استفسار بخصوص شراء برنتر وجهاز يوزد

السلام عليكم جميعا , ورمضان كريم على اجدع ناس
انا بس كان ليا استفسارين محتاجين ناس خبرة زيكم

اول حاجة انا عايز اشترى برينتر , ومحتاج اعرف ايه الفرق بين العادى والليزر , وايه هو افضل اختيار فى حدود السعر المعقول فى كل نوع منهم .. مع الاخذ فى الاعتبار ان استعمالى ليه حيبقى خفيف

تانى حاجة بقى محتاج اجيب جهاز يوزد من اللى هما استعمال الخارج , وبصراحة ديه اول تجربة ليا والمحلات اللى بتبيع الاجهزة ديه بقت كتيرة جدا .. فهل فى حد ليكم ليه تجربة سابقة فى شراء اليوزد ده عشان يدلنى على افضل مكان ممكن اشترى منه ؟ ويايرت لو ماحدش يعرف مكان يقلى بس على المواصفات اللى المفروض اشترى بيها الجهاز مع الاخذ فى الاعتبار انه للاستعمال المكتبى

شاكر ليكم مرة تانية ورمضان كريم

up up

هاوضحلك المعلومات اللى أعرفها
البرنتر العادى بيكون أسود وألوان وسعره فى حدود 180 - 250 جنيه حسب النوع وطبعا فيه اغلى لكن مالوش لازمه
عيب النوع ده أن الحبر بتاعه غالى وبيخلص بسرعه
وكمان لما بتملاه ممكن ينشف فى حالة عدم الأستعمال المستمر
أفضل نوع هوه HP
الليزر بيبقى أسود بس
هوه فيه منه ألوان لكن غالى جدا وبيحتاج تصريحات خاصه
سعر الأسود بيبدأ من 500 جنيه
ميزته ان الحبر بيكفى عد ورق أكتر بكتير وكمان مش بينشف لأنه مش حبر سائل لكن بودره

اقتباس:

---

المشاركة الأصلية كتبت بواسطة EHWILLIAM

هاوضحلك المعلومات اللى أعرفها
البرنتر العادى بيكون أسود وألوان وسعره فى حدود 180 - 250 جنيه حسب النوع وطبعا فيه اغلى لكن مالوش لازمه
عيب النوع ده أن الحبر بتاعه غالى وبيخلص بسرعه
وكمان لما بتملاه ممكن ينشف فى حالة عدم الأستعمال المستمر
أفضل نوع هوه HP
الليزر بيبقى أسود بس
هوه فيه منه ألوان لكن غالى جدا وبيحتاج تصريحات خاصه
سعر الأسود بيبدأ من 500 جنيه
ميزته ان الحبر بيكفى عد ورق أكتر بكتير وكمان مش بينشف لأنه مش حبر سائل لكن بودره

---

فى اليداية شاكر ليك ياباشا جدا على اهتمامك بالرد , وواضح كده ان الاختيار الامثل فى حالتى هو الطابعة العادية, فياترى انت تنصحنى بانهى موديل فى الرينج المذكور ؟ لحد دلوقتى انا عندى اختيارين
hp d1663
و
hp 2483
الاولى ب 160 والتانية ب 300
فانت تنصحنى بانهى واحدة فيهم لانى بصراحة معرفش مميزات اى واحدة فيهم ايه ؟
وشاكر ليه مرة تانية من كل قلبى

انا رائى مع الاخ EHWILLIAM

الافضل ليك ان حضرتك تجيب برنتر ليزر لانها بتعمل حوالى 2000-3000 ورقه
وبعدين حضرتك بتملى الحباره بحوالى 50-60 جنيه
ولما بيتغير الحباره باخرى جديد بحدود 150 جنيه
سعر البرتنر الليزر بيدا من حوالى 500 جنيه فيما فوووووق
اما الانواع اللى حضرتك كاتبها سعرها رخيص لكن انتاج ورق اقل فى حدود 100 -200 ورقه بالكتيررررر وسعر الحباره الواحده 100جنيه ابيض واسود
وسعر الالوان فى حدود 110-120

طبعاااا يبقى الليزر افضل بكتيررررررررررررررر

والاختيار يرجع ليك