حل ان شاء الله بسيط لجميع عمليات النصب ووجع القلب

السلام عليكم ورحمه الله وبركاته
يا اخوانا انا ملاحظ ان عمليات النصب وبيع الحاجات البايظه كترت
وانا عندى حل بسيط انا عندى مكتب كمبيوتر فى شارع شبرا جنب محطه متروا سانت تريزا
وانا على اتم استعداد ان البايع والشارى يشرفنى فى المكتب ويجرب حاجته بدون مقابل
المقابل الوحيد هو الدعاء فقط لا غير
واللى عايز يشرفنى يتصل بيا قبلها
واهلا وسهلا بكل الناس
ملحوظه بسيطه انت هتجرب بنفسك وانا ليس ليا دخل من قريب او من بعيد باى مسئوليه

جزاك الله كل خير يا اخى حل معقول وعلى الاقل يكون هناك شاهد على البيع والشراء لمن يريد الجديه او يخاف من شئ اعانك الله على التيسير للمسلمين وانا عن نفسى اشكرك لتطوعك لحل هذه المشكله التى طالما توجد مع وجود البيع والشراء امر لا يمكن التحكم فيه الا بالضمير

بارك الله فيك يا أخي وجعله في ميزان حسناتك

اقتباس:

---

المشاركة الأصلية كتبت بواسطة محمد خليفه 1

السلام عليكم ورحمه الله وبركاته
يا اخوانا انا ملاحظ ان عمليات النصب وبيع الحاجات البايظه كترت
وانا عندى حل بسيط انا عندى مكتب كمبيوتر فى شارع شبرا جنب محطه متروا سانت تريزا
وانا على اتم استعداد ان البايع والشارى يشرفنى فى المكتب ويجرب حاجته بدون مقابل
المقابل الوحيد هو الدعاء فقط لا غير
واللى عايز يشرفنى يتصل بيا قبلها
واهلا وسهلا بكل الناس
ملحوظه بسيطه انت هتجرب بنفسك وانا ليس ليا دخل من قريب او من بعيد باى مسئوليه

---

والله الخطوه دي ممتازه جداا يا استاذ محمد وانا راي ان اي حد عنده محل يعمل نفس الفكره بتاعة حضرتك
بحيث يكون في كل منطقه محل وبالتالي يسهل الوصول اليها
واهو بردو يبقى موجود حد عنده خبره في عملية البيع عشان يشيك على المنتج


تقبل تحياتي

انا والله مع احترامى ليك ياستاذ محمد انا شايف ان المفروض المنتدى هوة الى يشرف على الموضوع ده عن طريق فنح مكتب مثلا ويكون ليه اجر ولو بسيط علشان نضمن الحاجة الى بتتباع وبعدين علشان ممكن يكون فيه شحن على الاقل لو فى حق لاى حد من الطرفين يلاقى الى يجبهوله وشكرا

ربنا يباركلك يا استاذ محمد

حل ممتاز ولكن المشكلة أن المكان ده مش قريب لكل حد
وعندي فكرة تانية وهي أن نعمل قائمة اسماء الTrusted Sellers
يعني البائعين الموثوقين بهم علشان نتفادي المهزل اللي بتحصل, خصوصا اليومين دول

الله يجزيك خير والله حل رائع

ماشاء الله عرض لا يصدر الا من انسان محترم يعرف ربنا
ربنا يباركلك يا استاذ محمد

بارك الله فيك
يا استاذ محمد
الله يجزيك خير
حل ممتاز

في حل جميل
المنتدي يختار بعض أصحاب مكاتب الكمبيوتر المشتركين في المنتدي في مناطق متفرقة ويكونو محل ثقة ويتولو موضوع البيع والشراء
في مقابل الحصول علي نقط وعلي عضوية ذهبية مثلاً

اقتباس:

---

المشاركة الأصلية كتبت بواسطة gamedragon64

حل ممتاز ولكن المشكلة أن المكان ده مش قريب لكل حد
وعندي فكرة تانية وهي أن نعمل قائمة اسماء الTrusted Sellers
يعني البائعين الموثوقين بهم علشان نتفادي المهزل اللي بتحصل, خصوصا اليومين دول

---

الفكرة اكتر من رائعه وهذا الاقتراح رائع وان يكون له قسم مثبت داخل ( عروض بيع الاجهزة ومتعلقاتها المقدمة من الاعضاء )
وان يوضع استيكرز علي المحل يقوم بتصميمه اعضاء قسم التصميم يحمل اسم عرب هاردوير

فكرة جميلة جدا .... وبرضو فكرة القايمة البيضا كويسة وأروجو تنفيذها ..... إنما القايمة السودة غالبا مش هتكون مهمة لأن النصاب هيعمل 100 أكونت جديد !!

والله فكرة جميلة جدا و ياريت كل اللى عنده محلات يعمل زيك يا محمد..:ah7:
و اهو بالمرة يكسب دعاية ع الماشي..

اقتباس:

---

المشاركة الأصلية كتبت بواسطة yossefzied

فكرة جميلة جدا .... وبرضو فكرة القايمة البيضا كويسة وأروجو تنفيذها ..... إنما القايمة السودة غالبا مش هتكون مهمة لأن النصاب هيعمل 100 أكونت جديد !!

---

الادارة يمكنها ايقاف الاعضاء اصحاب العضويات المتعددة