ما هو سعر لاب توب مثل هذا بمصر ؟
السلام عليكم
اريد الإستفسار عن سعر لاب توب DELL بمثل هذه الإمكانات :
core 2 due 2 GHZ -4MB Chache
1 Gb RAM
VGA 265 ATI or GeForce المهم يكون منفصل تماماً عن الرامات
بحجم 15.4 بوصة
مع الإمكانيات الكمالية الباقية من كارت LAN و LAN لاسلكي و USB و Memory Reader ....... الخ
لا تهمني البلوتوث و مساحة الهارد اريدها فقط على الاقل 80 GB
و لو هناك من يعرف سعر هذه الإمكانات على ماركات غير الديل ليتفضل و يخبرني بها
و ارجوا السعر في داخل مصر
و شكراً جزيلاً
رد: ما هو سعر لاب توب مثل هذا بمصر ؟
اهلا بيك يا مان
لاب توب اللى انت طالبه نفس امكانيات بتاعى بالظبط .. كارت الشاشه Ati 256 ميجا..120 جيجا هارد ديسك
بص الاب توب ده نازل منه مصر موديلين
اول واحد زى اللى قلته فوق كارت الشاشه Ati 256 ميجا..120 جيجا هارد ديسك ومعاه نسخه Windows XP Home
سعره حوالى 6200 جنيه
وتانى واحد
كارت الشاشه GeForce 256 ميجا بايت.. هارد 160 جيجا بايت ..معاه ويندوز فيستا سعره حوالى 6600 جنيه
أو
كارت الشاشه GeForce 256 ميجا بايت.. هارد 120 جيجا بايت ..معاه ويندوز XP Home .. ده سعره حوالى 6300 جنيه
وانا شايف انك احسنت الاختيار بصراحه
وعموما الاسعار دى من فتره يمكن من شهر ونص ولاحاجه وان شاء الله هحاول اتأكدلك منهم كلهم..
وربنا يوفقك
رد: ما هو سعر لاب توب مثل هذا بمصر ؟
شكراً يا باشا على الرد
بصراحة الاسعار 10/10 لأن ميزانيتي هي 6500 كحد اقصى
و اعتقد ان هذا الموديل هو الافضل بالنسبه لي :
اقتباس:
كارت الشاشه GeForce 256 ميجا بايت.. هارد 120 جيجا بايت ..معاه ويندوز XP Home .. ده سعره حوالى 6300 جنيه
لاني افضل ال GeForce و لا احب ويندوز فيستا !!
رد: ما هو سعر لاب توب مثل هذا بمصر ؟
سؤال تاني معلش
هل هذه هي اسعار الوكيل ؟؟
ولا اسعار مولات او موزعين منفصلين
و اين مكان هذه الاسعار ؟
و ما هي مده الضمان ؟
رد: ما هو سعر لاب توب مثل هذا بمصر ؟
لا دى مش أسعار التوكيل..
دى اسعار من سوق العصر
ومعلش يومين كده انزل سوق العصر واديكم الاسعار الاكيده والاخيره للموديلات دى ...
رد: ما هو سعر لاب توب مثل هذا بمصر ؟
تقريبا حضرتك بتتكلم على موديل 6400 inspire
لو مودل 1520 قريب فى التمن هيكون احسن
والله اعلم
وبالتوفيق ان شاء الله
رد: ما هو سعر لاب توب مثل هذا بمصر ؟
اقتباس:
المشاركة الأصلية كتبت بواسطة mxz911
لا دى مش أسعار التوكيل..
دى اسعار من سوق العصر
ومعلش يومين كده انزل سوق العصر واديكم الاسعار الاكيده والاخيره للموديلات دى ...
شكراً يا باشا على التوضيح
و هل تقصد سوق العصر الموجود في الخليفة المأمون بجوار مول السخاوي ؟
رد: ما هو سعر لاب توب مثل هذا بمصر ؟
بالظبط ياباشا هو ده اللى قصدى عليه
و دى نمره محل اسمه United Group
24536086
متوفر عنده انواع كويسه للاب توب..
للاسف مش هقدر انزل اليومين دول اشوف الاسعار عشان عندى شغل لازم اخلصه ..:(
رد: ما هو سعر لاب توب مثل هذا بمصر ؟
ان شاء الله نازل سوق العصر يوم الاثنين.. نازل مع واحد صاحبى هيشترى لاب توب ان شاء الله وهبقى اطمنكم على الاخبار
رد: ما هو سعر لاب توب مثل هذا بمصر ؟
اقتباس:
المشاركة الأصلية كتبت بواسطة mxz911
ان شاء الله نازل سوق العصر يوم الاثنين.. نازل مع واحد صاحبى هيشترى لاب توب ان شاء الله وهبقى اطمنكم على الاخبار
شكراً جزيلا يا باشا
و انا في إنتظار ردك إن شاء الله
شكراً مرة اخرى
رد: ما هو سعر لاب توب مثل هذا بمصر ؟
السلام عليكم
الاسعار اللى موجوده فى سوف العصر حاليا معلش اختلفت عن الاسعار اللى قلتها قبل كده كانت غلط ..
