سويتشات تتوصل ب straight –through cable
السلام عليكم ورحمة الله وبركاته
المعلوم أن التوصيل ما بين السويتشات يكون ياستخدام crossover cable
ولكن السويتشات 2960 و 3560 فيها خاصية اكتشاف نوع التوصيل autodetec the connection type .
وبالتالي يمكن توصيلها عن طريق straight –through cable.
هذه المعلومة وجدتها في كتاب sybex صـ 517
رد: سويتشات تتوصل ب straight –through cable
اخى الكريم اى سويتشين يمكن توصيلهم بكابل عادى Straight طالما نوعيتهم حديثة يعنى من انتاج 2000 وطالع وكلهم بهم نفس ا لخاصية autodetec the connection type .
رد: سويتشات تتوصل ب straight –through cable
شكرًا على المعلومة أخي memoragaa
فأنا لسه جديد في عالم الشبكات
وكل اللي كنت اعرفه إن السويتشات بتتوصل cross
رد: سويتشات تتوصل ب straight –through cable
ولا يهمك كلنا بدأنا ما نعرفش حاجة
ربنا يكرمك وتبقى زى استاذنا لومارك ولا مهندسنا محمد سمير ربنا يباركلنا فيهم
رد: سويتشات تتوصل ب straight –through cable
لاياعم السويتشات كروس اوفر
اى جهازين زى بعض كروس اوفر والراجل عنده حق
رد: سويتشات تتوصل ب straight –through cable
اقتباس:
المشاركة الأصلية كتبت بواسطة heshaaaaam
لاياعم السويتشات كروس اوفر
اى جهازين زى بعض كروس اوفر والراجل عنده حق
طيب انت جربت الموضوع عملى ولا زى اللى فى الكتب ما بتقول
رد: سويتشات تتوصل ب straight –through cable
السلام عليكم
شكرا لك اخي ahab على هذه المعلومة الصراحة انا اول مرة اعرفها و منكم نستفيد !Clap
اخ memoragaa هل جربت هذه الطريقة عمليا و اشتغلت معاك؟
رد: سويتشات تتوصل ب straight –through cable
شكرًا على المرور أختي amna_ali
رد: سويتشات تتوصل ب straight –through cable
نعم اختى آمنة جربتها مرارا وتكرارا وابسط شئ فى مصر شوف الناس اللى عاملة الشبكات الخاصة بالإنترنت هتلاقيهم موصلين السويتشات Straight ومن غير ترتيب STD A or B مركبين الألوان جنب بعضيها وفى الناحية التانية نفس النظام وشغال بدون مشاكل وزى الفل ( ده انا شوفت حاجات فى الشبكات دى )
رد: سويتشات تتوصل ب straight –through cable
اقتباس:
المشاركة الأصلية كتبت بواسطة memoragaa
نعم اختى آمنة جربتها مرارا وتكرارا وابسط شئ فى مصر شوف الناس اللى عاملة الشبكات الخاصة بالإنترنت هتلاقيهم موصلين السويتشات Straight ومن غير ترتيب STD A or B مركبين الألوان جنب بعضيها وفى الناحية التانية نفس النظام و شغال بدون مشاكل وزى الفل ( ده انا شوفت حاجات فى الشبكات دى )
LooLLooLLooL
رد: سويتشات تتوصل ب straight –through cable
اقتباس:
المشاركة الأصلية كتبت بواسطة memoragaa
طيب انت جربت الموضوع عملى ولا زى اللى فى الكتب ما بتقول
الاصل انه كروس اوفر وده و بتابع دروس محمد سمير ف شبكات سيسكو ف المقدمة فعلى من يدعى دون ذلك ان يثبت ولو انت جربتها اذن كلامك ثقة ويبقى الاتنين ويبقى كاتب الموضوع كلامه سليم ف كلا الحالتين
رد: سويتشات تتوصل ب straight –through cable
اخى الكريم الكلام سليم فى الحالتين بالنسبة لشرح اخونا ومهندسنا الكبير محمد سمير انا متابعه على فكرة وهوا لازم يقولك اللى موجود فى الكتاب علشان يبقى ماشى على المنهج مظبوط ومحدش يتلخبط ولا يقوله انت جبت الكلام ده منين يا عم وبالنسبة لقصة التجربة ممكن انت تجربها بنفسك شوف اى حد عامل شبكة نت او انت انزل واشترى سويتشين من باب اللوق كل واحد 5 بورت وكابل عادى من نفس المحل من الكابلات الجاهزة ويكون straight طبعا ومش هتكلفك 100 جنيه على بعضهم وشوف وان شاء الله هتلاقى كلامى سليم وبالتوفيق للجميع
رد: سويتشات تتوصل ب straight –through cable
أي بورت فيه خاصية Auto MID/MIDX تقدر تركب عليه كابل Straight أو Crossover سواء بين راوتر وراوتر أو سويش وراوتر
أما بالنسبة لمسألة الألوان فدورت كتير على الفرق بين الطريقة B و الطريقة A لكن مالاقتش فرق
اللى استنتجته ان ممكن يكون موضوع الألوان ده عشان المقياسية بمعنى ان الكل يمشي على طريقة واحدة في ترتيب الألوان
يعني مثلا دلوقتي فني شبكات لاقى سلك طرفه مقطوع فالطبيعي انه هايعمله على الطريقة المتفق عليها في الترتيب
اما الغير طبيعي انه يروح لنهاية السلك عشان يشوفه متركب بترتيب ايه !
رد: سويتشات تتوصل ب straight –through cable
وهيا دى الفكرة الصحيحة لموضوع ترتيب الألوان وهو المقياسية وان يكون كل شئ فى الشبكة قياسى وعلى نظام واحد مهما اختلفت الشبكات واماكنها
رد: سويتشات تتوصل ب straight –through cable
اقتباس:
المشاركة الأصلية كتبت بواسطة memoragaa
وهيا دى الفكرة الصحيحة لموضوع ترتيب الألوان وهو المقياسية وان يكون كل شئ فى الشبكة قياسى وعلى نظام واحد مهما اختلفت الشبكات واماكنها
على فكرة يا جماعة كلام الراجل ده مظبوط قوى وانا جربت الكلام ده عملى وشغال ذى الفل