MSI NX7600 GS

هاى يا جماعة انا عضو جديد هنا انا اول مرة اسجل بس كنت اسمع عن arabhardware من زمان و عارف انكم ناس جامدة و يارب تقدرو تحلو مشكلتى

انا عندى كارت فيجا MSI NX7600 GS بس عندى مشكلة غريبة و مش عارف من اية انا اول ما اشغل الجهاز الحرارة بتاعت الكارت بتبقى 38 بس اول ما اشغل اى لعبة الحرارة بتزيد بطريقة غريبة لحد ما توصل 79 و الجهاز يهنج انا مش عارف اعمل اية فى ناس بتقولى العيب من الPCI اللى فى الMotherboard و ناس تقولى الكارت بتاعك بايظ انا جبت كارت تانى بتاع واحد صاحبى و شغلت بية الجهاز على لعبة لمدة 3 ايام مفيش تهنيج ولا اى حاجة يبقى العيب فى الكارت طيب اية الحل و ممكن يتصلح ولا لا ياريت بجد تردو عليا لانى مش لاقى حل

لية كدة يا جماعة انا كان عندى امل انكو تساعدونى 6 يدخلو الموضوع و محدش يرد بكلمة

وعليكم السلام ورحمة الله
مبدئيا وفر تهوية جيدة للكارت تبعك - يكفي مروحة مواجهة للكارت من الأسفل
- هل قمت بكسر سرعة الكارت ؟ وبأي برنامج قمت بذلك ؟
التعريف الخاص بالكارت يجب أن يكون الأحدث ؟ ومن موقع الشركة ؟
مزود الطاقة لديك نوعه أيه ؟ واللوحة الأم كمان ؟؟
الكارت كان يعمل قبل ذلك ؟ ولا من أول ما أشتريته المشكلة دي فيه ؟؟
شكل الكارت - أذكر نظام التبريد - معدني ولا فيه مروحة ؟ وأتأكد لو فيه مروحة أنها شغالة ؟؟؟

- يرجى التنبيه بالرد على الخاص لعدم تواجدي للأنشغال بالأمتحانات الجامعية

بالتوفيق

شكرا على الرد يا باشا و ادى الموصفات اللى انت عايزها

صورة الكارت

https://www.hardwarezone.com.au/img/...6/1856/Box.jpg

لم اقم من قبل بكسر سرعة الكارت

معرف الكارت باحدث تعريف موجود 2008 و من موقع الشركة الاصلى

مزود الطاقة مش عارف يعنى اية :confused: اللوحة الام MSI P965 NEO

https://www.hardwarezone.com.au/img/...965Neo_top.jpg

نظام التبريد معدنى

مزود الطاقة يعني power supply

هل هذا الكارت منذ أن اشتريته وهو هكذا
أم المشكل حديث
ومنذ متى ؟؟

الpower supply موديل J-B 500W
و الكارت مكنش كدة انا اول ما جبتو كنت بقعد بالاسبوع مقفلش الجهاز كنت بلعب جيمز 24 ساعة

جرب هذا الكارت عند صديقك الذي جربت الكارت تبعه واشتغلت عندك تمام
وشوف إذا كانت المشكلة مستمرة فآن ذاك المشكل قد يكون من هذا الكارت الشاشة ( نتأكد آن ذاك )
إذا اشتغل عنده الكارت جيدا
فعليك بتجربة باور سبلاي ثاني
لأن الماركة بتاع الباور تبعك أظنها ليست بالماركة الجيدة والمسجلة

