ممكن حد يساعدنى الجهاز بيعمل رستارت لما بقفل الشاشة

السلام عليكم

الشاشة عندى اما اقفلها واجى افتحها تانى الجهاز بيعمل ريستارت
فممكن حد يساعدنى فى المشكلة دى فى المنتدى الجميل دة

والسلام عليكم

ايةيجماعة ارجوكوا ردوا بسرعة

في احتمال يا باشا .. لكن مش متأكد منه

ان الشاشة والكيسة و الليلة كلها متوصلة على مشترك كهربا واحد .. والمشترك واخد من فيشة كهربا واحدة طبعاً

ممكن يكون المشترك ضعيف او خط الكهربا بتاع الفيشة دي ضعيف

لما بتشغل الشاشة .. بتسحب كهربا شديدة فى الاول عشان تقوم فبتأثر على الكهربا اللي داخلة للكيسة والجهاز يعمل ريستارت


جرب توصل الشاشة على مصدر كهربا من فيشة تانية خالص بعيدة بسلك طويل وجرب .. لو اشتغلت تمام

يبقى العيب زي ما قولتلك ..

ممكن بقى تبتدي بعد كدة تشوف المشكلة فى المشترك انه ضعيف ولا الفيشة .. وعيش مع التجارب

لو بردو عملت ريستارت .. جرب تغير كابل الداتا بتاع الشاشة


شاشتك نوعها ايه وايه وسيلة توصيلها بالجهاز ؟

بسم اللة الرحمن الرحيم

اولا : الف والفين وتلات الاف شكر على ردك واهتمامك
ثانيا : نوع الشاشة samsung
ثالثا : يتم التوصيل عن طريق كبل داتا موصل فى الكيسة وكبل الباور فى المشترك الكهربى
واخيرا :: اكرر شكرى لك على اهتمامك
وعلى فكرة انت لك مستقبل عظيم فى الصيانة ينجم

اقتباس:

---

المشاركة الأصلية كتبت بواسطة الصيانة فى دمى

بسم اللة الرحمن الرحيم

اولا : الف والفين وتلات الاف شكر على ردك واهتمامك

---

العفو يا سيدي .. انت تأمر

اقتباس:

---

المشاركة الأصلية كتبت بواسطة الصيانة فى دمى

ثانيا : نوع الشاشة samsung

---

سامسونج حاف كدة .. ولا سامسونج بالكريمة ؟

اقتباس:

---

المشاركة الأصلية كتبت بواسطة الصيانة فى دمى

ثالثا : يتم التوصيل عن طريق كبل داتا موصل فى الكيسة وكبل الباور فى المشترك الكهربى

---

لا يا شيييخ !
( مفيش داعي تحلف انا مصدقك )

اقتباس:

---

المشاركة الأصلية كتبت بواسطة الصيانة فى دمى

واخيرا :: اكرر شكرى لك على اهتمامك

---

يا سيدي والله العفو

اقتباس:

---

المشاركة الأصلية كتبت بواسطة الصيانة فى دمى

وعلى فكرة انت لك مستقبل عظيم فى الصيانة ينجم

---

اااه .. ناس كتير قالتلي كدة من 16 سنة فاتت .. ادينا بنجتهد وكله بأمره


بص يا باشا .. من غير ما اعرف موديل شاشتك ايه ونوع الكابل ايه .. الخ الخ


لكن انا عندي يقين انها شاشة عادية .. ومشكلتك زي ما قولتلك مع الكهربا .. او كابل الداتا

بالتوفيق