اريد برنامج قياس عنق الزجاجة لكرت الشاشة
صديق اخبرني عن برنامج لقياس عنق الزجاجة لكرت الشاشة , يعني تحديد مدي الاختناق و ايضا اعطاء التردد المناسب حتي لا تكون هناك عنق زجاجة , بس بصراحة بحثت و ماوصلتش لنتيجة , كرتي msi gtx 560 ti twinfrozer2 و يعمل علي المعالج intel core2quad 2.8 / 1333 / 12mb cache , انا اتاكدت من وجود اختناق عند عمل اختبار علي برنامج StoneGiant علي ريسوليوشن 1600*900 علي التردد الاصلي 2.8 كانت النتيجة متوسط 45 فريم و عند رفعه من 2.8 الي 3.4 كانت الفريمات متوسط 85 فريم يعني تقريبا داخل علي الضعف مع العلم اني بستخدم المشتت الاصلي الضعيف علشان كده اخري في كسر التردد تردد 3.4 , ارجو الافادة من خبراء كروت الشاشة و ايه التردد المناسب علشان مايكونش في عنق زجاجة , و هل اقدر اكسر سرعة المعالج ده لتردد 3.8 يعني زيادة جيجا كاملة عن التردد الاصلي لو اشتريت مشتت احترافي مع العلم ان البوردة هي GA-P45-Ud3r ؟؟؟
رد: اريد برنامج قياس عنق الزجاجة لكرت الشاشة
هى فى الحقيقة ملهاش برنامج لكن لو عاوز تعرف إنت عندك عنق زجاجة ولا لأ بتستخدم برنامج MSI Afterburner وتفتح معاه فى نفس الوقت الTask Manager بتاع الويندز وأثناء اللعب أو الإختبار ب3dmark أو أى برنامج إختبار تانى بتشوف استخدام كارت الشاشة أو Gpu usage فى الmsi afterburner أثناء اللعب أو الإختبار وتشوف معاه فى نفس الوقت إستخدام البروسيسور فى التاسك مانجر فى الشريط اللى هو بتاع performance وتشوف الcpu usage كام فى المية فلو كان مثلا إستخدام كارت الشاشة أثناء اللعب أو الإختبار 40% ل50% وإستخدام البروسيسور أثناء اللعب أو الإختبار 95% ل100% فإنت كده عندك عنق زجاجة والبرسيسور مش قادر يشغل الكارت بكامل قدرته ولو إنت عملت overclock للبروسيسور وحصل تحسن فى إستخدام كارت شاشة بقى مثلا 60% ل70% والبروسيسور إستخدامة 95%ل100% فإنت كده محتاج تزود تردد البروسيسور أكتر وتكسره زيادة عن كده لحد إستخدام كارت الشاشة يبقى قريب من 90% ل95%
ولو كسرت البروسيسور ومحصلش تحسن فى إسختدام كارت الشاشة يبقى إنت محتاج تغير البروسيسور لأنه مش قادر يشغل الكارت بكامل قوتة وكمان البروسيسور هيتعبك أكتر فى الألعاب الأونلاين زى Battlefield 3 مثلا لأن بيبقى الخرايط كبيرة وفى 64 لاعب وفى الحالة دى بيكون فى حمل جامد على البروسيسور فيحصل frame drops كتير
رد: اريد برنامج قياس عنق الزجاجة لكرت الشاشة
عجبتني فكرتك و عملتها علي برنامجين StoneGiant و MSI kombuster لكن النتيجة غريبة يعني استهلاك كارت الشاشة بيكون 98% 99% و في نفس الوقت البروسيسور اقصي استهلاك ليه كان 25% و كل ده علي التردد الاصلي 2.8 , انا بصراحة مش فاهم النتيجة دي و ليه البروسيور مش عامل معدل استهلاك عالي
رد: اريد برنامج قياس عنق الزجاجة لكرت الشاشة
اخي تقريبا لا يوجد لديك عنق زجاجة لانة تردد 3.4 مع معالجك كافي تقريبا لتشغيل البطاقة بكل قوتها مع اني انصح بتردد 3.6 لدي نفس البطاقة لكن نسخة Gigabyte GTX 560 TI وعندي معالج Q9450 مكسور السرعة حاليا الى تردد 3.6 ووصلت الى ترددات اعلى لكن كما ارى ان تردد 3.6 كافي
ومعالجك بكل راحة قادر للوصول الى تردد 3.8 او 4GHZ في حال لديك مشتت جيد وكما ارى ان للوحتك من افضل اللوحات في كسر السرعة مع المعالجات التي بسوكت 775
انت على الاغلب معالجك هو Q9550
رد: اريد برنامج قياس عنق الزجاجة لكرت الشاشة
افهم من كلامك ان التردد المناسب للمعالج q9550 هو 3,8 باستخدام مشتت احترافي , شكرا علي ردك
رد: اريد برنامج قياس عنق الزجاجة لكرت الشاشة
اقتباس:
المشاركة الأصلية كتبت بواسطة Styler
افهم من كلامك ان التردد المناسب للمعالج q9550 هو 3,8 باستخدام مشتت احترافي , شكرا علي ردك
لا اقصد التردد المناسب هو 3.8
وانما اقصد معالجك ممكن ان يصل الى تردد 3.8 او 4GHZ بكل راحة في حال توفير مشتت جيد
رد: اريد برنامج قياس عنق الزجاجة لكرت الشاشة