تعرف يا أخ MAMBONIKE، أنك لو وضعتَ المعلومات والصور منذ البداية... لكانت الأجابات أسرع. على كل حال... علينا بالقادمات، ونحن عند ظنكَ إن شاء الله.
تبين صورة البطاقة أنها مزودة بمشتت حرارة معدني دون مروحة فوقه. إن تثبيت مروحة بقطر مناسب وتأخذ تغذيتها الكهربائية من المقبس الأبيض (قرب المكثفين الصفر) بواسطة رأس مناسب... كفيل بتخفيض حرارة البطاقة لحد كبير، وهذا سيؤثر إيجاباً على إدائها. في حال تعذر تجهيز المروحة بالتغذية الكهربائية من المقبس الأبيض بالأمكان ندبر الأمر من أحد رؤوس تغذية IDE الكهربائية (يعني المخصصة للقرص الصلب أو ال CD-ROM).
لو جربتَ مُجهز طاقة آخر موثوق وبقدرة حقيقية من 400 - 500 وات ذو علامة مشهود لها على سبيل الأستعارة... يكون أفضل في حسم مسألة كفاءة مجهز الطاقة الحالي من عدمها.
النديم

السلام عليكم

اخي الكريم انا كان "وكان فعل ماضي لن يعود" لدي نفس الكرت اللذي تملكة "اطال الله في عمرة"
وكرتي انحرق من اول الشهر...................

خلينا بالمهم
ضع مروحتين تحت الكرت وهما كفيلتان بتخفيض الحرارة 10-15 درجة تقريبا " مع مراعاة التهوية داخل الكيس"
وانا مجرب لمدة سنة و نصف " مع العلم اني كنت كاسر سرعتة" والحرارة في عزّ الشغل والالعاب لم تصل 55 وفي الوضع الطبيعي 32 فقط.

وانا اقول عن تجربة وعشرة عمر مع ذلك الكرت " الله يرحمة "

وشكرا

المشكة أقتصرت على
مزود طاقة جيد - نظام تهوية خاصة للكارت - غير ذلك الكارت تعطل نتيجة أرتفاع أما درجة الحرارة أو الفولت عليه

شكرا جدا يا جماعة على المساعدة و الردود

اولا انا جربت الكارت دة عند واحد صاحبى و كان بيعمل نفس التهنيج

انا النهاردة روحت مول السخاوى و دورت على اى مروحة ( فان ) تقدر تركب على الكارت لكن للاسف المول كلو مفيهوش مروحة كبيرة قد المبرد اللى على الكارت

ياريت يا اخ xa3wajx تقولى نوع المروحة اللى كانت عندك و ياترا اركب المروحتين على المبرد ولا اشيل المبرد تماما

المشكلة فعلا هى سخونة الكارت
اى مروحة تركب عادى على المبرد اللى على الكرت اهم شىء تثبتها كويس عشان متعملش صوت مزعج

وفيه شفاط بيركب تحت كرت الشاشه "ممتاز جدا " بيخفض الحرارة حوالى 15-20 درجة

وطبعا المفروض تكون مقفل الكيسة ومشغل المروحة اللى فى الجنب الشفاف "برضو بتساعد بشكل جيد فى عملية التبريد "والافضل انك تخليها تدفع الهواء داخل الكيسة بدلا من الطرد

*فيه مكان تحت الباور سبلاى ممكن تركب فيه مروحة طرد "هتساعد على طرد الهواء الساخن خارج الكيسة

لو عملت الاربع حاجات دول انسى ان الكارت يعمل معاك مشكلة

تحياتى

اقتباس:

---

المشاركة الأصلية كتبت بواسطة MAMBONIKE

شكرا جدا يا جماعة على المساعدة و الردود

اولا انا جربت الكارت دة عند واحد صاحبى و كان بيعمل نفس التهنيج

انا النهاردة روحت مول السخاوى و دورت على اى مروحة ( فان ) تقدر تركب على الكارت لكن للاسف المول كلو مفيهوش مروحة كبيرة قد المبرد اللى على الكارت

ياريت يا اخ xa3wajx تقولى نوع المروحة اللى كانت عندك و ياترا اركب المروحتين على المبرد ولا اشيل المبرد تماما

---

السلام عليكم

المراوح المستخدمة من نوع 8سم وتم ربطهما بجانب بعضهم
وتركيبهم تحت كرت الشاشة .... ملاحظة :.. اترك شق واحد فراغ بين المراوح و كرت الشاشة
ليعطي المجال لتغيير الهواء

طبعا لا تلعب بالمشتت الاصلي فقط ضع مروحتين تحتة ........


وشكرا