محتاج مشورتكم في شراء لاب توب جديد .. ياريت الكل يساعد
السلام عليكم ورحمه الله وبركاته
نويت والنيه لله اشتري لاب توب بس للأسف محتار بين كذا واحد
بدايه الميزانيه المتاحه ( 3500 جنيه مــصــري )
محتار اولا في البراند
ديل او توشيبا او اتش بي او لينوفو
( سمعت ان التوشيبا قطع غياره بتبوظ بسرعه وفي مصر تعبان اوي )
( سمعت ان الاتش بي بيسخن نااااار ومبيستحملش درجه حراره البلد في الصيف )
( سمعت ان اللينوفو ضعيف وماركه مش معروفه اوي )
( سمعت ان الديل بيسخن برضه وبيهنج كتير بسبب سخونه البروسيسور )
ومحتار في البروسيسور
كور تو ديو ولا اي ثري ( سمعت ان كور دي ديو اقوي )
بالنسبه للأمكانيات اللي انا عايزها
أولا عايز جهاز ميكنش بيسخن كتير ( لحسن انا متعقد من موضوع السخونه ده من الكومبيوتر الديسك )
أنا عارف ان مفيش لاب مبيسخنش بس علي الاقل ميكنش بيولع ( زي الاتش بي )
ثانيا : انا مش غاوي العاب اوي بس ده مينمعش ان ممكن في مره العب عليه ميدل اوف هونر او برو اوفليوشن مثلا علي الميديم كواليتي
ثالثا بشتغل علي برامج عديده تقيله زي الفوتوشوب عايز حاجه تستحمل شغل البرامج دي
رابعا واخيرا انا ناوي استخدمه بديل للكومبيوتر العادي يعني يكون بيستحمل اني اتصفح انترنت عليه وقت طويل متواصل ممكن يبقي 8 ساعات
دي الامكانيات اللي انا عايزها
اسف للأطاله يا جماعه واتمني الاقي اللي انا عايزه عندك
ملحوظه : اهم شئ عندي يكون بيستحمل يعني حماار شغل
منتظر ارائكم
رد: محتاج مشورتكم في شراء لاب توب جديد .. ياريت الكل يساعد
فينكم يا جماعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رد: محتاج مشورتكم في شراء لاب توب جديد .. ياريت الكل يساعد
https://www.sendmepc.com/dell/169-fu...imo-v6535.html
عليك وعلي السيمنز صناعة الماني كارت geforce يعني تشغل العاب براحتك + جهاز للعمل الشاق وب 3000 الاب الوحيد الالماني في مصر وكل اللي جربة بيشكر فية ... تقبل مروري
رد: محتاج مشورتكم في شراء لاب توب جديد .. ياريت الكل يساعد
اقتباس:
المشاركة الأصلية كتبت بواسطة مشوار طويل
مشكووور مرورك ياباشااا
انت بالفعل غيرلتلي وجههتي بدأت فعلا ابحث عن السيمين بس سؤالي
هل انت متأكد انه صناعه وتجميع الماني ؟؟؟؟
وسمعت ان السيمينس بيسخن ياتري ده صحيح ؟؟؟
مستنيك ياباشاا
رد: محتاج مشورتكم في شراء لاب توب جديد .. ياريت الكل يساعد
اقتباس:
المشاركة الأصلية كتبت بواسطة Dr_Anatomy
مشكووور مرورك ياباشااا
انت بالفعل غيرلتلي وجههتي بدأت فعلا ابحث عن السيمين بس سؤالي
هل انت متأكد انه صناعه وتجميع الماني ؟؟؟؟
وسمعت ان السيمينس بيسخن ياتري ده صحيح ؟؟؟
مستنيك ياباشاا
مادام مكتوب علية صناعة الماني ومحطوط علية علم المنيا يبقي متقلقش الماني مية في المية
وبالنسبة لموضوع السخونة اي لاب توب بيسخن .. توفر لية تهوية كويسة وتجيب حاجة اسمها مبرد لاب توب بتتركب تحت في ضهر الاب بتخلي الاب زي التلاجة يعني متقلقش .. اخيرا مع نظرية السعر مقابل الاداء يبقي افضل حاجة ليك السيمنز وحاطط ليك رابط علية مواصفات الاب وسعرة ..