سهله الع لعبه تقيله وافتح برنامج gpu-z لكارت الشاشه وافتح برنامج Core Temp وشوف كل واحد بيستخدم كام فى الميه لو المعالج اكتر يبقى لازم تغير المعالج انما لو كارت الشاشه اكتر بحاجه بسيطه يبقى انت كدا تمام لان الكارت بياخود من المعالج البينات
رد: اريد برنامج قياس عنق الزجاجة لكرت الشاشة
شكرا اخي unexpected انا كنت فاكر ان المعالجات القديمة زي سلسلة core2quad صعبة عمل كسر تردد لها حتي باستخدام مشتت احترافي
رد: اريد برنامج قياس عنق الزجاجة لكرت الشاشة
ماشي جاري عمل الاختبار ده , هايكون اقوي علشان ممكن اشغل لعبة غلسة زي BF3 و اجرب
رد: اريد برنامج قياس عنق الزجاجة لكرت الشاشة
لكن في عملية كسر التردد ازود التردد عادي و للا استخدم الزيادة في الفولت بس انا خايف تحصل مشكلة ؟؟؟
رد: اريد برنامج قياس عنق الزجاجة لكرت الشاشة
أفضل إختبار لعنق الزجاجة هو إنك تلعب باتل فيلد 3 مالتى بلاير فى مود كونكويست فى خريطة كبيرة وفيها ال 64 لاعب كاملين وتبدأ تشوف إستخدام كارت الشاشة والبروسيسور وده من أقوى الإختبارات لعنق الزجاجة ولكفاءة البروسيسور بوجه عام إنما ألعاب السينجل بلاير ممكن متلاقيش فرق كبير بين بروسيسور core2due و i7 2600k
ولازم تعرف كمان إن ريزليوشن زى 1920X1080 المفروض ميحصلش عليه عنق زجاجة على التردد الاصلى للبروسيسور ده لأن كارت الشاشة مش هاى اند إنما كل لما تقلل الريزليوشن فإنت بتريح كارت الشاشة وبتضغط أكتر على البروسيسور هى عملية تناسب عكسى بين البروسيسور وكارت الشاشة يعنى مثلا أثناء وإنت بتلعب باتليفد 3 فى خريطة 64 لاعب جرب كده تلعب على ريزليوشن 800X600 وشوف إستخدام البروسيسور وكارت الشاشة وجرب تلعب على أكبر ريزليوشن عندك وشوف برضه إستخدام البروسيسور وكارت الشاشة وإنت هتعرف عملية التناسب العكسى بين إستخدام البرسيسور وكارت الشاشة مع تغيير الريزليوشن
يعنى مثلا:
البرسيسور قدرة تشغيلة فى اللعبة دى = 100 فريم
وكارت الشاشة = 80 فريم
فهيكون عدد فريماتك داخل اللعبة = 80 فريم
وهنا هيكون كارت الشاشة هو اللى بيعمل عنق الزجاجة
طيب لو البرسيسور = 100 فريم
وكارت الشاشة = 150 فريم
عدد فريماتك داخل اللعة هيكون = 100 فريم
وهنا هيكون البروسيسور هو سبب عنق الزجاجة
أنا بقولك تجرب باتل فيلد 3 ملتى بلاير 64 لاعب على الريزليوشن اللى بتلعب بيه علشان بيكون فيه ضغط جامد على البرسيسور فى الحالة دى أثناء اللعب فممكن البرسيسور ميقدرش إنه يشغل كارت الشاشة بكامل قدرته فى حالة ال64 لاعب وهو ده بقى عنق الزجاجة مع إن البرسيسور يقدر يشغل الكارت بكامل قدرته فى وجود 50 لاعب بس مثلا.
رد: اريد برنامج قياس عنق الزجاجة لكرت الشاشة
كما قال لك الأخوة MSI AB وتري GPU Usage اذا كان أكبر من 85% أثناء اللعب لا توجد مشكلة أما اذا كان أقل فهناك عنق زجاجة (هذا الكلام مع الألعاب التي تستخدم الكرت لأقصي درجة)
والكسر ل3.4 كافي جدا وبامكانك عمل موضوع في قسم كسر السرعة
رد: اريد برنامج قياس عنق الزجاجة لكرت الشاشة
شكرا علي التوضيح ده يعني قصد حضرتك ان لما انزل الريسوليوشن بضغط اكتر علي البروسيسور علشان كارت الشاشة بيشتغل بفريمات اكتر و في نفس الوقت بيكون البروسيسور لسه بنفس فريماته و بالتالي مش بيقدر يشتغل بكل الفريمات اللي بيعملها كارت الشاشة , انا فاهم كده صح ؟؟؟ , بس صعبة شوية حكاية لعب BF3 ملتي بلاير
رد: اريد برنامج قياس عنق الزجاجة لكرت الشاشة
شكرا يا استاذ احمد علم و ينفذ
رد: اريد برنامج قياس عنق الزجاجة لكرت الشاشة
مش كل الالعاب تقدر تقيس بيها بس عندك اكبر لعبتين وكلنا بنلعبهم كرايسيس2 وباتل فيلد3 لانهم بيعملوا فول لود على الكرت لو شغلت msi afterburnerشوف gpu_usage قد ايه لقيته زى ما الاخوه قالولك وده الى انا متاكد منه 85% +++ يبقى كده تمام ويفضل لو انت عايز تتاكد اكتر تشغل على رزولوشن 1920 علشان تبقى عامل اكبر لود على الكرت ودى اسهل طريقه تعرف بيها .