طلب من مشرفى الشهادات العلمية بشأن دراسة ال CCNP

السلام عليكم ورحمة الله وبركاته
بفضل الله تعالى ثم بفضل مشرفى وأعضاء هذا المنتدى الرائع أتميت كورس الـ CCNA ولكن يبقى لى الأمتحان اللى سمعت أخبار عن أنه هيتغير فمضطر أستنى على الأمتحان شوية وكنت عايز استغل الفترة دى فى دراسة ولو شئ بسيط من الـ CCNP ومش عارف أبدأ أزاى وفين كتبها والفيديوهات الخاصة بها وكنت عايز فيديوهات بالعربى لو أمكن عشان بس اتعرف على الشهادة فى الأول نظرا لأن الفيديوهات الأنجليزى صعبة عليا شوية وطلب أخير عايز أعرف ايه افضل طريقة لمذاكرتها من واقع خبرتكوا وجزاكم الله خير وأصلح حالكم

اقتباس:

---

المشاركة الأصلية كتبت بواسطة ccna_beginner

السلام عليكم ورحمة الله وبركاته
بفضل الله تعالى ثم بفضل مشرفى وأعضاء هذا المنتدى الرائع أتميت كورس الـ CCNA ولكن يبقى لى الأمتحان اللى سمعت أخبار عن أنه هيتغير فمضطر أستنى على الأمتحان شوية وكنت عايز استغل الفترة دى فى دراسة ولو شئ بسيط من الـ CCNP ومش عارف أبدأ أزاى وفين كتبها والفيديوهات الخاصة بها وكنت عايز فيديوهات بالعربى لو أمكن عشان بس اتعرف على الشهادة فى الأول نظرا لأن الفيديوهات الأنجليزى صعبة عليا شوية وطلب أخير عايز أعرف ايه افضل طريقة لمذاكرتها من واقع خبرتكوا وجزاكم الله خير وأصلح حالكم

---

================================================== ==========
السلام عليكم.....
أنا عن نفسى مش مقتنع ان الامتحان بيتغير فى شهر مارس أو ما شابه....
لكن عموماً.....دى حاجة ترجعلك وانت اللى تقدر تحدد تمتحن امتى وتحدد اذا كنت مستعد أو لأ......
أما بخصوص انك تكمل CCNP وتبدأ تبص فى المنهج بتاعها...وانت أصلاً بتخطط للامتحان بتاع CCNA أول ما تتاح الفرصة ليك.....أعتقد ان دا رأى خاطئ لأسباب...منها ان انت لما تيجى تذاكر فى منهج CCNP مش هيبقى بنفس الحماس اللى انت هتبدأ بيه بعد ما تنجح فى CCNA وهتقعد تقول ما لسه لما أمتحن ال NA الأول وأبقى أخلصها وأبقى أرجع للجزئية دى تانى....ودا عن تجربة ناس كتيييير....وكمان ممكن تشتت نفسك أكتر وخصوصاً ان منهج ال NP أوسع وأكبر وأشمل من ال NA وبالتالى ممكن تتلخبط بحاجات تانية....
دا رأيى الشخصى واللى أنا حاسه تجاه الموضوع دا......
وبخصوص ال Materials للكورس ف الفيديوهات العربى قليلة جداً واللى موجودة بتشرح مواضيع متفرقة من ال CCNP ونسبة تغطية الكتب والفيدوهات العربى لمنهج ال CCNP تعتبر 10 % من المنهج الكامل لل CCNP ......
وهنا لازم تعتمد على نفسك وتقوى من ال English بتاعك عشان كل ال Materials اللى هتلاقيها هيا English سواء كتب أو فيديوهات.....
ولو أقدر أساعدك بأى حاجة قولى وأنا مش هتأخر ان شاء الله....
وبالتوفيق ان شاء الله.....

السلام عليكم ورحمة الله وبركاته
شكرا أخى mezomora123 على النصيحة الغالية وعلى ردك الكريم وعلى اهتمامك جزاك الله خيرا