كيف تتعامل مع ال dead pixel
بسم الله الرحمن الرحيم
الحمد لله انا اشتريت قريب شاشة سامسونج 2494hs
بس للاسف لقيت فيها dead pixel
و بعد البحث على النت لقيت طرق للتعامل معاها
اولا لازم نفرق بين ال dead pixel و stuck pixel
ال dead pixel يبقى لونها فى الغالب نقطة سوداء تظهر اكتر على خلفية بيضاء
وللاسف دى لا يوجد طرق لتصليحها الا عند الضمان
اما ال stuck pixel معناها بالعربى ان ال pixel عالقة على لون واحد
بس مش بايظة بيبقى لونها فى الغالب نقطة بيضاء او خضراء او حمراء او زرقاء
يعنى ال pixel معلقة على لون واحد من الالوان الاساسية
و دة سببه ان valve (صمام) بتاع لون معين بايظ او معلق
و دى الحمد لله تنفع تتصلح و فى الغالب بتشتغل تانى
و هى دى النوع اللى عندى فى الشاشة
و على فكرة دى منتشرة جدا فى الشاشات و خصوصا فى ال high resolution
https://imageshack.us/thumbnmail.png
يوجد طرقتين اساسيتين فى التصليح اولا
ال software
تقدر بكل سهولة استخدام برامج بسيطة بتبدل فى الالوان بسرعة على المنطقة اللى فيها ال stuck pixel
و التبديل ده ممكن يحث ال pixel على انها تشتغل تانى
زى مثلا برنامج udpixel
البرنامج يساعدك فى تحديد مكانها و بعد كده بيديك مربع صغير بيعمل flashing
المربع ده تحطه فوق ال pixel وسيبه فترة
البرنامج ميزته انه بيحدد على جزء معين من الشاشة و ممكن تشتغل على الجهاز عادى و هو شغال
او موقع www.jscreenfix.com
برده ده بيعمل نفس الكلام بس على ال browser على طول من غير برامج
بس مش حتعرف تشتغل على الجهاز و هو شغال
نيجى بقى للطريقة الثانية : :ah23::ah23::ah23::ah23::ah23:
بحذركم الطرق دى +18
ما تنفعش لذوى القلوب الضعيفة (انا منهم عشان كدة مجربتهاش )
الطريقة دى بال hardware
اولا طريقة الضغط::ah12::ah12::ah12::ah12:
جيب قماشة طرية و قلم (يفضل قلم بتاع شاشة touch screen )
حط القماشة على سن القلم
اقفل الشاشة
اضغط على مكان ال stuck pixel بقوة (بس مش جامد قوى عشان ما تبوظش الشاشة )
و انت ضاغط افتح الشاشة تانى
الطريقة دى تشتغل بس لو ان السبب ان الكريستال السائل مش واصل لل pixel
ثانيا طريقة الطرق::ah42::ah42::ah42::ah42::ah42:
خلى الشاشة شغالة
جيب قام له غطاء مدور (قلم فلوماستر)
اعرض صورة سوداء على الشاشة (لازم يكون ال back light شغال )
خبط ( اطرق ) بغطاء القلم على المنطقة اللى فيها ال pixel او خبط باستيكة قلم رصاص
التخبيط يكون بقوة (مش قوى خالص ) بحيث انك تشوف وهج ابيض فى منطقة التلامس مع كل خبطة
لو مش بتشوف الوهج ده يبقى خبط اجمد
و زود الضغط بالتدريج لغاية 10-15 خبطة
الفروض ان ال pixel تشتغل معاك
بعد كدة افتح صفحة بيضاء خالص عشان تتاكد انك ما بوظتش حاجة تانية!!!
ثالثا طريقة التسخين ::ah5::ah5::ah5::ah5:
دى تنفع للمساحات الكبيرة من الالوان الضاربة (سواء اسود او الوان )
الطريقة مش حاقولها لان قلبى مايستحملهاش
و فيها مخاطرة كبيرة انك تبوظ اللاب او الشاشة
رابعا طريقة التدليك (massage ) :
جيب قماشة سخنة ( مش مبلولة )
و ببساطة اعمل تدليك للشاشة فوق ال pixel بس بلطف وجنتلة
اخيرا الطرق دى تشتغل بس على ال stuck pixel
و مش حاتجيب نتيجة مع ال dead pixel
تحذير استعمل الطرق دى على مسؤليتك الخاصة :ah51::ah51::ah51::ah51:
لان الشاشات ال LCD متكونة من طبقات متعددة بين كل طبقة و اخرى
فواصل زجاجية رقيقة جدا ممكن لو خبطت جامد تكسرها !!!!!!