اخيرا راجع مراجعة الاخ cutemanhema مراجعة ممتازة
https://www.arabhardware.net/forum
/showthread.php?t=208100
واي استفسار تحت امرك :D :D
https://www.arabhardware.net/forum/i...er_offline.gif
رد: محتاج مشورتكم في شراء لاب توب جديد .. ياريت الكل يساعد
لا انصح بال جهاز ال fujitsu المذكور :)
عندك ال جهاز ده من ASUS ممتاز جدا , و شركة asus عندها أقل نسبة اعطال مابين جميع الشركات المصنعه
ASUS
K52J / A52J
core i3 370m / 3GB /500GB/ATi HD5145 /15.6 inch
سعره 3300 جنيه مصري
رد: محتاج مشورتكم في شراء لاب توب جديد .. ياريت الكل يساعد
هو الجهاز الاسوس ده القيه عند مين ؟
ومين مكان كويس للشراء
رد: محتاج مشورتكم في شراء لاب توب جديد .. ياريت الكل يساعد
اقتباس:
المشاركة الأصلية كتبت بواسطة مشوار طويل
مادام مكتوب علية صناعة الماني ومحطوط علية علم المنيا يبقي متقلقش الماني مية في المية
وبالنسبة لموضوع السخونة اي لاب توب بيسخن .. توفر لية تهوية كويسة وتجيب حاجة اسمها مبرد لاب توب بتتركب تحت في ضهر الاب بتخلي الاب زي التلاجة يعني متقلقش .. اخيرا مع نظرية السعر مقابل الاداء يبقي افضل حاجة ليك السيمنز وحاطط ليك رابط علية مواصفات الاب وسعرة ..
اخيرا راجع مراجعة الاخ cutemanhema مراجعة ممتازة
https://www.arabhardware.net/forum
/showthread.php?t=208100
واي استفسار تحت امرك :D :D
https://www.arabhardware.net/forum/i...er_offline.gif
اصلي سمعت ياباشااا ان الكيبورد نفسها بتسخن .. وبعدين حكايه المبرد دي هتبقي عائق
ياتري هو في عيوب تانيه غير السخونه ؟؟؟؟؟؟؟
رد: محتاج مشورتكم في شراء لاب توب جديد .. ياريت الكل يساعد
اقتباس:
المشاركة الأصلية كتبت بواسطة Mezoxin
لا انصح بال جهاز ال fujitsu المذكور :)
عندك ال جهاز ده من ASUS ممتاز جدا , و شركة asus عندها أقل نسبة اعطال مابين جميع الشركات المصنعه
ASUS
K52J / A52J
core i3 370m / 3GB /500GB/ATi HD5145 /15.6 inch
سعره 3300 جنيه مصري
ياتري ليه بلاش سيمينز ؟؟؟؟؟؟؟؟ هل في عيوب معينه ؟؟؟؟؟؟
بالنسبه للاسوس بصراحه قالولي انه جهاز مش اووي وبيجيب فلاته وشاشته عريضه اوي وحشه
وقالولي افضل شئ توشيبا وديل بالنسبه للسعر ( قالو كمان ديل بس عشان التوشيبا السعر ده يجبلي فيه حاجه وحشه 3500 جنيه )
ياتري ايه رايك ؟؟
رد: محتاج مشورتكم في شراء لاب توب جديد .. ياريت الكل يساعد
بلاش السيمنز , اولا ميستحقش 3000 , ثانيا يفضل تجنب أي جهاز بشريحه من نفديا من فئة 8xxx لأن ال 8400 و ال 8600 اثبت ان كان بهم عيوب صناعه تؤدي اللي تعطلهم و يقال ان جميع الفئة بها نفس المشكلة , فلا داعي للمخاطره
