بعض المشاكل في البورده القويه ... MSI 890FXA-GD70

السلام عليكم و رحمه الله و بركاته

عندي مشكله في اللوحه الام
MSI 890FXA-GD70

اولا لسه محدث البايوس امس لاخر اصدار و هو 1.9
و حدثه من علي برنامج
MSI Live update 5

بسبب ان في مشكله في اختيار
M-Flash
بداخل البايوس و بالتالي معرفتش احدث عن طريق الفلاشه ,
فحدثت عن طريق البرنامج الرسمي لـ MSI
بالرغم من معرفتي ان التحديث من الفلاش افضل بكثير

المهم ,,

بعد ما خلصت تحديث , و رجعت البايوس علي Load default
و بدخل علي الويندوز سمعت صوت قوووي جدااااا خارج من الصب وافر

صوت خروشه شديييييييد اووي
فقلت يمكن المشكله من كارت الصوت !!

فشيلت الكارت و ركبته في جهاز تاني ... و الكارت اشتغل زي الفل

قلت يمكن المشكله من الصب :( ... ركبت كابلات الصب علي كارت الصوت المدمج
و لاقيت الصوت طالع نقي جدا و سيلم و زي الفل


فطبعا كده المشكله وضحت جداا انها من البايوس الجديد
لكن مش عارف ايه الحل دلوقتي !!

و طبعا مش هعرف ارجع للبايوس القديم لان امكانيه التحديث من الفلاشه غير متاحه
فنا مضطر احدث عن طريق برنامج Live update 5
و طبعا بيجبلي اخر اصدارات للبايوس و مش بيظهر النسخ القديمه

فنا مش عارف اعمل ايه الحقيقه :confused::confused:
----------

في مشكله تانيه بتظهر في عمل Raid 0 ما بين هاردين SSD
لكن المشكله دي لسه انا مجبتش اخري فيها ,
لسه في شويه حلول ادامي و شغال فيها و ربنا يسهل و تتحل :)

بشكل عام و خاص الاصدار 1.9 و 1.93 بيتا افضل اصدارات استخدمتهم شخصيا فكان بالنسبه لي طفره في رفع تردد الرمات و اداء الهارد ايضا و لم تواجهني مشاكل اطلاقا في M-Flash بالرغم من استخدام الموبيل !! لاني كنت حملته مسبقا في العمل
عموما في اخر المطاف اذا لم تستطيع حل مشاكلك يمكنك الاستعانه بنا كضمان و احنا باذن الله هنقوم بالازم .

السلام عليكم

انا حملت اخر Bios 1.9 عن طريق MSI Live Update و الصراحة ما قبلتنيش اى مشكلة بس انا معنديش كرت صوت بس عندى كرت Wireless فا لو كان البيوس هوة المشكلة فا اعتقد تأثيرة حيكون على ال Slot بخلاف هوة متركب فية كرت صوت او نت.

فا ما اعتقدش انة يكون البيوس انا من رأى تجرب تشيل التعريف و تنزلة ثانى يمكن و الله اعلم يكون السبب.

هوة صوت الخروشة بيطلع قبل ما الجهاز يبوت الويندوز ولا بعد ما بيدخل على الويندوز؟

الصوت من الكارت البلت ان بيكون كويس اوي و شغال تمام

- بالنسبه للتعريف .. فنا فعلا عملت كده و شيلت التعريف خااالص و نزلته من تاني و بردوا صوت الخروشه موجود

- صوت الخروشه بيظهر اول ما كلمه Welcome بتظهر , و امبارح الخروشه قلبت لصفااااره شديييده اووي اووي بتطلع باستمرار
و لما بفصل الصب تماما صوت الصفاره بيروح اكيد

فنا فعلا مش عارف المشكله منين !! :(

جرب البايوس ده او جرب كارت اخر لو تقدر او هات البرده يوم الاثنان و احنا نحلهالك لو مازلت تواجه المشاكل المذكوره

https://www.mediafire.com/?hsm2d7tz7yztop2

@Eltawil Representative

البايوس دا انا مش لاقيه علي الموقع الرسمي لـ MSI

https://www.msi.com/product/mb/890FX...html#?div=BIOS

و البرنامج Live مش لاقي البايوس دا لما بعمله Scan

فدلوقتي ايه الحل ؟

ريح نفسك و ابعتهالنا يوم الاثنان

اقتباس:

