ميموري كارد الجوال علقت باللابتوب

أولا وقبل كل شي,,,السلام عليكم ورحمة الله وبركاته مسيتم بالخير جميعاً

يا اخوان انا عندي ميموري كارد حقت الجوال(بطاقة الذاكرة) دخلتها في جهازي وماقدرت اطلعها

طبعا ادري انها ليست مشكلة فنية في الجهاز ومافيه احد راح يقدر يحلها

انا جهازي لاب توب وفيه فتحة إضافية خاصة بقراءة بطاقات ذاكرة الجوال لكن الإشكال يطرح تساؤل هنا


السؤال::ياشباب هل هناك محلات متخصصة في فتح الجهاز المحمول وقادرة على استخراج بطاقة الذاكرة حقتي؟؟

وهل اذا فتحت الجهاز المحمول راح يأثر على برمجية الكمبيوتر او احداث خلل ما؟؟

اذا فيه احد عنده خبره في هذا الأمر او سبق وان جرب لايبخل علينا يقول لنا

أرجو الرد بأسرع وقت وأخوكم(خالد)يمر في أزمة وشاكر لكم حسن تعاونكم محبكم..(خالد)

تحياتي وأشواقي القلبية,,,

اخوي انا انصحك تفكه عند الوكالة .
اولاً عند الوكالة خبراء يفكونه لك صح .
ثانياً اذا كان فيه ضمان ما يروح عليك .

عزووووووووووووز فديت هالطلة والله وتسلم على المرور والتفاعل


لكن ياغالي انا جهازي نوعه توشيبا مع العلم انني ساكن في الرياض(من اهل الرياض)

انا الي اعرفه ان فيه وكالة لتوشيبا في الرياض اسمها العليان

لكني ماعرف وين موقعها بالظبط

وهل انك تعرف احد فكو اجهزتهم توشيبا عند وكالات لها؟؟ واذا كنت تعرف مكان وكالة توشيبا بالرياض ياليت توصف لي

ولو تعرف ياليت ترد علي ولاعليك امر يالغلآ

تحياتي لك,,,اخووك (خالد)

فك الجهاز لا يؤثر على برمجة نظام التشغيل لانه مثبت بالقرص الصلب

ولو اخرجت القرص الصلب نفسه من الجهاز فلا يتاثر النظام الا اذا حدث تلف للفرص بسبب ضربه او انقطاع الكهرباء عنه اثناء عمله

فك المحمول وهو على الضمان يلغي الضمان من الوكالة لانهم يعرفون انك قمت بفك المحمول

وفك المحمول يحتاج لخبرة اكثر من الشخص العادي الذي يفك الجهاز المكتبي لانه ربما يكسر شي في اجزاء المحمول او يقطع الاسلااك

المشكلة متعلقة باللابتوب لذلك ينقل لقسم الاجهزة المحمولة

طيب يا اخوان تنصحوني اخذ المحمول حقي واوديه للوكالة

مع العلم ان المحمول من نوع توشيبا

انا مدري وكالة توشيبا في الرياض هي نفسها العليان<<لست متأكد

وش رايكم اوديه للوكالة او اوديه لمحل عادي؟؟والله محتاج اهل الخبرة في الاجهزة

وهل انهم اذا فكو المحمول يقدرون يطلعون الميموري كارد؟؟

أريد الإجابة بأسرع وقت ممكن ولكم خالص الشكر والدعااء لكم

مشكورين وتحياتـي,,,

خـالــد

المحل يستطيع ان يفك المحمول بسهولة ويخرج البطافة العالقة

لكن المشكلة الوكيل لو عرف ان احد غيرهم قام بفك الجهاز فانه يلغي الضمان

اخي الكريم انا حدثت لي مشكله نفس مشكلتك

ادخلت ميموري الجوال وكان من الحجم الصغير(ميموري n70 ) والمفروض اني اركب عليه قطعه حتى يصبح شكله مثل الميموري الكبير ( ميموري الباندا )

بكل بساطه جبت زراديه الي يجي راسها نحيل وسحبت الميموري

انصحك انك تحاول تسحب الذاكره يا اما بمقص ( حتى لو اتلفت الذاكره ) او بزراديه او بأي قطعه تحس انك تقدر تطلع الميموري بها

قاز نفس الموقف حصل معي واظنه ما حصل مع الاخ هنا لكن انا لاحظت من الاول انها صغيرة فلم ادخلها كلها
فكما قال الاخ قاز ركب الاكستند في الفتحة ستعلق بالميموري ثم اخرجها
وخللي بالك لا تمسك الاكستند من المنتصف لانك قد تضغط علي الجزء الذي يفصلها عن الميموري ذاتها.

هههه كنك تشوفني صارت لي قبل كم اسبوع والحل كان بسكروب صغير ( العلبة اللي يجي فيها سكاريب صغيرة :) ) وضغطت على الذاكرة من الداخل الى ما سمعت صوت خفيف (تشك ) بعدها خليت مدخل الذاكرة والجزء السفلي موجه للأرض واحاول اسحب الذاكرة من الاطراف والحمد لله بالاخير طلعت ، العملية سهله لكن انتبه لا تسبب خدوش على جسم اللاب توب او احد الاجزاء الداخلية ..

وبالنسبة لموقع وكالة العليان - الصيانة ، فهو بالملز على شارع الاحساء شبه مقابل لمصنع الببسي ..