إنشاء شبكة لاسلكية تسع 500 فرد
السلام عليكم ورحمة الله وبركاته
أريد إنشاء شبكة لاسلكية تسع 500 فرد
أريد أن اعرف ما هى الادوات والمعدات المطلوبة
وكم ستكون تكلفتها
وهل هى شرعية ام هناك قوانين تمنع ذلك
وايضا اريد ان اعرف شركة نت فضائى جيدة
علما بأنى مقيم فى مصر فى الهرم بالتحديد
وهل اجد أحد من أهل الخبرة فى المنتدى يساعدنى فى إنشاء هذه الشبكة
وأنا تحت أمره فى أى حاجة هو عايزها ومش هنختلف
وجزاكم الله خيرا
رد: إنشاء شبكة لاسلكية تسع 500 فرد
?!?!?!?!?!?!?!?!?!?!?!?!?!?!?!?!?!?!?!?!?!?!?!?!?
رد: إنشاء شبكة لاسلكية تسع 500 فرد
عليك بداية أن تحدد ما نوع استخدام هذه الشبكة
هل سوف تستخدم للانترنت
Download
هل هناك برامج شبكة تستهلك الباندويدث مثل أوراكل
فمثلا في حال تصفح الانترنت من الممكن أن يكون كل 30 مستخدم على أكسيس بوينت أي أنك بحاجة من 15 إلى 20 أكسيس بوينت كل الأكسيس بوينت موصلة إلى سويتش والسويتش موصل للراوتر
وهذا كل ما في الأمر
رد: إنشاء شبكة لاسلكية تسع 500 فرد
المهم فى كل هذه القصة هل يسكن ال 500 مستخدم فى نفس المنطقة ام لا هل توجد فواصل كبيرة بينهم وبين بعض ام لا مثل الحوائط المسلحة والأبراج
رد: إنشاء شبكة لاسلكية تسع 500 فرد
اقتباس:
المشاركة الأصلية كتبت بواسطة forMyIslam
عليك بداية أن تحدد ما نوع استخدام هذه الشبكة
هل سوف تستخدم للانترنت
Download
هل هناك برامج شبكة تستهلك الباندويدث مثل أوراكل
فمثلا في حال تصفح الانترنت من الممكن أن يكون كل 30 مستخدم على أكسيس بوينت أي أنك بحاجة من 15 إلى 20 أكسيس بوينت كل الأكسيس بوينت موصلة إلى سويتش والسويتش موصل للراوتر
وهذا كل ما في الأمر
أشكرك جدا forMyIslam لأهتمامك بالموضوع
بداية هو نوع استخدام الشبكة هيكون للتصفح والدونلود والابلود ومش هيكون فى برامج شبكة
كنت عايز استفسر من حضرتك بس عن الاكسيس بوينت ايه افضل نوع حضرتك تفضلة
وأنا شاكر جدا لأهتمامك بالموضوع
رد: إنشاء شبكة لاسلكية تسع 500 فرد
اقتباس:
المشاركة الأصلية كتبت بواسطة memoragaa
المهم فى كل هذه القصة هل يسكن ال 500 مستخدم فى نفس المنطقة ام لا هل توجد فواصل كبيرة بينهم وبين بعض ام لا مثل الحوائط المسلحة والأبراج
memoragaa شكرا جزيلا ليك ولردك
بالنسبة بال 500 فرد هما مش هيكونوا 500 فى الوقت الحالى ممكن نقول تقريبا العدد هيكون 300 بس انا بعمل حساب اكتر على اساس لو حد تانى هينضم لينا
وال 300 تقريبا فى مربع سكنى واحد بس فى بينهم طبعا حوائط مسلحة وابراج
هل الحوائط المسلحة ليها تأثير كبير على الاشارة ؟ وازاى احل المشكلة دية
وكان عندى استفسار من حضرتك تانى
هل محطات التقوية بتاعت شبكات المحمول بتأثر وهل الدش بيأثر أيضا
أرجو الافادة
وأنا أسف جدا على الاطالة