انا عن نفسى استعملت البرامج بس و يا مسهل (يارب تشتغل )
و قلت انقل لكم الطرق دى للعايز و عنده قلب
و على فكرة فى مثل اجنبى (if it ain't broke , don't fix it )
يعنى لو ال pixel مش مضايقاك قوى بلاش تحاول تصلحها بالهاردوير
زى عندى مثلا مابتبانش غير نقطة صغيرة جدا على خلفية سوداء خالص
اما باقى الالوان شغالة تمام
و اغلب ظروف التشغيل مابتبانش فيها
و السلام عليكم و رحمة الله و بركاته
رد: كيف تتعامل مع ال dead pixel
بارك الله فيك
معلومات جديدة علي بالكامل،
إذا ممكن تزودنا ببعض المصادر للاستزاده
تحياتي
رد: كيف تتعامل مع ال dead pixel
اقتباس:
المشاركة الأصلية كتبت بواسطة Max-S
بارك الله فيك
معلومات جديدة علي بالكامل،
إذا ممكن تزودنا ببعض المصادر للاستزاده
تحياتي
شكرا على مرورك
و بارك الله فيك و فى مواضيعك المتميزة
المصدر:
https://www.wikihow.com/Fix-a-Stuck-...an-LCD-Monitor
https://www.jscreenfix.com/index.php
رد: كيف تتعامل مع ال dead pixel
الف مبروك عليك الشاشه وربنا يباركلك فيها
الشاشه ده عندى بالفعل بس تعبت اعقبال ما جبتها لانى كل ما اجرب واحده تطلع فيها ديد بكسل من شركات اللى فى سوق العصر الى ان جبتها سليمه الحمد لله من شركه اسمها visa فى تكنولوجى مول بمدينة نصر شركه محترمه جدا وضمانهم محترم وعندهم كل انواع الشاشات وبيعملولك test على الشاشه ببرامج الاختبار قبل ما تخدها بصراحه انصح اى حد عاوز يشتريها يجبها منها والحمد لله وصفتها لاكثر من واحد وكل اللى جبها منهم شكر فيها ...
رد: كيف تتعامل مع ال dead pixel
رد: كيف تتعامل مع ال dead pixel
اقتباس:
المشاركة الأصلية كتبت بواسطة moatez
الف مبروك عليك الشاشه وربنا يباركلك فيها
الشاشه ده عندى بالفعل بس تعبت اعقبال ما جبتها لانى كل ما اجرب واحده تطلع فيها ديد بكسل من شركات اللى فى سوق العصر الى ان جبتها سليمه الحمد لله من شركه اسمها visa فى تكنولوجى مول بمدينة نصر شركه محترمه جدا وضمانهم محترم وعندهم كل انواع الشاشات وبيعملولك test على الشاشه ببرامج الاختبار قبل ما تخدها بصراحه انصح اى حد عاوز يشتريها يجبها منها والحمد لله وصفتها لاكثر من واحد وكل اللى جبها منهم شكر فيها ...
على فكرة انا جبتها من نفس المحل ده شركة visa فى الدور التانى ب1150
بس ماجربتهاش هناك
خدتها و مشيت على طول
و شفتها قبلها فى سوق العصر لقيت سعرها 1350
بس ال pixel مش مضايقانى قوى لانها صعب جدا تلاحظها
رد: كيف تتعامل مع ال dead pixel
اقتباس:
المشاركة الأصلية كتبت بواسطة alimorshid
و شفتها قبلها فى سوق العصر لقيت سعرها 1350
للاسف الاحتكار بدا يظهر مع الشاشه ده لانها خلصت من عند التوكيل فعلا ومش هتدخل مصر ثانى الا فى شهر 1 و حسب كلام الراجل فى شركة VISA ان الشاشه ده عندهم منها استوك كبير 50 وحده ساعة ما كنت عندهم بس يا رب هما كمان ميغلوش سعرها ..
رد: كيف تتعامل مع ال dead pixel
شكرا على الموضوع
مشكلة فعلا لو فيها dead pixel
رد: كيف تتعامل مع ال dead pixel
شكراً على المشاركة المفيدة و لك تقييم
رد: كيف تتعامل مع ال dead pixel
مشكور جدا على المعلومات القيمه وتم التقييم
رد: كيف تتعامل مع ال dead pixel
موضوع مهم، بارك الله فيك.
رد: كيف تتعامل مع ال dead pixel
الف شكر ليك ياستاذ فعلا موضوع جميل بس نتمنى ان يكون بفائده
رد: كيف تتعامل مع ال dead pixel
رد: كيف تتعامل مع ال dead pixel
موضوع ده مهم وعوز شوية اهتمام أكتر من كده من الأعضاء
واللي الامام أكتر و أكتر تسلم يدك
رد: كيف تتعامل مع ال dead pixel