عايز اخد سرعتي كاملة في النت 512 كيلو بايت في الثانية
انا اخد وصلة نت من تي داتا 512 كيلو و سرعتي في الداونلود بتبقى من 50 الى 55 كيلو بايت
هل في طريقة ارفع بها السرعة دي ؟؟ هل فتح بورت يزود السرعة و ازاي افتح بورت
نوع الراوتر تي داتا مرسوم عليه ولد و بنت
هل الوصلة تنفع في العاب الاونلاين ؟
رد: عايز اخد سرعتي كاملة في النت 512 كيلو بايت في الثانية
حضرتك هي دي السرعه الطبيعيه الي المفروض تاخدها لان السرعه الي انت مشترك فيها دي 512 كيلو بت وليس بيت
والبيت 8 بت
لذلك لازم تقسم السرعه بتاعتك علي 8 تطلعلك سرعه تحميلك الطبيعيه 512\8 =62
اي استفسار تاني انا في الخدمه
رد: عايز اخد سرعتي كاملة في النت 512 كيلو بايت في الثانية
شكرا ليك
طب و البينج المفروض يبقى كام ؟
و العاب الاونلاين ؟
رد: عايز اخد سرعتي كاملة في النت 512 كيلو بايت في الثانية
أخى البينج بتعرفه عن طريق انك تفتح Command prompt و تكتب Ping مسافة اسم اى موقع يستحسن يكون Yahoo و هتلاقى فى كلام ظهر بص فى اخر جملة هتلاقى كلمة Minimum و maximum و average المفروض لو موقع محلى يعنى السيرفر فى البلد اللى انتَ فيها البينج ميزيدش عن 150MS لكن لو موقع دولى يعنى السيرفر فى بلد أخرى ميزيدش عن 250MS
رد: عايز اخد سرعتي كاملة في النت 512 كيلو بايت في الثانية
ماشي
طب انا عندي العاب الاونلاين بطيئة
هل ال 512 غير كافي ؟
رد: عايز اخد سرعتي كاملة في النت 512 كيلو بايت في الثانية
اصدقك اللعبة بطيئة ولا بتعلق علشان لو كانت بتعلق يبقى النت بطئ اما لو بطيئة ده ممكن يكون ان الجهاز بتاعك امكانيته ضعيفة
رد: عايز اخد سرعتي كاملة في النت 512 كيلو بايت في الثانية
اللعبة بتعلق في الاونلاين بس انما في السينجل بلاير شغالة كويس اوي
رد: عايز اخد سرعتي كاملة في النت 512 كيلو بايت في الثانية
كان عندي المشكلة اول ما جبت الخط 512 تي داتا برضو
ان البينج دائما +400 والدون لود 40 ماكس
لكن من اسبوع ظبط التحميل بقا 55 والبينج اصبح 150 والصبح بيكون أقل موقع ياهو افضل قياس للبينج لآن مرة بتعمل بينج ع سيرفر في أمريكا US ومرة في بريطانيا UK وأفضل بينج للعرب في الآلعاب الآون لين بيكون في سيرفرات الـ UK ربنا يصلح الحال وسرعة 512 / 1 ميجا تنقرض من مصر وللعلم كنت أظن ان المشكلة في البعد عن السنترال لآنة بعيد حوالي 5 كيلو وحتي البوكس بعيد حوالي 50 متر وكنت ناوي أغير السلك اجيب سلك السويدي وشوية حورات لكن لكن ظبط الحمد الله
مشكلة الانترنت في مصر
1 : السعر غالي بجانب ان السرعات مش عالية
2 : السنترال ممكن يكون الماكس بتاعة 100 خط والشركة تحمل علية 200 ولما تشتكي يقولك دي Share ADSL والضغط و أوقات الذروة ومنعرفش حاجة أسمها بينج بجانب أن السنترال ممكن تلاقية قريب من مغارة او أوضة نوم مش سنترال
رد: عايز اخد سرعتي كاملة في النت 512 كيلو بايت في الثانية
السلام عليكم
دي أول مشاركه ليه و يارب تكون مفيده
كنت عايز اقول حاجه عن الانترنت في مصر
كلنا عارفيين ان الفرق ما بين ِADSL و Leased Line
