اتمنى مساعدتي وشرح الغموض في الموضوع..

بسم الله الرحمن الرحيم
حبايبي من غير مقدمات ابي ادخل في الموضوع على طول
اكتشفت اني استفيد منكم اكثر من استفادتي من شرح المدرس في المعهد لذلك..
لجأت لكم لتوجيهي في قاعدة البيانات اللي راح اسويها وهي عبارهـ عن واجب اديكسل
واللي كلفني بها المدرس مع العلم من شروط الواجب عدم شرحه للطالب من قبل المدرس
وعلى الطالب ان يحل الواجب بمعرفته ومن خلال استيعابه للشرح<<معقدينها يبون الطالب يعيد الماده
ورجوعه لبعض المواقع للفائدهـ ومن ضمن المواقع اللي علمني عليها المدرس موقعكم الكريم
انا قرأت الواجب كامل اكثر من مرهـ
اول شي اعطاني سيناريو وطلب مني استنتج منه اكثر من 6 جداول وتكون اول خطوه اسويها..
انا اجتهد ومن خلال السيناريو توصلت الى 5 فقط واسمائها كالتالي
1-جدول الكتب 2-بيانات المؤلفين 3-جدول المشتركين 4-بيانات الاستعارة 5-دور النشر


بس اللي ماشرحه لي المدرس واللي موجود في الواجب انه طلب مني

(تسوية للبيانات بحيث تكون الجداول على الاقل في المستوى الثالث)
وهذي النقطة اللي اتمنى من ذوي الخبرة شرحها لي وتوضيحها بحيث استطيع ان اكمل مسيرتي الى النهاية

مثلا:

احد الجداول واللي مطلوب اني اخليه في المستوى الثالث

جدول الكتب:
رقم الكتاب-اسم الكتاب-عدد الصفحات-تاريخ الاصدار-الطبعة-عنوان الكتاب-عدد النسخ المتوفرة-عدد النسخ المستعارة-المؤلف

طبعآ هذا اول جدول استنتجته من السيناريو واللي مطلوب انه يكون في المستوى الثالث
ابي افهم الفكره
هذا الجدول في اي مستوى من مستويات الجداول..؟
كيف اخليه في المستوى الثالث اذا كان في مستوى اقل؟
ماهي شروط كل مستوى..؟
أسئله كثيرهـ تدور في ذهني ماني لاقي لها جواب..

والبركه فيكم ان شاء الله تجعلون مني احمل ماتحملونه من علم ومن فائده
تحياتي للجميع واتمنى التفاعل واي شي تحتاجونه انا مستعد بحيث تعم الفائده للجميع..