عرض للطباعة
السلام عليكم
ممكن احد من الاخوان سكان الرياض يفيدني وين احصل شاشه كريستال 19 بوصه بحدود 1500 -2000 تكون نوعيه جيده وبمواصفات جيده مع ذكر المواصفات والموديل تصدقون لفيت الرياض وما حصلت الا نوعين فيو سونيك 1290 ريال وشكلها ما يفتح النفس وسامسونق 1750 بس المشكله في كل الشاشتين مو مكتوب عليها المواصفات ولا البائع يفهم شي ما يعرف الا كريستال و19 ودقه الشاشه وغيره ما يعرف Con: اللي يعرف يذكر اسم المحل ووصفه لاني صراحه تعبت :confused:
ومشكور كل من رد او قرأ الموضوع
اخي الكريم
ممكن تاخذ لك لفه في شمال الرياض طريق الملك عبد الله قبل الشيراتون وانت متجه شرق محلات الخراشي و المحطب ثم الكترو بعد محطة الدريس بشوي ( المحطه بتسكر بعد اقل من شهر ) محلات الكترو وبعد السدحان مكتبة وجرير المعروفة بعد كذا تجيك اشارة الملك عبد العزيز لف يمين بعد اشاره تجيك محلات اكسترا وهي غنية عن التعريب
بتلقى شاشات اشكال وانواع وكراتينها قدام عينك خذ البيانات اللي تحتاج وخذ معك ورقه وسجل فيها اللي تبي ولا صور بطاقة المواصفات بالجوال وفي البيت سو مقارنتك على رواق
للمعلومية افضل هذه المحلات اكسترا لوجود مندوبين لكل شركة ( كنت ابحث عن طابعة وكل ما وقفت عند وحده جاني رجال يلبس تيشيرت الماركه ابسون وزيوركس واتش بي ) وبعد لا تنس محلات كمبيو مي على شارع التحلية بعد تقاطع العليا وانت متجه شرق
بعد ما ترسي على الشاشه اطلع لحراج الكمبيوتر وشف السعر بتلقى اختلاف اكيد ( طابعة ابسون r300 شريتها من الشدادي ب680 وعند الكترو 630 ريال )
سلامي
في سوق الكمبيوتر ألي في العليا
شاشة 19 بوصه LCD لشركة MOV بـ 1150 ريال
المحل اسمه (على حسب ما اذكر) : التقنيات السريعة او الاتصالات السريعة