الأجهزة والمعدات التى يجب توافرها مع فنى الصيانه
النهارده هنتكلم سوا عن الأجهزه والمعدات اللازمه اللى لازم كل واحد شغال فى الصيانه تكون معاه ( واعذرونى على اللهجه المصريه العاميه )
بص يا باشا انت دلوقتى مهندس صيانه كمبيوتر واللقب ده له هيبه كبيره عند الناس باعتبار ان صيانة الكمبيوتر ده هى أرقى أنواع الصيانه نظرا لصعوبتها
يبقى يا باشا ما ينفعش تروح عند حد ومعاك العده فى شنطه بلاستيك ( حصلت والله ) يبقى يلزملك كده شنطه جدل محترمه وتكون مليانه جيوب وفتحات وسةست والذى منه علشان ترص حاجتك فيها براحتك
يعنى حاجه زى كده يا صاحبى
https://ecx.images-amazon.com/images...DL._AA280_.jpg
بلاش وحياتك شنطة الجامعه
https://www.myop.com.au/img/productI...owes/75914.jpg
طبعا فى حاجات مش هينفع نحطها فى الشنطه علشان كده لازم تبقى موجوده فى ورشتك
أولا : الهوت إير
وده جهاز مهم جدا بيطلع هوا سخن يفك المكثفات والأيسيهات والذى منه
https://www.sparkfun.com/tutorial/SM...r-Rework-1.jpg
ثانيا : الكاويه :
وتستخدم لعمل اللحامات اللازمه وأيضا تكون هناك كاويه مع الهوت اير وتراعى أن تكون فى حدود 40 وات ويفضل اللكاويه التى بها شمعه عن الكاويه التى بها هيتر
https://www.at-sit.com/pages/3ddwadw...ering-iron.gif
ثالثا : القصدير
ويفضل النوع السنغافورى الرفيع والربع كيلو بحوالى 30 ج مصرى
ملحوظه : أدوات الصيانه تباع فى باب اللوق فى مصر
https://www.geocities.com/handasa_tanta/solder.gif
رابعا : الفلاكس :
وهى ماده مهمه جدا تساعد على انصهار القصدير
https://www.siliconsolar.com/shop/so...ges/Flux_T.jpg
خامسا : اسفنجه مبللكه لتنظيف الكاويه
سادسا : تيستر البورده
https://shopv2.elstonsystems.com/images/pcpost3_2a.jpg
وهو يعتمد على استخدام الأكواد لتحديد أعطال البورده وهو صعب ويحتاج الى تدريب
سابعا : سماعة كيسه : أيضا تستخدم لتحديد أعطال البورده
ثامنا : تيستر الشبكات
ويستخدم لكشف اعطال سلك النتوورك
https://image.dhgate.com/upload/2007...7944406546.jpg
وما تنساش كمان يكون هندك كرتونه ولا اتنين سلك نتوورك علشان اللى عايز يوصل نت لو انت صاحب سايبر زى العبد لله ، السلك النضيف زى الريبوتيك وحاجه اسمها full بس لو لقيت ابقى قابلنى !!!!