وأنا متشكر جدا ليك ولاهتمامك
رد: إنشاء شبكة لاسلكية تسع 500 فرد
اخى الكريم اولا بالنسبة للحوائط المسلحة والأبراج تأثيرها 100% على الشبكات اللاسلكية وبالتالى تحتاج إلى انتينات Outdoor وهيا مكلفة نوعا ما ولكنها قوية وخلى بالك ممنوعة فى مصر كان فيه عضو عامل موضوع عن الشبكات هتلاقيه هنا فى قسم الشبكات اللاسلكية
رد: إنشاء شبكة لاسلكية تسع 500 فرد
أخي أفضل أن تعطينا صورة أوضح عن المشروع
بالنسبة لمحطات التلفزيون وكذلك المحمول لا تؤثر لأنها بمجال بعيد جدا عنها
طبعا كما ذكر أخي memoragaa الجدران الخرسانية تؤثر على الإشارة والجدران الحديدة تأثيرها أسوأ
رد: إنشاء شبكة لاسلكية تسع 500 فرد
الاخ العزيز
السلام عليكم ورحمة الله وبركاته
انا من سكان الهرم ولدى الخبرة والقدرة على انشاء مثل هذه الشبكة ويتطلب الامر جلسة لمناقشة الموضوع
يسعدنى اتصالك بى لمناقشة الموضوع
0101796204
مصطفى عيسى
رد: إنشاء شبكة لاسلكية تسع 500 فرد
فى ايريل بيخلى الراوتر الوايرلس مداه كيلو يعنى 1000 متر يا حلو
روح اشتريه و ركبه و لازم تعرف ان اشارة الواى فاى لما بتخبط فى البوتون بترد فى عكس الاتجاه يعنى ركبه فى حتة كويسة و لا اكسس بوينت و لا بدنجان و لو انت بقى عاوز تحترف اكتر اتعلم تعمل الراوتر الوايرلس بتاعك ازاى يبقى بيشتغل بال POE و الى حيخليك تقدر تطلعه فوق خزان المية لو حبيت
اما بالنسبة للناس العادية الى حتشترك معاك فدلوقتى السوق غرقانة صوابع وايرلس يو اس بى مستعملة ب 50 جنيه الواحدة و شغالة بحالة البران نيو
و مش حتفرق معاك لو هى نوع G لان سرعة الانترنت اصلا مش حتوصل لاكتر من 24 ميجا
يعنى ابعد عن تكنولوجيا N و N1 لانها غالية على الفاضى و مش من مستوانا فى الوقت الحالى
و لو محتاج حاجة قولى و انا حساعدك اكتر مما تتصور
رد: إنشاء شبكة لاسلكية تسع 500 فرد
أخي Spy4Life
الكلام الذي ذكرته مع احترامي الشديد لك عليه عدة مآخذ:
أولا: ايريل بيخلى الراوتر الوايرلس مداه كيلو يعنى 1000 متر
يوجد أيضا إيريل يصل مداه ل 20 كم ولكن في مثل هذه الحالة لن تستطيع اللابتوبات التقاط الإشارة
ثانيا: و لو انت بقى عاوز تحترف اكتر اتعلم تعمل الراوتر الوايرلس بتاعك ازاى يبقى بيشتغل بال POE و الى حيخليك تقدر تطلعه فوق خزان المية لو حبيت
ال PoE مش هالاختراع ما هو ممكن يخلي محول الكهرباء على خزان المي ويحط الرواتر جنبه
ثالثا:
يوجد مبدأ علمي في الوايرليس يعرف ب: DBR: Dynamic Bit Rate
وهو ينص على أن سرعة اتصال المتصل بالأكسيس بوينت تختلف باختلاف البعد عن الأكسيس بوينت فكلما ابتعدت عن الأكسيس بوينت أكثر كانت السرعة أقل
رابعا: بالنسبة للبروتوكول G يدعم سرعة 54 ميغا ولكن هذه سرعة ظاهرية وليست السرعة الحقيقية ومن يظهر له أنه على سرعة 54 ميغا فهو في الحقيقة على سرعة 18 ميغا أما ما تبقى فهي تذهب في تنظيم الترافيك وحفظ الاتصال