الاسعار كالتالى :
core 2 due 2 GHZ -4MB Chache - 1 Gb RAM
كارت شاشه 256 MB - ATI X1400 .. ونسخه وندوز XP HOME مع ضمان 3 سنين ب 6600 جنيه
ونفس الموديل بس اختلاف الكارت والويندوز
كارت شاشه 256 MB - GeForce .. ونسخه وندوز Vista ب 7250 جنيه !!
وللاسف اللى انا عرفته مؤخرا واللى زعلنى جدا بصراحه ان كل الكروت دى اللى بيتقال انها كروت شاشه 256 ميجا بايت dedicated انها فى الحقيقه 128 ميجا shared متاخده الرامات ..و 128 ميجا قوه ا لكارت
سواء فى ال ديل او توشيبا او اى نوع اخر
ولكنها تختلف من موديل لاخر يعنى مثلا كارت ati ياخد من الرامه 128 ميجا .. وال جى فورس مثلا ياخد 100 ميجا بس وهكذا
وتقدر تراجع الموضوع بتاعى ده وهتفهم اصدى لانى بتكلم فيه تحديدا عن الاب توب اللى انت عاوزه يا باشا
https://forum.notebookreview.com/sho....php?p=2447295
رد: ما هو سعر لاب توب مثل هذا بمصر ؟
مشكور يا باشا
و لي سؤال معلش
ماذا لو تم زيادة الرامات ال 2 جيجا
هل هذه سوف تؤثر على اداء الفيجا ؟
على اساس انه سكون له الحرية في المشاركة مع الرامات بدون التأثير على اداء الجهاز بشكل عام !!
و كمان سؤال
هل الكارت الذي يأخد من الرامات مثلاً 128 ميجا
هل يأخدهم 128 بالضبط ؟؟ ام يأخذ اكثر من ذلك ؟؟
و شكراً على تعبك
رد: ما هو سعر لاب توب مثل هذا بمصر ؟
سؤال تاني معلش
إيه نظام ال processor ال AMD
في ناس شكرت فيه جداً و معاهم اجهزة ديل و توشيبا
البرسيسور هذا على حسب مستخدميه لا يسخن ابداً
على عكس الإنتل
فهمت من ردودك على مواضيع كثيرة انك تعمل على الجهاز لفترات طويلة
و ان اداؤه ممتاز جداً معك
انا ضامن كلامك طبعاً ..... و لكن ما هو اداء البروسيسور ؟
و انا آسف على الاسئلة الكثيرة
رد: ما هو سعر لاب توب مثل هذا بمصر ؟
ولا يهمك يا باشا مفيش اى تعب ولا حاجه...
بالنسبه لزياده الرامات ف ده شئ ممتاز جدا وانا كمان بفكر فعليا فيه ... وكمان هيه مش هتفرق معاك كتير الا لو انت محتاج تشغل برامج او العاب محتاجه كارت شاشه 256 على الاقل مثلا وجزء كبير من الرام..
يعنى من الاخر انت لو اشتريت رام 1 جيجا على اللى موجوده اصلا هيبقى ممتاز جدا جدا جدا
بالنسبه للرامات بتاعت الاب توب اسعارها كالتالى :
Ram Kingston 512MB DDR2 / 667 /SODIMM .. ب 180 جنيه مصرى
Ram Kingston 1GB DDR2 / 667 /SODIMM .. ب 290 جنيه مصرى
وتقريبا الكارت بياخد من الرامه 128 ميجا بالظبط على حسب كلام ناس كتير متخصصه
..اما بالنسبه للبروسيسور ال AMD فأنا بصراحه عمرى ما استعملته وللاسف معرفش حد يكون استعمله لانه انتشاره قليل عكس ال intel اللى موجود فى معظم الاجهزه تقريبا
وانا كنت قايل فعلا انى شغال ب intel وبسيبه ب كذا يوم شغال ومفهوش اى مشاكل .. بس على ما اعتقد ال Core 2 duo هو اللى ميسخنش بسرعه لكن حاجه زى ال celeron مثلا .. سمعت انه بيسخن بسرعه جدا وبيهيس ..
لذلك ان شاء الله لو حاجه عاليه زى core 2 duo هتبقى معاك تمام جدا
وهحاول لو عرفت اشوفلك حد شغال ب AMD واشوف نظامه :)
رد: ما هو سعر لاب توب مثل هذا بمصر ؟
السلام عليكم ورحمة الله وبركاته
اخى فى الله انا استفدت كتير من النقاش الجميل ده
انا الان هشترى لابتوب dell inspiron 6400
قلى رايك فيه وهل ينفع ازودله الراممات او الهارد
وقبليها هى شركة ديل ولا توشيبا الافضل
وبخصوص كارت الشاشة هل ده كويس ولا لا 265m shared
وجزاكم الله خيرا