ADSL بيعمل sharing مع السرعه الكليه من السنترال بمعني لو انا مشترك في خدمه الانترنت و بسرعه 1 ميجا و فيه كمان 10 مشتركين في نفس السنترال بسرعات مختلفه و ليكن مجموعهم 15 ميجا و السرعه الكليه للسنترال هيه مثلا 12 ميجا فتقسم ال 12 ميجا علينا كلنا بحد أقصي سره التعاقد يعني في وقت غير الزروه بتلاقي السرعه اتظبطط معاك بس ما بتعلاش عن سرعه التعاقد
و لو السنترال بتاعك مثلا في منطقه صناعيه بتبقي المشكله كبيره جدا خصوصا لو الشركه اللي بتشتغل فيها مش بتحتاج سرعات عاليه أو غالي عليها و الشركات اللي حواليك عندها LEASED Line و السنترال اللي انتا تابع ليه هوه هوه اللي هما تابعيين ليه تبقي مشكلتك كبيره لأن ال LEASED Line بيعمل DETECT Bandwets يعني لو السرعه 12 ميجا هوه لازم ياخد ال 12 ميجا بتوعه لازم يوصلوله و لو عنده كذا خط هوه لازم يوصله السرعه كامله و بعدينن الباقي يروح للغلابه اللي هما اشتراكهم ADSL
و تشتكي لشركه ال ISP اللي انته تابع ليها هيقولك المشكله في السنترال و تشتكي للسنترال يقولك هما اللي أجهزتهم قديمه و بايظه و هيه المشكله ان السنترال السعه الكليه بتاعته ضعيفه علي حجم الأشتراكات
شكرا
يارب يكون أفدت السائل بإستفاضه
و لو في أي أسفسار أنا موجود و جاهز
رد: عايز اخد سرعتي كاملة في النت 512 كيلو بايت في الثانية
اقتباس:
المشاركة الأصلية كتبت بواسطة SemsemBanhawy
كنت أظن ان المشكلة في البعد عن السنترال لآنة بعيد حوالي 5 كيلو وحتي البوكس بعيد حوالي 50 متر
وكنت ناوي أغير السلك اجيب سلك السويدي وشوية حورات لكن لكن ظبط الحمد الله
انا كنت عاوز حضرتك اجيب سلك تليفون كويس
لانى بعيد عن السنترال حوالى 5 كيلو برضة
وكمان بعيد عن البوكس بتاعت التليفون حوالى 110 متر
ف كنت عاوز اشترى سلك تليفون كويس بحيث ينقل الاشارة بتاعت الانترنت ويكون كويس يعنى
ممكن اعرف اية احسن نوع لسلك التليفون دا
والاسعار كاااااااام يعنى ؟؟؟؟
رد: عايز اخد سرعتي كاملة في النت 512 كيلو بايت في الثانية
السلام عليكم
الإعتقاد الخاطئ بتاعنا اننا كل ما بعدنا عن البوكس كل لما كان النت بطئ
هيه المشكله مش في البوكس
المشكله بتبقي في السلك اللي خارجلك من البوكس
خامه السلك المزود من السنترال أو الشركه المصريه بيكون عادتا الومنيوم
و السلك ده بيبقي ضعيف في نقل الإشاره كويس
ممكن انتا تغيره بسلك نحاس و ده موجود و متوفر
شكرا
رد: عايز اخد سرعتي كاملة في النت 512 كيلو بايت في الثانية
اقتباس:
المشاركة الأصلية كتبت بواسطة Dice80
السلام عليكم
الإعتقاد الخاطئ بتاعنا اننا كل ما بعدنا عن البوكس كل لما كان النت بطئ
هيه المشكله مش في البوكس
المشكله بتبقي في السلك اللي خارجلك من البوكس
خامه السلك المزود من السنترال أو الشركه المصريه بيكون عادتا الومنيوم
و السلك ده بيبقي ضعيف في نقل الإشاره كويس
ممكن انتا تغيره بسلك نحاس و ده موجود و متوفر
شكرا
شكرا لحضرتك بجد اووووى
بس انا يعنى حابب اعرف ازاى كان لسلك التليفون النحاس دا
ماركة مشهورة او متجربة وتكون كويسة يعنى
وشكرااااااااااااا بجد
رد: عايز اخد سرعتي كاملة في النت 512 كيلو بايت في الثانية