بالنسبة لمهندسين الاتصالات

بسم الله الرحمن الرحيم

السلام عليكم ورحمة الله وبركاته

ازيكم يااخوانى الاحبة

انا اخوكم محمود
خريج هندسة قسم اتصالات دفعة 2010

ارجو قرأة الموضوع واسف على الاطالة ولكن لنسبة الاحباط الشديد عندى ولأنى اريد النصيحة .

وبحاول اشتغل فى تخصص الاتصالات لحبى الشديد جدا فيه بس للاسف قدامى حاجة مش قادر الاقى ليها حل وارجو من الاخوة الاحبة هنا سواء مهندسين شبكات او اتصالات وارجو من الاخوة الكبار ان ينصحونى بحكم خبرتهم فى مجال العمل
انا دوراتى اللى حاصل عليها موجودة فى توقيعى وانا مكنتش واخدها لفراغ بس بسبب حبى الشديد لهذا التخصص وهو مجال الاتصالات الاسلكية والخلوية
بس لما حاولت افكر انى اشتغل فى شركة اتصالات لقيت ان علشان اشتغل فيها عاوزة حاجة من الاتنين اما واسطة كبييييييييييييييييييييرة قووووى او فلوس كتيييييييييييييييير قوى وطبعا انا لا عندى واسطة ولا فلوس وللاسف لقيت ناس اعرفهم بيتصلوا بيا يقولولى نعمل ايه علشان جايلنا شغل فى فودافون وغيرها نعمل ايه وناخد دورات ايه وازاى نمشى فى مجال الاتصالات فطبعا انا استغربت وقولت فعلا كل حاجة ماشية بالعكس والواسطة.
وحتى من حبى فى المجال عملت مشروع تخرجى فى الجيل الرابع من الموبايل ونجح المشروع والحمد لله وصممت مشروع يبعت ويستقبل داتا وعملت مشروعى كمان فى الواى ماكس
بس للاسف بسبب اللى بشوفه وانى مش عارف ازاى اقدر اوصل نفسى للشركات المتخصصة فى الاتصالات فى مصر زى فودافون او موبينيل او اتصالات او هواوى جالى احباااااااط شديد جدا.
انا عارف ان بعض الاخوة هايقولى انت لسه فى اول الطريق ولسه بدرى بس المشكلة انا عارف انى سواء فى اول الطريق او فى اخره مش هاعرف اوصلهم او اشتغل فى الاماكن دى لأنى زى ماقولت لا وسطة ولا فلوس
ومن كتر الاحباط قاعد فى البيت وبتسلى فى الفوتوشوب وال web design علما انى بتعلمهم كهواية لأنى هوايتى البرمجة ومش كشغل .

فابالله عليكم ياخوانى ان تنصحونى هل اكمل فى مجال الاتصالات واقرأ واتعلم اكتر واحاول اروح لشركات الاتصالات دى مرة واتنين ( مع انى فاقد الامل اصلا ) ولا اغير مجال وخلاص مع انى مش جايلى اى نفس اشتغل فى مجال تانى لأنى مش هابقى مستريح فيه خاصة بعد اللى عملته واهتميت بيه فى مجال الاتصالات وخاصة ايضا فى ظغط هنا من اهلى انى اشتغل فى مكان حكومى واخرى فيه سيكون مهندس ادارى وليس هذا طموحى

انا عارف انى طولت قوى فى الموضوع بس والله انا لم اكتبه الا طلبا للنصيحة فقط فكل المواضيع تتكلم عن تخصص الشبكات ولم يتكلم موضوع عن تخصص الاتصالات وازاى اقدر اوصل لشغل فيها بدون واسطة .

هو محدش رد عليا ليه ياجماعة
انا قولت هالاقى الناس كلها بتنصحنى اعمل ايه
على العموم ربنا يسهلها وخلاص

الله المستعان........ انتظر ردى او رد اخواننا الافاضل فى المنتدى لأن الموضوع حيطول

ياأخى ولا تزعل نفسك.......
مفيش حد بيتعب الا وربنا لازم يوفقه........أكيييييد....بس الصبر....
بس أنا مستغرب.....
أنت على الاقل حاصل على RHCE .......
فى شركات بتبقى عايزة متخصصين فى اللينكس.....ومرتباتهم حلوة أوى وكمان بيبقوا عايزين الخبرة.....يعنى مش شرط تبقى Certified Engineer .......وعلى أعتقد وأسمع ان الشهادة دى صعبة لدرجة كبيرة أوى........
عموما......ربنا يوفقك....وتوصل للى انت عايزه......
وربنا يوفقنا جميعاً

اخي الكريم لاتيأس وأعلم ان ما عند الله لا ينال الا بطاعته بس الموضوع محتاج شويه صبر........انت بتقول ان انت خريج 2010 ........... علي العموم تابع اللبنك ده باستمرار ممكن تلاقي فيه حاجات تنفعك

https://dvd4arab.maktoob.com/forumdi...112&order=desc

شكرا لكم على الرد اخوانى وطبعا كل شىء نصيب والحمد لله على كل شىء
بس حبيت اخد راى حضراتكم خاصة ان معظم حضراتكم فى مجال العمل فاكيد هاتنصحونى صح

ايه رأيك يا عم محمود ؟ اللينك عمل شغل صحيح انا ماتكلمتش كتير بس قولتلك علي طريق كويس

اه بارك الله فيك بس انا دخلت فى حاجات زيه كتير
كما انى بعت سى فى بتاعى لمواقع شركات الاتصالات وكده كمحاولة فاشلة لأنى عمرى ماسمعت اصلا ان فى حد قدم على النت وكلموه

احنا قولنا ايه ما تيأسش علي فكره انا خريج اتصالات 2009 وبمر بنفس المشكله او قريبه منها شويه وكنت قدمت من اسبوعين في شركه تركيب ابراج الموبيل من اللينك ده وكنت باعت السي في ع النت وكلموني وعملت مقابله صحيح ما تصلوش علي لكني حاولت واستفدت خيره المقابله ع الاقل