مشكلة بالهاردسك او !

السلام عليكم

هذي مشكلة حصلت لي امس وما لقيت لها حل وياليت القى حلها

كان عندي هاردسك قديم 2 قيقا
حبيت اركبه على جهازي الجديد بانتيوم 4 2400 علشان اشوف بياناتي القديمة
ركبته وشلت الجديد
اشتغل لكن كان بطئ جدا
وطلعلي بالشاشة السودة اضغط del سو setup
ويت مثل ما قالي ورحت اعدادات البيوس
ما عرفت شسوي وقتها لكني سويت لاعدادات على ديفولت
بعدها الجهاز قام يطلعلي شاشة سودة واقفة لمدة طويلة
ثم بعدها طفيته وشغلته
لكن تفاجاة ان الشاشة والكيبورد ما قامو يشتغلون
رديت الهاردسك الجديد مكانه
لكن المشكلةظلت كما هي
يشتغل الكمبيوتر لكن الشاشة ما تشتغل
ركبت الهاردسك على جهاز ثاني اشتغل عادي
ونفس الشي كرت الشاشة
وفصلت الهاردسك عن الجهاز وشغلت الجهاز يشتغل ( علشان اعرف يمكن من الهاردسك )
المهم ان المشكلة ما عرف لها حل
غيرت اعدادات جمبر الهاردسك نفس الشي
زين
هل المشكلة بالمعالج ولا من شي ثاني
ياليت القى الاجابة السريعة
وشكرا

ممكن نوضح اكثر إذا كان الجهاز يصدر صفارة أو لا وهل هي طويلة ام قصيرة أم متقطعة ثم حاول تجربة الشاشة على جهاز آخر ويجب توضيح ما إذا كان كارت الشاشة بيلت إن أو في اللوحة ام فري لكي تنمكن من المساعدة

شكرا اخوي العزيز
ما في اي صفارة تطلع من الجهاز
وجربت الشاشة على جهاز اخر بدون مشاكل تشتغل
كرت الشاشة ريديون وركبته على جهاز اخر يشتغل عا العال
اما اللوحة ام فري او لا صراحة ماني فاهمك شتقصد
اللوحة انتل

ومشكور :)

واضح من ردك انك جربت اكثر من طريقة وبالتالي يمكن تحديد العيب في المذربورد

شكور اخوي
وانا توقعدت جذي بعد
بس شنو ممكن يكون الحل برايك

الحل اخي انك تشتري ماذربورد جديدة :)

:) ما طلبت شي :)
بس شنو السبب اللي خلى المذربورد تخرب
انا ما تدخلت فيها
والشي الوحيد اللي سويته اني غيرت اعدادات البيوس الى ديفولت

بعدين ليش الجهاز مو راضي يقرى من الهاردسك القديم
وكنت اسمع للهاردسك صوت ( طقطقات ) ظهرت فجاة
جربته على جهاز اخر نفس المشكلة
سؤالي من باب المعرفة
ومشكورين :)

الواضح أخي العزيز أنك تسببت في وجود مشكلة خاصة بالبور أو الطاقة أثرت على كفاءة المذر بورد لديك وبالتالي يفضل أن تتاكد من كفاءة عمل البور سبلاي لديك فربما تتكرر لديك هذه المشكلة مرة اخرى

مشكور اخوي العزيز
البورسبلاي سليم
ركبته على جهاز غيره واشتغل بدون مشاكل
لكن
شلون اعرف ان العطل صار بالمذربورد
المعالج يشتغل
لكن كرت الشاشة ما يشتغل على المذربورد

بسم الله الرحمن الرحيم

يمكن صارت لخبطة بإعدادات البيوس :) جرب عمل ريست للبيوس من الجمبر الخاص باللوحة الام.

اقتباس:

---

المدون الأصلي لها الوليد
بسم الله الرحمن الرحيم

يمكن صارت لخبطة بإعدادات البيوس :) جرب عمل ريست للبيوس من الجمبر الخاص باللوحة الام.

---

عندما كنت منهمكاً في تجريب كسر سرعة المعالج لدي ليوم كامل :o أرى ان اعدادات البيوس تؤثر في التشغيل و تمنع الجهاز من الاشتغال !!!! مثلاً اذا كنت لخبطت الاعدادت و قمت بالتشغيل و لم يعجبني الوضع أقوم باعادة التشغيل و ادخل على البيوس لارجع الى القيم الاصلية و حفظ البيانات و الخروج , فاذا بالجهاز لا يعمل على الرغم ان الاعدادات صحيحة :confused: لكن بعد restart يعمل بشكل صحيح .
انا لا أروي قصص ;) لكن هذا لتعرف الخلاصة في الموضوع كله
بالنسبة لا اشك ان اللوحة بها شيء و اعتقد انها سليمة تماماً . اعمل ريسيت و ان شاء الله ما يكون خسرت شي :)

اذا كان الاقلاع بطيء جداً فهذذا يعني ان اعدادات الجمبر الى القرص الصلب غير صحيحة :cool:

شكله كمبيوترك انصدم بالهارديسك 2 جيجا ;) لووول

ههههههههه
حلوة منك عربي جامد ( شكله كمبيوترك انصدم بالهارديسك 2 جيجا ) :)
والله الظاهر هههههه
من 80 جيجا الى 2 جيجا
الظاهر انه حلف انه ما يشتغل لين يادبني مرة ثانية وما اعيدها خخخخ :)
عالعموم مشكورين جدا
وياريت ردودكم جت بكير شوي
لاني كسرت سنين منو اسنان المعالج :) ههههه
هذي ثاني مرة اكسر اسنان معالج بانتيوم 4 2400 512 :)
مشكين جدا والله
فوائد ومعلومات جمه ومفيدة

كسرت اسنان المعالج ؟؟؟؟؟
انت أصلاً ليش رايح للمعالج ؟ :confused: يا حبكم للتكسير ;)

لوووووول
ملقوف شسوي