سؤال عن صندوق الـ Cooler master Gladiator 600

السلام عليكم

اولا احب اهنيكم بالمنتدى الجامد ده اللى اصبح بالاعضاء الخبراء اللى فيه افضل منتدى عربى تقنى

طبعا الكلمتين اللى فوق دول:D مش مجرد مجامله عشان انا بسأل سؤال لآ , انا فعلا مبسوط انى فى المنتدى دة و انا بأستفيد منة كل يوم حاجه جديدة .

انا سؤالى عن الكيسه Cooler master Gladiator 600 هل كيسه كويسه خصوصا ان عندى كيسه GAMMA 350W و بصراحه ضيقه جدا و التهويه فيها سيئه .
هل لو اشريتها هحس بفرق و لا فلوس على الفاضى
و دى مكونات جهازى :
q6600 و المشتت Gigabyte VOLAR (هل فيه مشتت فى السوق المصرى دلوقتى مناسب للمعالج الرباعى ده )
VGA : HD4870
الماذر عندى بتسخن بسبب كارت الشاشه ده
و فيه كمان هاردين مزنوقين فى بعض بسبب الكيسه الضيقه دية:(

ملحوظه : انا عندى مشكله فى الارتفاع بتاع الكيسه لازم ماتزدش عند 44 سم عشان كدة انا اخترت الGladiator 600 اظن ان ارتفاعها مناسب

معلش يا جماعه طولت عليكم (عشان كنت كاتم فى قلبى و ساكت بقالى حوالى سنتين مع الكيسه ده:ah42: )

للرفع

- الفارق كبير جدا ، وسيظهر فى درجات الحرارة لديك ، ألف مبروك مقدما.

- الجيجابايت الفولار شئ جدا ، كان الجدير بك السؤال قبل شراؤه ، عموما يوجد فى مصر حاليا OCZ Vendetta 2 مستعمل بأسعار جيدة جدا ، ولكن أنصحك بالأنتظار إلى شهر شتة القادم لحين نزول الدفعة الجديدة من مشتتات Coolermaster Hyper 212 وهو مشتت جيدا جدا وسعره أكثر من رائع.

طيب هو سعر الكيسة دى كام؟؟

شكرا coolman على ردك

انا نزلت امبارح اشوف الكيسه هى اعرض من الجاما و اطول سنه صغيرة

بس الطول للداخل يعنى لو عايز احط كارت شاشه طويل شوية ممكن ماتكفيش و فى حاجه تانيه خلتنى استنى شوية دلوقتى ان كل ما أسأل حد عندة يقولى لازم تتباع بالبور 460w و انا عندى بور 500w

انا هستنى لغايه شهر سته زى ما قولتلى لغاية لما ابيع الكيسه القديمه مع البور الجديد و اجيب المشتت و الكيسه مع بعض (و لا ممكن ساعتها ملاقيش الكيسه :confused: )

الأخوة المتربين في الشوارع رجاء هذه الألفاظ في مواقع تربيتكم وليس هنا.

اخى Torrentleech

الكيسه ال Gladiator بالبور 460w ب 540 جنيه مصرى انا ماحولتش افاصل :rolleyes:

coolman

عايز اسألك سؤال للمشتت ال hyper

انا شوفت على النت نوعين واحد hyper 212 و التانى hyper 212 plus يا ترى ايهما افضل و اى نوع اللى بينزل مصر و هينزل فعلا شهر سته و لا مش اكيد

شكرا مقدما :)

البلس هوة الى بينزل مصر

اقتباس:

---

المشاركة الأصلية كتبت بواسطة es0777

coolman
عايز اسألك سؤال للمشتت ال hyper
انا شوفت على النت نوعين واحد hyper 212 و التانى hyper 212 plus يا ترى ايهما افضل و اى نوع اللى بينزل مصر و هينزل فعلا شهر سته و لا مش اكيد
شكرا مقدما :)

---

- كما تفضل الأستاذ فهد فى الرد ، البلاس هو مانزل مصر فى الشحنة السابقة ، وهو ماشينزل فى الشحنة القادمة بأذن الله.

- لم ينزل العادى نهائيا.

شكرا فهد

شكرا coolman

مساء الفل :D

معلش ياجماعه الكيسه ال Gladiator 600 اكبر كرت شاشه يدخل فيها مستريح قد ايه ؟

معلش اصل انا ببقى متردد لما انوى اشترى حاجه :confused:

لأ حضرتك مفيش تردد ولا حاجة اسألتك كلها منطقية

هوة ممكن تدخل فيها 5850 و لكن 5870 مش حيخش

اتفضل الدليل
https://www.youtube.com/watch?v=zqSioiw2GQ4

فى الأخر حيقول الكلام دة

شكرا أخى فهد على المعلومه المهمة

انا فى الحاله دى قررت استنى شويه لما الكيسات الجديدة تنزل

هتنزل كيسات ايليت و جلاديتور جامدين اكبر من اللى موجودين دلوقتى

انظر لهذا الموضوع https://www.arabhardware.net/forum/s...7861&page=4535

هتلاقى مشاركه اسلام كاتب انه ان شاء الله هينزل كيسات جديدة الشحنه اللى جاية :ah4: