على وشك شراء كارت شاشة جديد محتاج مساعدة فى أفضل نسخة من حيث السعر مقابل التبريد

أعتذر إنى عملت موضوعين فى وقت قصير بس انا خلاص ان شاء الله غالبا قررت اشترى كارت GTX 1050 TI .. عايز اللحقه قبل ما يخلص و الميزانية يدوب و ال 100 جنيه هتفرق بالنسبالى..

أمامى التالى:
1- Gigabyte Geforce GTX 1050 TI 4GB سعره 3700 جنيه و بمروحة واحدة

2- Zotac Gefroce GTX 1050 TI OC Edition 4GB سعره 3800 جنيه و بمروحتين

3- Palit Geforce GTX 1050 TI Dual OC 4 GB سعره 3650 جنيه و بمروحتين.. أعتقد إن هذا الأنسب بالنسبالى من حيث السعر و التبريد و لكن المشكلة إنى أول مرة أسمع عن نسخة Palit هذه, كنت أفضل Gigabyte و لكن للأسف نسختها بمروحة واحدة..

ما رأيكم؟؟

ولا فى رأيكم أنتظر شهر او شهرين على أمل نزول أجيال جديدة أفضل؟ .. انا كارتى الحالى 7870XT.. لو حدثت إلى 1050ti اكيد هيعتبر تقدم و لكن لا ادرى لو كان تحديث يستاهل.. أنا كنت عامل حسابى من كام سنة إنى يوم لما احدث كارت الشاشة أحدثه بواحد مثل GTX 780 .. و لما قريت شوية وجدت إن ال 1050TI بمثابة ال GTX 770 من حيث الأداء ( بعيدا عن المعمارية و الحداثة انا فقط مهتم بالأداء) فأعتقد إنه تحديث مش بطال و قريب من ال 780؟

مرحباا أخى الكريم

وخيار موفق بأذن الله

بالنسبه للأختيارات

لو مكانك لذهبت مع

Zotac Gefroce GTX 1050 TI OC Edition 4GB


مبروك مقدماا

وبالتوفيق

اقتباس:

---

المشاركة الأصلية كتبت بواسطة abdalhaliem

مرحباا أخى الكريم

وخيار موفق بأذن الله

بالنسبه للأختيارات

لو مكانك لذهبت مع

Zotac Gefroce GTX 1050 TI OC Edition 4GB


مبروك مقدماا

وبالتوفيق

---

+1111 بالنسبة للكارت 1050ti
لكن لو يهمك الاداء ممكن تدور في المستعمل على كارت زي AMD Rx 570 أو حتى 1060 3gb ممكن تكون في حدود الميزانية

وبالتوفيق ...
ولك التحية

شكرا لكم.. طب بالنسبة لنسخة ال Palit Geforce دى إيه نظامها و ليه سعرها أقل سعر؟ هل عشان الآخريين مكسورين السرعة بشكل اكبر ام عشان تبريدها جودته أقل؟

الفارق

سمعه الشركات

وأسماء مشهوره من عدمه

ثم أين الفارق !!!

أيعتبر فارق 150 جنيهاا يمثل فارقاا !!!

مبروك مقدماا

آه للأسف حاليا ال 100 جنيه ممكن تمثل فارق بالنسبالى مثل ما ذكرت فوق, لأن ميزانيتى محدودة جدا و الوقت ضيق..
عموما شكرا لحضرتك أستاذنا عبد الحليم.

اقتباس:

---

المشاركة الأصلية كتبت بواسطة whiteknights

آه للأسف حاليا ال 100 جنيه ممكن تمثل فارق بالنسبالى مثل ما ذكرت فوق, لأن ميزانيتى محدودة جدا و الوقت ضيق..
عموما شكرا لحضرتك أستاذنا عبد الحليم.

---

ماأقصده بظل أنخفاض قيمه الجنيه للأرض

أن تلك القيمه لاتمثل أختلاف جوهرى بالثمن

وفقك الله لما تحب وترضى

ومبروك مقدماا

أعتذر لرفع الموضوع مرة اخرى بس فيه حاجة و محتاج نصحيتكم فيها.. قبل ما كنت على وشك شراء كارت GTX 1050TI عرفت إن على يوم 20 تقريبا فى هذا الشهر هيكون معايا حوالى 5000 جنيه..
فا حضراتكم إيه رأيكم أنتظر ليوم 20 تكون ميزانيتى اصبحت 5000 جنيه و اشترى كارت GTX 1060 ولا أتوكل على الله و اجيب كارت 1050TI الآن؟

هى المشكلة فى الإنتظار و مخليانى محتار هى إنى خايف يكونوا خلصوا من السوق.. خصوصا لما كلمت المحل من كام يوم قالى ممكن بعد 10 أيام متلقيهوش.. و مفضلش انى اجيب مستعمل.

تعملوا إيه لو كنتم مكانى؟ هل يستاهل إنى انتظر؟.. و إيه الحل لو انتظرت ليوم 20 و فى الآخر لقيت إن 1060 خلص من السوق؟

مرحباا أخى الكريم

لايختلف أثنان على أن 1060

أفضل وأقوى

ولايختلف أثنان أيضاا

على أن الجديد أفضل

( على الأقل نفسياا )

أما مسأله أختفائه من السوق

فتلك علمها عند ربى

وسيكون أى أدلاء بالرأى فى تلك الجزئيه

كمن يتنبأ بالغيب

لكن كقناعه شخصيه

تلك الكروت مستمره لفتره كبيره


بالتوفيق دائماا

السلام عليكم مرة أخرى.. انا خلاص الحمدلله الله جالى فلوس.. كنت قررت أصبر لحد ما يجى فلوس بحيث أشترى حاجة اقوى من GTX 1050TI .. و الحمدلله الآن معى حوالى 9000 جنيه.. فقررت أشترى ال GTX 1060

بالنسبة بس للنسخ انا مازلت محتار قليلا.. ملاحظ إن نسخة ال Gigabyte هى الأغلى.. لا أدرى هل ده بسبب الضمان ولا جودة المراوح, زائد ان البوردة عندى جيجابايت ايضا فأعتقد إنى مرتاح نسبيا لها..

MSI Geforce GTX 1060 3GT OCV2 3GB سعرها 5100 جنيه

Zotac Geforce GTX 1060 AMP! Edition سعرها 5200 جنيه

Gigabyte Geforce GTX 1060 Windforce 3GB (GV-N1060wf2oc) سعرها 5300 جنيه

انا خمنت بما إن الجيجابايت هى الأعلى سعر يبقا بالتالى هى الأعلى جودة و أمان ولا مش شرط؟

تانى حاجة انا لاحظت إن CompuData هو المحل الوحيد اللى بيبيع نسخة ال Zotac ب 5000 جنيه بس.. فكنت بفكر أشترى من عنده و اوفر ال 300 جنيه.. بس موضوع إن يكون فيه محل مرخص أسعاره بشكل ملحوظ مقارنة بباقى المحلات بيقلقنى شوية, ولا ده عادى؟

معلش انى بدقق بزيادة بس لأنى كنت بواجه مشاكل كتيرة مع نسخه الكارت القديم اللى عندى زائد إن دى تقريبا آخر مرة فى حياتى هقوم بتحديث كارت الشاشة فا كنت عاوز اجيب أفضل المتاح

مرحباا أخى الكريم

اقتباس:

---

نسخة ال Zotac ب 5000 جنيه

---

لو تريد رأيى

أذهب مع الأقل سعراا

تقريباا الأداء واحد

مبروك مقدماا على الكارت

وكفاك الله شره

بالتوفيق دائماا

اخى الفاضل كما قال لك استاذى الفاضل عبد الحلبم
أذهب مع الأقل سعراا

تقريباا الأداء واحد يعجبنى فى

Zotac انة اصغر فى الحجم من جيحا بايت

بالتوفيق دائماا

شكرا لكم على المساعدة.. إذن على خيرة الله

بالنسبة لاختفاء البطاقات بالفعل ستختفي قريبا بسبب RTX 2060 و اخاه الاصغر GTX 1160TI ان صحت التسريبات

نصيحة ابعد عن شركة PALIT مفيش مصريين شكروا فيها وخصوصاً ان المحلات الي بتدخلها في مصر مرفوع عليها قضايا من شركات كبيرة زي ASUS بسبب انهم بيجيبوا بضاعة مجهولة المصدر بدون ضمان وبيبعوها للناس على انها ضمان محلي

الزوتاك هي الافضل كما ذكر استاذي عبدالحليم وافضل الشركات التي تبيع النسخ الزوتاك بتوكيل محلي هو البدر جروب عن تجربة تعامل معاهم زادت عن العامين ومتوفر عندهم ب5100

https://elbadrgroupeg.store/index.ph...rice&order=ASC

اقتباس:

---

المشاركة الأصلية كتبت بواسطة Black foxer

بالنسبة لاختفاء البطاقات بالفعل ستختفي قريبا بسبب RTX 2060 و اخاه الاصغر GTX 1160TI ان صحت التسريبات

نصيحة ابعد عن شركة PALIT مفيش مصريين شكروا فيها وخصوصاً ان المحلات الي بتدخلها في مصر مرفوع عليها قضايا من شركات كبيرة زي ASUS بسبب انهم بيجيبوا بضاعة مجهولة المصدر بدون ضمان وبيبعوها للناس على انها ضمان محلي

الزوتاك هي الافضل كما ذكر استاذي عبدالحليم وافضل الشركات التي تبيع النسخ الزوتاك بتوكيل محلي هو البدر جروب عن تجربة تعامل معاهم زادت عن العامين ومتوفر عندهم ب5100

https://elbadrgroupeg.store/index.ph...rice&order=ASC

---

شكرا لك أستاذ Black Foxer أنا إن شاء الله خلال إسبوع بالكتير هشترى الكارت هل تعتقد بقريبا مثل شهر مثلا؟ ولا ممكن فى أى يوم ابتداء من الآن ستختفى؟
ايضا مشكلة البدر جروب انه هيكون بعيد عنى جدا.. الأقربلى هو السخاوى, فا شبه قررت إنى اشتريه من Compu Data Center ب 5000 جنيه..
هل عند حضرتك اى خلفية عنهم؟