تاسعا : شويه أرجيهات على شوية iconncect لزوم شغل الشبكه
عاشرا : مفكات صليبه أحجام مختلفه
مفكات عاده احجام مختلفه
مفكات سداسيه لفك بورد الهاردات
11 - شريط لحام ومواد لاصقه مثل ( أمير الفا )
12- مسدس شمع
https://smawat.jeeran.com/DSC05835.JPG
13 - مقص وسلاح cutter
14- قشارة سلك
15- ملتيميتر انالوج وديجيتال
16- آراجه أو crimp tool
أعذرونى لعدم ترتيب المعدات فأنا اكتب الموضوع على عجاله
17- مجموعه من الجفتات أو الملاقط المختلفه
18- تنر مخفف أو بنزين لتظيف أماكن فك القصدير
19 - الأكاى الأزرق لتنظيف الأتربه مع وجود البلاور والأكاى الاحمر لتزييت الفانات
20- علبة القطن المستخدم لتنظيف الأذن لتنظيف عدسة السى دى روم ومحظور استخدام اى مواد كيميائيه لتظيف العدسه
21 - فرشاه كبيره وأخرى صغيره من الفرش المستخدمه فى الطلاء مع استخدان فرشاة اسنان قديمه لاستخدامها فى التظيف بالتنر
22 - تيستر للبور سبلاى
https://www.youngyear.com/store/images/YE-PST-III...jpg
23 - الهوت جن hot gun وهو جهاز لفك الشيب الرئيسى والفرعى وسوكت البروسيسور وسوكت الرام والكروت
https://www.carpettool.net/751_cmyk.jpg
24- سى دى الويندوز والأوفيس واسطوانة herien وفى اسطوانه اسمها universal drivers فيها حوالى 5000 تعريف لزوم شغل السوفتوير
25- لا بد من توافر وصلة dsl فى ورشتك وكذلك وصلة دش وtv لتجربة أى كروت
26- يراعى فى ورشتك عدم فرش أى سجاده فى الأرضيه
27 - عدسه مكبره أة ميكرسكوب لقراءة أرقام الايسيهات ولحام بنات البروسيسور المكسوره
28- وجود باور سبلاى دائم تحت ايدك تفادى وضع اى سوائل بجانب الشغل والأهم وجود طفاية حريق
29- خلى جنبك شوية converters يعنى مثلا من ps2 ل usb
IDE 2 USB وكذلك وصلات لتطويل أسلاك الباورسبلاى
30- حاول دايما أى بورد بايظه تشيلها أو أى حاجه بايظه تشيلها لأنك هتحتاجها وفى بورد قديمه بتتباع الواحده ب 10 ج تقريبا ( بورد تقطيع ) واحتفظ برضه بأى سى دى عليها تعريفات
31- يا ترى نسيت حاجه !!!!!!!!!!!!!!!!!
رد: الأجهزة والمعدات التى يجب توافرها مع فنى الصيانه
شكرا يا معلم شغل شديد قوي..
رد: الأجهزة والمعدات التى يجب توافرها مع فنى الصيانه
ماشاء الله عليك أخي ماهر، بارك الله فيك على هذا الطرح الرائع :)..
رد: الأجهزة والمعدات التى يجب توافرها مع فنى الصيانه
على فكرة جهاز تفحص فولتيّة مزوّد الطاقة أعجبني جداً، سأحاول السؤال عنه، شكراً لك مرّةً أُخرى :)..
رد: الأجهزة والمعدات التى يجب توافرها مع فنى الصيانه
مجهود رائع جداً بس لو فيه شرح لكل أداة وكيفية استخدامها مع نماذج للشرح تبقى حاجة روعة والله لكن على كل حال جهد مشكور
رد: الأجهزة والمعدات التى يجب توافرها مع فنى الصيانه
( بلاش وحياتك شنطة الجامعه )
عزيزي ماهر .
أولا : بارك الله فيك وفي معلوماتك الرائعة والتي استفدنا منها كثيرا .
ثانيا : في الجملة التي اقتبستها وبالذات التي باللون الأحمر كلمة كثيراً مانسمعها منكم وترددونها باستمرار ولكن لاتلقون لها بال . فهي في الحقيقة شرك بالله وحلف بغير الله والحلف بغير الله أو بغير صفة من صفاته محرم وهو نوع من الشرك ولهذا قال النبي، صلي الله عليه وسلم: (( من حلف بغير الله فقد كفر أو أشرك))
وعلى هذا فيحرم على المسلم أ ن يحلف بغير الله – سبحانه وتعالى – لا بالكعبة، ولا بالنبي، صلى الله عليه وسلم، ولا بجبريل ، ولا بولي من أولياء الله، ولا بخليفة من خلفاء المسلمين، ولا بالشرف، ولا بالقومية، ولا بالوطنية كل حلف بغير الله فهو محرم وهو نوع من الشرك .
أحببت أن أوضح هذه النقطة لخوفي عليك ولأن هذا المنتدى ومشرفينه وأعضاءه قمة في الأخلاق والتعامل .