---

المشاركة الأصلية كتبت بواسطة Eltawil Representative

ريح نفسك و ابعتهالنا يوم الاثنان

---

ياريت لو امكن يكون في حل دلوقتي قدر المستطاع

لانك عارف قصه الفك و التركيب و الوقت المهدور :(

فلو في حل اقدر اعمله احل به الموضوع ... اكون شاكر اوي يا فندم :)

اقتباس:

---

المشاركة الأصلية كتبت بواسطة Ёŋģ. Ḿ σ ś Ť ά ƒ ά

ياريت لو امكن يكون في حل دلوقتي قدر المستطاع

لانك عارف قصه الفك و التركيب و الوقت المهدور :(

فلو في حل اقدر اعمله احل به الموضوع ... اكون شاكر اوي يا فندم :)

---

السلام عليكم

اعتقد انك ممكن ترحلة بالكيسة كلها من غير ما تفك او حاجة.

:D

يا محمود ... اروح بكيسه NZXT Phantom !!!
انت مش متخيل حجمهااا و وزنها عامل ازاي خصوصا بعد تركيب المكونات :D

هيكون شي صعب جداا

يارب يكون في حل بدون فك و تركيب و القصص دي :(

طيب ممكن تجرب حاجة اخيرة نزل وندوز جديد نتاكد الاول بس ان مفيش مشكلة فى التعريفات علشان يبقي اخر حاجة قبل ما توديها الضمان
نزل وندوز جديد وهات اخر تعريف لكرت الصوت من على النت وصطبه لو فضل الزن والصفارة زي ما هي يبقي توديها الضمان احسن يظبطو البايوس

حصلت معايا مرة من فترة كبيرة بس على بوردة msi بلاتينيوم القديمة عملت اب ديت للبايوس بوظ كرت الصوت ومخلهوش يشتغل 5.1

السلام عليكم

انتا لو ليك فى اللينك ممكن تجربة Live CD و تشوف المشكلة دى لسة موجودة ولا لأ.

بقولك انتا عامل Disable لكرت الصوت ال bulletin ؟

حليت المشكله و الحمـدلله

المشكله كانت في طريقه استخدام M-Flash :(

الحقيقه هي طريقه غريبه بعض الشي في استخدامها لكنها سريعه في تفليش البايوس
الطريقه بتنص انك تحمل البايوس المراد تفليشه و فك الملف المضغوط الي ملفــات

و ليس فك ملف البايوس المضغوط اللي فولدر يحمل اسم البايوس !!

و هي دي كانت المشكله , لاني طول عمري لما بعمل فلاش للبايوس من الدوس فنا بفك ملف البايوس المضغوط اللي بيتحول الي فولدر يحمل اسم البايوس و بحطه علي الفلاشه و بقوم بعمليه التفليش

انما مع MSI 890 FXA ,, لازم تفك الملف المضغوط الي الملفات التي بداخله
و حذف كل ما بداخل الفلاشه من بيانات و ترك ملفات البايوس وحدها في الفلاشه

و من ثم تقوم بعمليه التفليش

طريقه غريبه جدا علي حد علمي , لكن الحمدلله المشكله اتحلت و لله الحمد

و رجعت للبايوس الاصلي للبورده , و خلاص حرمت احدث بايوس علي البورده دي تاني :D

قصه اني اعمل Raid 0 علي هاردين SSD
الحمدلله حليت المشكله دي بردوا

لكن للاسف كل ما اجي انزل نسخه 7 علي المصفوفه الجديده
تطلعلي رساله بتقولي ...

setup was unable to create a new system partition or locate an existing system partition. see the setup log files for more information.

:(
---------

و ايضا اصبحت البورده لا تقرا الهاردات الـ SSD كي يتم تحميل نسخه عليها
لكن الهاردات مقريه علي البايوس بالكامل !!

و لما نزلت نسخه علي هارد بلاك عادي ... لاقيت الهاردات الـ SSD مقريه تمام و بحمل عليهم داتا و زي الفل شغالين

لكن المشكله ان البورده مش بتقراها لو حبيت احمل نسخه علي SSD
في حين انها قرايها علي البايوس تمام جدا بدون اي مشاكل !!!

سبحان الله :)

انا عندى البورده المذكوره بجانب بيناتى وبرضه انا عندى صوت خروشه لما بجى اقفل الجهاز خالص او لما اجى احط فيشه الكهرباء بسمع صوت زى موتور عربيه بيدور او بيطفى .
انا ظننت ان دى تركه يعنى من MSI كنايه عن القوه بس اتضح انها مشكله فى الشيبايه ال890 .
لكن الجهاز شغال معايا زى الفل فمش عارف اعمل ايه اروح للوكيل ولا بلاش ؟

السلام عليكم

مصطفى نزل بيوس 1.8 و جرب ال SSD فى ال Raid و و شوف اية االنظام

^^
كلامك منطقي فقد تم حل مشاكل بالنسبه لل ocz ssd في هذا الاصدار
و لكن يا حبذا لو تم تجربة ال 190 مره اخري او 193

اثناء تصفحي في الفورم الخاصه باللغه الالمانيه تبع msi و جد احدهم يشتكي من فس شوكتك الخاصه بال xfi و تم حلها بغلق ال c1e و ذلك كان علي الموديل 890FXA-GD65
قد تكون المشكله مشابهة

واجهتي مشكلة RAID نفسها وحلها سهل !

تحتاج تعريفات RAID من موقع MSI قم بتحميلهم وفك الضغط عنهم في الفلاشة !

https://download2.msi.com/files/down...AID_764_mb.zip

وعند بدء تركيب ويندوز 7 قم باختيار اضافة تعريفات Load Drivers وقم بتحديد مكان التعريف (الفلاشه) وسيتم التعرف على المصفوفة :D

المشاكل التى واجهتنى كلها تم حلها بحمد الله باستخدام البيوس 1.8
انصح الجميع باستخدامه واللى يستخدمه يقولنا ايه الاخبار

السلام عليكم

انا والله مستخدم 1.9 بس عديت على على 1.5 و 1.6 و 1.7 و 1.8 و ملقتش اى مشاكل فى واحد منهم الصراحة

اعتذر جدا عن التاخير في الرد و ذلك بسبب ضغط العمل الشديد :(
---------

بالنسبه لقضيه الـ Raid فقد تم حلها بالفعل مع رجوعي للبايوس القديم و استخدام التعريفات من MSI
و المصفوفه تظهر بشكل جيد , لكن المشكله تظهر حين محاوله تثبيت نظام علي المصفوفه !!!

هنا تظهر رساله تقول بان المصفوفه لا تدعم نظام الفورمات او التقسيم و من ثم لا تسمح بتثبيت نظام عليها !! :(
--------

بالنسبه لمشكله الصوت فقد تم حلها فعلا مع العوده للبايوس القديم
و سوف احاول تحديث البايوس مره اخري مع استخدام تقنيه M-Flash هذه المره لعل و عسي يكون التحديث موفقا

يــارب :)

لي عوده مره اخري ,,,

اقتباس:

---

المشاركة الأصلية كتبت بواسطة Ёŋģ. Ḿ σ ś Ť ά ƒ ά

و المصفوفه تظهر بشكل جيد , لكن المشكله تظهر حين محاوله تثبيت نظام علي المصفوفه !!!

هنا تظهر رساله تقول بان المصفوفه لا تدعم نظام الفورمات او التقسيم و من ثم لا تسمح بتثبيت نظام عليها !! :(

---

يا أخى الكريم مصطفى

مثلما ذكر Wolf88

اقتباس:

---

المشاركة الأصلية كتبت بواسطة The_Wolf88

وعند بدء تركيب ويندوز 7 قم باختيار اضافة تعريفات Load Drivers وقم بتحديد مكان التعريف (الفلاشه) وسيتم التعرف على المصفوفة :D

---

وعند تثبيت النظام وبعد تحميلك للDrivers من الفلاش..
لا تقم بتكمله التنصيب .. بل أعد تشغيل الجهاز بالكامل Restart لكى يرى برنامج التنصيب ملفات ال Raid Drivers المحملة.
https://www.arabhardware.net/forum/i...ons/icon10.gif