كل الكلام اللي سمعته غير صحييح , مفيش حد اشتكي من ال asus تماما و اجهزته معروفه بجودتها , و كل الاجهزه الحديثه شاشتها عرض واحد , و انزل المول السخاوي و سوق العصر متوافر بالسعر ده
رد: محتاج مشورتكم في شراء لاب توب جديد .. ياريت الكل يساعد
اقتباس:
المشاركة الأصلية كتبت بواسطة Mezoxin
بلاش السيمنز , اولا ميستحقش 3000 , ثانيا يفضل تجنب أي جهاز بشريحه من نفديا من فئة 8xxx لأن ال 8400 و ال 8600 اثبت ان كان بهم عيوب صناعه تؤدي اللي تعطلهم و يقال ان جميع الفئة بها نفس المشكلة , فلا داعي للمخاطره
كل الكلام اللي سمعته غير صحييح , مفيش حد اشتكي من ال asus تماما و اجهزته معروفه بجودتها , و كل الاجهزه الحديثه شاشتها عرض واحد , و انزل المول السخاوي و سوق العصر متوافر بالسعر ده
طب سؤال اخر
ايه اللي يميز الاسوس عن الديل والتوشيبا ؟؟؟؟
وهل صحيح ان التوشيبا التاتش بتاعه بيبوظ بسرعه وكمان سعر ال 3500 ميجبوش توشيبا محترم؟؟؟؟
شكراا ليك ياباشااا
رد: محتاج مشورتكم في شراء لاب توب جديد .. ياريت الكل يساعد
التوشيبا و ال asus لا يتميز أحدهما عن الاخر , و 3500 مايجيبوش جهاز توشيبا مناسب لاستخدامك
رد: محتاج مشورتكم في شراء لاب توب جديد .. ياريت الكل يساعد
اقتباس:
المشاركة الأصلية كتبت بواسطة Mezoxin
التوشيبا و ال asus لا يتميز أحدهما عن الاخر , و 3500 مايجيبوش جهاز توشيبا مناسب لاستخدامك
طب والديل ياباشااا انا اعرف انه ماركه مشهوره ؟؟؟؟؟؟
رد: محتاج مشورتكم في شراء لاب توب جديد .. ياريت الكل يساعد
لو عندك استعداد تدفع 350 جنيه زيادة.......هات Dell Latitude E5500
الجهاز دا فيه كل اللى بتحلم بيه
انا من 2007 لحد النهاردة استخدمت اربع اجهزة
Dell dual core 5400
HP COMPAQ NX6310
Toshiba
Fujitsu Siemens
أو الفوجيتسو حتى لو كان تقفيله ألمانى فأكيد يعنى بالعقل كدا البروسيسور مش مصنوع فى ألمانيا :o.....كبيره قوى هتلاقى الماذر بورد فى ألمانيا......وعشان تكون فاهم الموضوع موضوع تقفيل بس.....مبقاش فى أى دولة أوروبية ولا أمريكا ولا حتى اليابان بتصنع بروسيسورات....والله أعلم
أسرع جهاز قابلنى فى الآداء كان الاتش بى.....حقيقى كان صاروخ بكل المقاييس....لكن حظى كان سيىء واتحرق بعد تلات سنين شغل
نصحونى أجيب ديل....وقالولى الديل الهارد وير بتاعه أقوى....رحت ياعم جبت ديل كور2 ديو 1545 بروسيسور 2.2
الاتش بى البروسيسور بتاعه كان 1.6 كور تو ديو....كان بداية ظهور الكور تو ديو أصلا
أنا عاوز أقولك ان الاتش بى كان أسرع منه بمراحل !!!
عشان كدا بانصحك تجيب البيزنس ديل لاتيتود اللى قولتلك عليه....فوق
جهاز يجمع بين السرعة و متانة الهاردوير وتقفيل بولندى....(لأن كل الديل فيما عدا اللاتيتود تقفيل صينى)
رد: محتاج مشورتكم في شراء لاب توب جديد .. ياريت الكل يساعد
مول السخاوى و سوق العصر دول فين
يعنى ممكن العنوان