والله من وراء القصد
رد: الأجهزة والمعدات التى يجب توافرها مع فنى الصيانه
اقتباس:
المشاركة الأصلية كتبت بواسطة haitham elaraby
مجهود رائع جداً بس لو فيه شرح لكل أداة وكيفية استخدامها مع نماذج للشرح تبقى حاجة روعة والله لكن على كل حال جهد مشكور
سأحاول بإذن الله تنفيذ هذه النقطه رغم انها تتطلب مجهود كبير
اقتباس:
المشاركة الأصلية كتبت بواسطة أبو الوريف
( بلاش وحياتك شنطة الجامعه )
عزيزي ماهر .
أولا : بارك الله فيك وفي معلوماتك الرائعة والتي استفدنا منها كثيرا .
ثانيا : في الجملة التي اقتبستها وبالذات التي باللون الأحمر كلمة كثيراً مانسمعها منكم وترددونها باستمرار ولكن لاتلقون لها بال . فهي في الحقيقة شرك بالله وحلف بغير الله والحلف بغير الله أو بغير صفة من صفاته محرم وهو نوع من الشرك ولهذا قال النبي، صلي الله عليه وسلم: (( من حلف بغير الله فقد كفر أو أشرك))
وعلى هذا فيحرم على المسلم أ ن يحلف بغير الله – سبحانه وتعالى – لا بالكعبة، ولا بالنبي، صلى الله عليه وسلم، ولا بجبريل ، ولا بولي من أولياء الله، ولا بخليفة من خلفاء المسلمين، ولا بالشرف، ولا بالقومية، ولا بالوطنية كل حلف بغير الله فهو محرم وهو نوع من الشرك .
أحببت أن أوضح هذه النقطة لخوفي عليك ولأن هذا المنتدى ومشرفينه وأعضاءه قمة في الأخلاق والتعامل .
والله من وراء القصد
شكرا لك
رد: الأجهزة والمعدات التى يجب توافرها مع فنى الصيانه
رد: الأجهزة والمعدات التى يجب توافرها مع فنى الصيانه
رد: الأجهزة والمعدات التى يجب توافرها مع فنى الصيانه
موضوع قمة في الروعة
بوركت
لكن لدي ملاحظة بسيطة إن سمحت لي ياأخي
ذكرت استعمال القطن في تنطيف عدسة الرايتر
أنصح بتجنب استعمال القطن وخصوصا مع العدسة لأنه يترك شوائب تسبب بالتالي مشاكل بالقراءة
أنصح باستعمال ورق شفاف رطب مثلا المهم شيء لا يترك شوائب
وشكرا على الموضوع
رد: الأجهزة والمعدات التى يجب توافرها مع فنى الصيانه
اقتباس:
المشاركة الأصلية كتبت بواسطة rezoufda
موضوع قمة في الروعة
بوركت
لكن لدي ملاحظة بسيطة إن سمحت لي ياأخي
ذكرت استعمال القطن في تنطيف عدسة الرايتر
أنصح بتجنب استعمال القطن وخصوصا مع العدسة لأنه يترك شوائب تسبب بالتالي مشاكل بالقراءة
أنصح باستعمال ورق شفاف رطب مثلا المهم شيء لا يترك شوائب
وشكرا على الموضوع
شكرا يا اخى لإهتمامك
القطن الذى يستخدم فى تنظيف الأذن والذى يباع فى الصيدليات أظنه لا يترك شوائب
بالنسبه لى شخصيا أستعمل الفلين الذى يوجد فى مؤخرة لفافة التبغ
رد: الأجهزة والمعدات التى يجب توافرها مع فنى الصيانه
رد: الأجهزة والمعدات التى يجب توافرها مع فنى الصيانه
بل انا الذى اشكرك لأنك إقتطعت من وقتك وقرأت موضوعى
رد: الأجهزة والمعدات التى يجب توافرها مع فنى الصيانه
ما شاء الله اخي ماهر والله اسم علي مسمي وربنا يحفظك