ماهي افضل شهادة ممكن اخذها
السلام عليكم ورحمة الله وبركاته ..
اللهم صلي على محمد وآله الطيبين الطاهرين ..
أخواني انا محتاج مساعدتكم لوجه الله ..
أول شي أحب اعرفكم بنفسي :
الأسم : أحمد .
الشهرة : أحمدي .
العمر : 17 سنة .
الهوايات : العزف على أورغ ، ركوب الخيل ، ألعاب الفنون القتالية خصوصاُ (التايكواندوا) ، الحاسوب .
أخواني انا أعشق الحاسوب لدرجة كبيرة .. طبعاً كان كل عملي على الحاسوب هو مشاهدة وتنزيل الأفلام ، الألعاب ، الشات ، تنزيل صور .. بالأحرى أستخدم الكمبيوتر للترفيه عن النفس ..
من يوم لقيت المنتدى مالكم .. بالصدفة دخلت عليه ،، وانا اطالع في قسم الشهادات وفي الأقسام العامة .. لقيت نفسي أني مااعرف ولا شي عن الحاسوب .. ولقيت نفسي اني اضيع كل وقتي أذا اجلس على الحاسوب هباء وهدر مع العلم أني استخدم لحاسوب في اليوم أكثر من 6 ساعات .. فكرت بيني وبين نفسي .. وقلت هذا الوقت بستخدمه في الدراسة دراسة علوم حاسوب بحاول آخذ لي أكثر عدد من الشهادات ومن الخبرات ..
من الشهادات اللي شفتها تقريباً 21 شهادة وهي :
شهادات ميكروسوفت
1- شهادة MCP : المحترف المعتمد من ميكروسوفت .
2- شهادة : MSCE مهندس النظم المعتمدة من ميكروسفت .
3- شهادة MSAD : مطور التطبيقات المعتمد من ميكروسوفت .
4- شهادة MSCD : مطور الحلول المعتمد من ميكروسوفت .
5- شهادة MSCA : مدير النظم المعتمد من ميكروسوفت .
6- شهادة MSDBA : مدير قاعدة البيانات المعتمد من ميكروسوفت .
7- شهادة MOS : متخصص البرامج الكتابية .
شهادات سيسكو
1- شهادة CCNA : متخصص الشبكات المبتدي المعتمد من سيسكو .
2- شهادة CCNP : متخصص الشبكات المحترف المعتمد من سيسكو .
شهادات قيادة الحاسب الآلي
1- شهادة : ICDL الرخصة الدولية لقيادة الحاسب الآلي .
2- شهادة IC3 : الشهادة الدولية للحاسب و الإنترنت .
3- شهادة CCD : قائد الحاسب الآلي المحترف .
شهادات CopmTIA
1- شهادة +A : فني كمبيوتر .
2- شهادة +Network : فني شبكات مبتدئ "مساعد مدير شبكات" .
3- شهادة +Security : محترف أمنِ وحماية الشبكات .
4- شهادة +Server : تقني شبكات وفني سيرفرات .
5- شهادة +i-Net : مطور مواقع انترنت .
6- شهادة +CDIA :
7- شهادة +CTT : مدرس, مدرب .
8- شهادة +Linux : فني في نظام التشغيل لينكس .
9- شهادة +Project : مدير مشروع .
طبعاً الحين تتساؤلون .. شلون نساعدك يالطيب ؟؟؟
أنا اقول لكم شلون تساعدوني ..
أنا ابيكم تقولون لي شنهو الشهادات اللي راح تنفعني وتفيدني .. وتتكلمون لي شوي عن هالشهادات .. وأي شهادة أقدر أدرسها من النت .. واي شهادة لازم اروح معهد او مركز او جامعة ؟ و وين المراكز اللي تدرس مثل هالشهادات في البحرين ؟؟
أذا في شهادة أقدر ادرسها من النت ياريت كل المعلومات عنها وعن طريقة تقديم الأمتحان وطريقة أستلام الشهادة ..
اللي عنده خبرة أتمنى انه يرسل لي أيميله على الخاص
وشكراً ،،
أخوكم أحمدي 16
رد: ماهي افضل شهادة ممكن اخذها
السلام عليكم عنوانك مخالف اخي العزيز وتم تعديل العنوان وارجوا منك الانتباة في كتابة العنوان لانة ممكن الموضوع يغلق او يحذف لانة مبهم وغير واضح وهذا مخالف لقانون المنتدي
رد: ماهي افضل شهادة ممكن اخذها
أخي الكريم
ما شاء الله تبارك الله بعدك صغير .. و هذي ميزة كبيرة .
أحب أقول لك إن مجال الحاسب يحتاج إلى عقلية منطقية و تحليلية .
يعني هل أخذت مادة في البرمجة في الدراسة ؟ .. كيف كان مستواك فيها ؟ و أقصد المستوى الحقيقي الذي تعرفه أنت عن نفسك .
أنصح في البداية أن تقرأ في جميع المواضيع الموجودة في أقسام الشهادات العلمية .. و عندك أيضا مجلة عرب هاردوير قسم الشهادات العلمية على الرابط التالي www.arabhardware.net ( من دون /forum ) . و اقرأ أيضا من قوقل . ثم بعدها تعرف على قدراتك و ميولك ثم اسال الإخوة هنا من جديد .
وفقك الله