خامسا: المتبقي (18 ميغا) هي مقسمة بين عدد المشتركين بمعنى آخر إذا شبك 300 مستخدم فالسرعة الفعلية للواحد منهم ستكون 60K وهذا الكلام مستحيل لأن الأكسيس بوينت لا تستطيع أن تسجل لديها 300 يوزر
رد: إنشاء شبكة لاسلكية تسع 500 فرد
اقتباس:
المشاركة الأصلية كتبت بواسطة Spy4Life
فى ايريل بيخلى الراوتر الوايرلس مداه كيلو يعنى 1000 متر يا حلو
روح اشتريه و ركبه و لازم تعرف ان اشارة الواى فاى لما بتخبط فى البوتون بترد فى عكس الاتجاه يعنى ركبه فى حتة كويسة و لا اكسس بوينت و لا بدنجان و لو انت بقى عاوز تحترف اكتر اتعلم تعمل الراوتر الوايرلس بتاعك ازاى يبقى بيشتغل بال POE و الى حيخليك تقدر تطلعه فوق خزان المية لو حبيت
اما بالنسبة للناس العادية الى حتشترك معاك فدلوقتى السوق غرقانة صوابع وايرلس يو اس بى مستعملة ب 50 جنيه الواحدة و شغالة بحالة البران نيو
و مش حتفرق معاك لو هى نوع G لان سرعة الانترنت اصلا مش حتوصل لاكتر من 24 ميجا
يعنى ابعد عن تكنولوجيا N و N1 لانها غالية على الفاضى و مش من مستوانا فى الوقت الحالى
و لو محتاج حاجة قولى و انا حساعدك اكتر مما تتصور
اخى الكريم برجاء مراعاة وانتقاء الكلمات والتعبيرات التى تستعملها مع احترامى الشديد لك حيث اننا فى منتدى علمى واذا كنت تملك من المعلومات ما تستطيع به مساعدة اخونا العضو صاحب الموضوع اطرح ما تعرفه هنا لكى يستفيد باقى الأعضاء وتكون ساحة نقاش علمية وفى النهاية نتمنى الإستفادة للجميع
رد: إنشاء شبكة لاسلكية تسع 500 فرد
اقتباس:
المشاركة الأصلية كتبت بواسطة emit
الاخ العزيز
السلام عليكم ورحمة الله وبركاته
انا من سكان الهرم ولدى الخبرة والقدرة على انشاء مثل هذه الشبكة ويتطلب الامر جلسة لمناقشة الموضوع
يسعدنى اتصالك بى لمناقشة الموضوع
0101796204
مصطفى عيسى
اخى الكريم مصطفى لماذا لا تكون هنا الجلسة لمناقشة جميع ابعاد الموضوع وحتى يتثنى لباقى الأعضاء الذين يريدون عمل هذه الشبكة من عملها مع حفظ حقوقك الأدبية طبعا
رد: إنشاء شبكة لاسلكية تسع 500 فرد
ليه انا قولت POE
الاجابة علشان يوفر سلك الكهرباء و المشترك و كمان يقدر يطلع الراوتر فى اى مكان و ميبقاش مربوط بحتمية وجود فيشة كهرباء قريبة
اما الاكسس بوينت ما بتسمحش بكل اعداد المشتركين دول فانا طريقتى مفيهاش اكسس بوينت من اساسه
و الايريال يا عم جيب الغالى على قد ما ربنا يديلك بحق كل الاكسس بوينت الى حتركبهم و مشاكل التوصيلات كمان حتنتهى
رد: إنشاء شبكة لاسلكية تسع 500 فرد
هى فكرة رائعه للغايه افكر بها منذ سنوات ربنا يوفقك اخى وقم بتنفيذ الفكره بعد استشارة الاخوه الكرام طبعا واهل الخبره فى مجال الشبكات اللاسلكيه