STAR
- Ring
- Mesh
( اكتب هذة الجمل في https://images.google.com وستعرف الفرق بالصور)
--------------------------------------------------------------------------------------------------
4- المنظمات المسؤلة عن الشبكات :-
- iso : مسؤلة عن OSI MODEL
- IEEE : مسؤلة عن project 802
- IANA : Real ip
-IETF : مسؤلة عن RFC
--------------------------------------------------------------------------------------------------
5- اجهزة الشبكة الرئسية Network plus :-
- Repeater
- Hub
- Bridge
- Switch
- Router
- Brouter
-gateway
- Media conventer
اهم اجهزة وهناك مقال لي متواضع فية ملخص لوظائف هذة الاجهزة
------------------------------------------------------------------------------------------------------
6- وسائط الشبكة Network Media :-
والمقصود انواع الكابلات التي تنقل البيانات والفرق بينهم
وساكتب مقال عنهم قريبا ان شاء الله واكثر انواع الكابلات
- Coaxial
- Twisted pair
- fiber optic
-----------------------------------------------------------------------------------------------------
7- انظمة تشغيل الشبكات Operating system :-
- Microsoft
- Novell
-Unix
-Linux
- Macintosh
يجب ان تعرف نبذة عن كل واحد والمميزات والعيوب وساشرح ان شاء الله مقال عنهم
------------------------------------------------------------------------------------------------------
8- OSI Model
وهو عبارة عن معيار دولي لمهندسي الشبكات والشركات
يعتبر اساس فهم الشبكات وهو عبارة عن شرح لكيفية انتقال البيانات
عبر الشبكة مهم فعلا في امتحان CCNA وفهمة يدل على انك فعلا
مهندس شبكات وهناك شرح لي مفصل عنة.
-----------------------------------------------------------------------------------------------------
9- مجموعة بروتوكولات TCP/ip :-
وهي عبارة عن البروتوكولات المسؤلة عن الاتصال بين جهازين
وتحديد كيفية انتقال البيانات حيث ان لكل وظيفة بروتوكول وهذة قائمة
باهم البروتوكولات التي يجب عليك فهمها
TCP
UDP
Ip
ARP
RARP
FTP : مثلا هذا البروتوكول مسؤل عن تحميل ورفع الملفات من ال server
HTTP: هذا البروتوكول مسؤل عن الانترنت
SMTP: هذا البروتوكول مسؤال عن الايميل
POP3
IMAP4
ICMP
TELNET: هذا البروتوكول مسؤل عن اتصال الكمبيوتر بجهاز بعيد
SNMP: بروتوكول مسؤل عن ادارة الشبكة ومراقبتها
SSL
RIP: البروتوكول المسؤل عن توجية البيانات
IGRP
OSPF
حاول ان تعرف اكبر قدر من البروتوكولات المهمة وساشرحهم قريبا باذن الله.
-------------------------------------------------------------------------------------------------------
10- عناوين IP address + subnetmask :-
class A-
class B-
class C-
الفرق بين IPv4 vs IPv6
Subnetting وكيفية حساب ip address مهم لل ccna
----------------------------------------------------------------------------------------------------
11- TCP/IP تعريفة عملي :-
DHCP-
DNS-
WINS-
وال tools المستخدمة في قائمة RUN مثل :-
Ping-
Ipconfig/all-
Arp-
Netstat-
Route print-
Nslookup-
Tracert-
-------------------------------------------------------------------------------------------------------
12- تكنولوجيا ربط مكانين في مسافات بعيدة WAN tech :-
Isdn-
Dsl-
Frame relay-
ATM-
Sonet-
X.25-
Leased Line T1 T2 E1 E2-
------------------------------------------------------------------------------------------------------
13- تكنولوجيا كيفية توصيل الجهاز المنزلي بجهاز العمل
Remote Access Tech
VPN-
Dial-up-
------------------------------------------------------------------------------------------------------
14- حماية الشبكات :- Network security
تعبر شهادة Security+ قوية في انظمة الحماية واساس قوي
ولكن هذا لا يمنع من ان اعطيكم فكرة عن هذا المجال القوي جدا
والخفي والمهم والنادر قريبا ان شاء الله
Firewalls
Packet filtering
Proxy server
NAT
Backup
Encryption
Clustering
Load balancing
Data availiability
وغيرة ...........
------------------------------------------------------------------------------------------------------
دول اهم حاجة وطبعا N+ فيها كل حاجة واكتر عموما انا نفسي فعلا اقدم لكم شرح لمعظمهم وحشرحهم باذن الله حسب الظروف ارجو ان تستفيدوا فعلا من المقال وان يسهل عليكم رحلتكم نحو الاحتراف واتمنى لكم المزيد من التقدم والنجاح والي عاوز ييعت شرح لاي حاجة من هذة الاساسيات او عاوز يضيف عليهم او عندة تعليق او اقتراح يقول لاني بستفيد من ارائكم
واسف على الاطالة :up: وكل سنة وانتم طيبين.

اخوكم: AhmedHalo

مشكور على الموضوع

ويعطيك الف عافيه

ومنتظرين كل جديد منك

وانت بالصحة والسلامة وشكرا علي الموضوع الجميل والمعلومات المفيدة

بارك الله فيك اخي احمد وجزاك الله خير على هذه النصائح الغالية.

اخوك عبدالمجيد
:frnd"

موضوع جميل يا أخي ، بارك الله فيك وننتظر المزيد المزيد من هذه المواضيع

الف الف شكر علي المعلومات الجامده دي

جزاك الله خير الجزاء على فعل الخير
ورمضااااااااااااااااااان كريم

ياخ احمد انا نعنديش اي خلفيه عن الشبكات خالص ومعلوماتي علي قدي في الكمبيوتر زي اي هاوي وعايز اخد ال mcse تنصحني بي ايه انت خدتها فين وبكام وايه نظامها والمتطلبات الي يجب توافرها في الي يحب يدرسها وكده ياريت تفيدني وتفيد الاخوه ومعلش هنتعبك بس ليك الثواب بس ياريت بالتفصيل

وده ايميلي لو تتواصل معاي يبقي افضل واوفر في الوقت booode22 ات هوتميل دوت كوم

اني اتفق معاك حيث اتجاهي اما

VOIP

او Linux

انت يا اخي وضعت ايدك على الجرح،،،
احنا فعلا محتاجين مقال مثل مقالك الرائع حتى يبين لنا احسن الطرق للنجاح في مجال الشبكات
بارك الله فيك
احنا بانتظار المزيد من موضوعاتك الرائعة وحابين فعلا نستفيد من خبراتك

جزاك الله خيرا يا اخى وجعله فى ميزان حسناتك . فعلا مقال هادف

فعلا واله افدت كتير جزاك الله كل خير

شكرا جزيلا و جزاك الله الخير كله